ਸੁਖਦੇਵ ਸਿੰਘ ਢੀਂਡਸਾ ਇਕ ਦਿਨ ਵਿਚ ਹੀ ਨਹੀਂ, ਇਸ ਮੁਕਾਮ 'ਤੇ ਪੁੱਜੇ, ਪਰਦੇ ਪਿਛੇ ਉਹ ਕਾਫ਼ੀ ਸਮੇਂ ਤੋਂ ਬਾਦਲਾਂ ਤੋਂ ਵਖਰਾ ਰਾਹ ਅਖ਼ਤਿਆਰ ਕਰ ਚੁਕੇ ਸਨ
ਅੰਮ੍ਰਿਤਸਰ : ਭਾਜਪਾ ਹਾਈ ਕਮਾਂਡ ਵਲੋਂ ਪ੍ਰਕਾਸ਼ ਸਿੰਘ ਬਾਦਲ, ਸੁਖਬੀਰ ਸਿੰਘ ਬਾਦਲ ਤੋਂ ਪਿਛੇ ਹਟ ਜਾਣ ਅਤੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਤੇ ਅਮਿਤ ਸ਼ਾਹ ਕੇਂਦਰੀ ਗ੍ਰਹਿ ਮੰਤਰੀ ਵਲੋਂ ਸ਼੍ਰੋਮਣੀ ਅਕਾਲੀ ਦਲ ਦੇ ਆਗੂ ਸੁਖਦੇਵ ਸਿੰਘ ਢੀਂਡਸਾ ਨੂੰ ਦੇਸ਼ ਦੇ ਸਿਆਸੀ ਮੰਚ 'ਤੇ ਤਾਕਤ ਦੇਣ ਨਾਲ ਬਾਦਲ ਪਰਵਾਰ ਦੇ ਬੁਖਲਾਹਟ 'ਚ ਚਲੇ ਜਾਣ ਦੀ ਚਰਚਾ ਰਾਜਨੀਤਕ ਤੇ ਸਿੱਖ ਸਿਆਸਤ ਵਿਚ ਛਿੜ ਗਈ ਹੈ।
Photo
ਸਿਆਸੀ ਹਲਕਿਆਂ ਮੁਤਾਬਕ ਸੁਖਦੇਵ ਸਿੰਘ ਢੀਂਡਸਾ ਦੇ ਗਵਰਨਰ ਬਣਨ ਦੀ ਫ਼ਾਈਲ ਦੋ ਵਾਰੀ ਸੁਖਬੀਰ ਸਿੰਘ ਬਾਦਲ ਨੇ ਅਪਣਾ ਅਸਰ ਰਸੂਖ ਵਰਤ ਕੇ ਰੁਕਵਾ ਦਿਤੀ ਸੀ ਜਿਸ ਦਾ ਉਚ ਭਾਜਪਾ ਲੀਡਰਸ਼ਿਪ ਨੇ ਵੀ ਬੁਰਾ ਮਨਾਇਆ ਸੀ ਪਰ ਇਸ ਦਾ ਰਾਜਨੀਤਕ ਲਾਭ ਅੱਜ ਢੀਂਡਸਾ ਨੂੰ ਮਿਲ ਰਿਹਾ ਹੈ ਕਿ ਦਬਾਉਣ ਨਾਲ ਇਨਸਾਨ ਹੀ ਨਹੀਂ, ਕੁਦਰਤ ਵੀ ਬਹੁਤ ਬੁਰਾ ਮਨਾਉਂਦੀ ਹੈ।
Photo
ਇਹ ਚਰਚਾ ਦਾ ਬਾਜ਼ਾਰ ਗਰਮ ਹੈ ਕਿ ਸੁਖਦੇਵ ਸਿੰਘ ਢੀਂਡਸਾ ਇਕ ਦਿਨ ਵਿਚ ਹੀ ਨਹੀਂ, ਇਸ ਮੁਕਾਮ 'ਤੇ ਪੁੱਜੇ, ਪਰਦੇ ਪਿਛੇ ਉਹ ਕਾਫ਼ੀ ਸਮੇਂ ਤੋਂ ਬਾਦਲਾਂ ਤੋਂ ਵਖਰਾ ਰਾਹ ਅਖ਼ਤਿਆਰ ਕਰ ਚੁਕੇ ਸਨ ਜਿਸ ਦੀ ਭਿਣਕ ਬਾਦਲ ਪਰਵਾਰ ਨੂੰ ਸੀ ਪਰ ਉਹ ਉਸ ਵੇਲੇ ਸੱਤਾ ਦੇ ਨਸ਼ੇ ਵਿਚ ਸਨ ਕਿ ਸਾਡਾ ਭਾਜਪਾ ਨਾਲ ਨਹੁੰ ਮਾਸ ਤੇ ਪਤੀ ਪਤਨੀ ਵਾਲਾ ਰਿਸ਼ਤਾ ਹੈ ਜੋ ਸਿਆਸਤ ਵਿਚ ਨਹੀਂ ਚਲਦਾ।
Photo
ਦਿੱਲੀ ਦੀ ਸਰਗਰਮ ਪੰਜਾਬੀ ਲਾਬੀ ਵੀ ਬਾਦਲਾਂ ਦੀ ਥਾਂ ਸੁਖਦੇਵ ਸਿੰਘ ਢੀਂਡਸਾ ਦੇ ਹੱਕ ਵਿਚ ਸਰਗਰਮ ਹੋ ਗਈ ਹੈ ਕਿ ਪੰਜਾਬ ਨੂੰ ਅੱਜ ਚੰਗੇ ਕਿਰਦਾਰ ਦੀ ਜ਼ਰੂਰਤ ਹੈ। ਬਾਦਲਾਂ ਵਲੋਂ ਸੌਦਾ ਸਾਧ ਅੱਗੇ ਗੋਡੇ ਟੇਕਣ, ਡਰੱਗਜ਼, ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਦੀ ਬੇਅਦਬੀ ਦੇ ਦੋਸ਼ੀ ਬਚਾਉਣ ਅਤੇ ਡਿਕਟੇਟਰ ਬਣ ਜਾਣ, ਸ਼੍ਰੋਮਣੀ ਕਮੇਟੀ ਅਤੇ ਸ੍ਰੀ ਅਕਾਲ ਤਖ਼ਤ ਸਾਹਿਬ ਨੂੰ ਅਪਣੇ ਰਾਜਸੀ ਹਿਤਾਂ ਲਈ ਵਰਤਣ ਕਾਰਨ ਅੱਜ ਬਾਦਲ ਪਰਵਾਰ ਦੀ ਨਾ ਦਿੱਲੀ ਚੋਣਾਂ 'ਚ ਕੋਈ ਕਦਰ ਹੈ ਅਤੇ ਨਾ ਹੀ ਲੋਕਾਂ ਵਿਚ ਪਹਿਲਾਂ ਵਰਗਾ ਮਾਣ-ਸਨਮਾਨ ਨਹੀਂ ਰਹਿ ਗਿਆ।
Photo
ਸ਼੍ਰੋਮਣੀ ਕਮੇਟੀ, ਸ਼੍ਰੋਮਣੀ ਅਕਾਲੀ ਦਲ ਦੇ ਘਾਗ ਆਗੂ ਇਸ ਵੇਲੇ ਸੁਖਦੇਵ ਸਿੰਘ ਢੀਂਡਸਾ ਨਾਲ ਸੰਪਰਕ ਵਿਚ ਹਨ ਤੇ ਦਿੱਲੀ ਚੋਣਾਂ ਖ਼ਤਮ ਹੁੰਦਿਆਂ ਹੀ ਪੰਜਾਬ ਦੀ ਪੰਥਕ ਸਿਆਸਤ 'ਚ ਨਵਾਂ ਮੋੜ ਆਉਣ ਦੀ ਸੰਭਾਵਨਾ ਹੈ ਜਿਸ ਤੋਂ ਬਾਦਲ ਚਿੰਤਤ ਦੱਸੇ ਜਾ ਰਹੇ ਹਨ।
