Advertisement
  ਖ਼ਬਰਾਂ   ਪੰਜਾਬ  30 Apr 2021  ਸਪੋਕਸਮੈਨ ਟੀ.ਵੀ ਦੀ ਕੈਪਟਨ ਅਮਰਿੰਦਰ ਸਿੰਘ ਨਾਲ ਖ਼ਾਸ ਇੰਟਰਵਿਊ ਦੇ ਹੋਏ ਹਰ ਪਾਸੇ ਚਰਚੇ

ਸਪੋਕਸਮੈਨ ਟੀ.ਵੀ ਦੀ ਕੈਪਟਨ ਅਮਰਿੰਦਰ ਸਿੰਘ ਨਾਲ ਖ਼ਾਸ ਇੰਟਰਵਿਊ ਦੇ ਹੋਏ ਹਰ ਪਾਸੇ ਚਰਚੇ

ਸਪੋਕਸਮੈਨ ਸਮਾਚਾਰ ਸੇਵਾ
Published Apr 30, 2021, 9:49 am IST
Updated Apr 30, 2021, 12:35 pm IST
ਨਿਊਜ਼-18 ਤੋਂ ਇਲਾਵਾ ਪ੍ਰਮੁੱਖ ਵੈਬ ਚੈਨਲ ਕਰ ਰਹੇ ਹਨ ਇਸ ਇੰਟਰਵਿਊ ਦੀਆਂ ਟਿਪਣੀਆਂ ਦਾ ਇਸਤੇਮਾਲ, ਇੰਟਰਵਿਊ 'ਚ ਪਹਿਲੀ ਵਾਰ CM ਨੇ ਕਹੀਆਂ ਸਿੱਧੂ ਬਾਰੇ ਕਈ ਵਿਸ਼ੇਸ਼ ਗੱਲਾਂ
Captain Amarinder Singh, Nimrat Kaur
 Captain Amarinder Singh, Nimrat Kaur

ਚੰਡੀਗੜ੍ਹ (ਗੁਰਉਪਦੇਸ਼ ਭੁੱਲਰ): ਸਪੋਕਸਮੈਨ ਟੀ.ਵੀ. ਦੇ ਮੈਨੇਜਿੰਗ ਐਡੀਟਰ ਨਿਮਰਤ ਕੌਰ ਵਲੋਂ ਬੀਤੇ ਦਿਨੀਂ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਨਾਲ ਕੀਤੀ ਵਿਸ਼ੇਸ਼ ਇੰਟਰਵਿਊ ਜੋ 29 ਅਪ੍ਰੈਲ ਨੂੰ ਰੋਜ਼ਾਨਾ ਸਪੋਕਸਮੈਨ ਵਿਚ ਵੀ ਪਹਿਲੇ ਪੰਨੇ ਤੇ ਪ੍ਰਮੁਖਤਾ ਨਾਲ ਪ੍ਰਕਾਸ਼ਤ ਹੋਈ, ਦੇ ਹਰ ਪਾਸੇ ਚਰਚੇ ਰਹੇ। ਜ਼ਿਕਰਯੋਗ ਹੈ ਕਿ ਇਸ ਗੱਲਬਾਤ ਦੌਰਾਨ ਕਈ ਗੱਲਾਂ ਜੋ ਮੁੱਖ ਮੰਤਰੀ ਨੇ ਕਹੀਆਂ, ਪਹਿਲੀ ਵਾਰ ਸਾਹਮਣੇ ਆਈਆਂ ਹਨ।

Captain Amarinder Singh, Nimrat Kaur Captain Amarinder Singh, Nimrat Kaur

ਇਸ ਤੋਂ ਪਹਿਲਾਂ ਜ਼ੀ. ਪੰਜਾਬੀ ਨੇ ਵੀ ਪਿਛਲੇ ਦਿਨੀਂ ਮੁੱਖ ਮੰਤਰੀ ਨਾਲ ਖ਼ਾਸ ਇੰਟਰਵਿਊ ਕੀਤੀ ਸੀ ਪਰ ਉਸ ਵਿਚ ਵੀ ਮੁੱਖ ਮੰਤਰੀ ਨੇ ਇਹ ਗੱਲਾਂ ਨਹੀਂ ਸਨ ਬੋਲੀਆਂ ਜੋ ਸਪੋਕਸਮੈਨ ਨਾਲ ਗੱਲਬਾਤ ਦੌਰਾਨ ਕਹੀਆਂ। ਸਿਆਸੀ ਹਲਕਿਆਂ ਵਿਚ ਜਿਥੇ ਅੱਜ ਇਸ ਇੰਟਰਵਿਊ ਦੀ ਚਰਚਾ ਰਹੀ ਉਥੇ ਪੰਜਾਬ ਸਕੱਤਰੇਤ ਦੇ ਸਰਕਾਰੀ ਗਲਿਆਰਿਆਂ ਵਿਚ ਵੀ ਚਰਚਾ ਸੀ। ਇਥੋਂ ਤਕ ਕਿ ਇਸ ਇੰਟਰਵਿਊ ਦਾ ਪੰਜਾਬੀ ਦੇ ਪ੍ਰਮੁੱਖ ਚੈਨਲ ਨਿਊਜ਼-18 ਵਲੋਂ ਟਿਪਣੀਆਂ ਦੇ ਹਵਾਲੇ ਨਾਲ ਇਸਤੇਮਾਲ ਕੀਤਾ ਗਿਆ ਅਤੇ ਸੋਸ਼ਲ ਮੀਡੀਆ ’ਤੇ ਪ੍ਰਮੁੱਖ ਚੈਨਲਾਂ ’ਤੇ ਇਸ ਇੰਟਰਵਿਊ ਦੀਆਂ ਟਿਪਣੀਆਂ ਦੇ ਹਵਾਲੇ ਦੇ ਕੇ ਚਰਚਾ ਕੀਤੀ ਜਾ ਰਹੀ ਹੈ।

Captain amarinder Singh and Navjot SidhuCaptain Amarinder Singh and Navjot Sidhu

ਇਸ ਵਿਚ ਮੁੱਖ ਮੰਤਰੀ ਨੇ ਸਿੱਧਾ ਕਿਹਾ ਹੈ ਕਿ ਨਵਜੋਤ ਸਿੰਘ ਸਿੱਧੂ ਲਈ ਮੇਰੇ ਵਲੋਂ ਦਰਵਾਜ਼ੇ ਬੰਦ ਹਨ। ਉਸ ਨੂੰ ਗ੍ਰਹਿ ਵਿਭਾਗ ਨਾ ਦੇਣ ਜਾਂ ਡਿਪਟੀ ਸੀ.ਐਮ. ਨਾ ਬਣਾਉਣ ਬਾਰੇ ਉਸ ਦੇ ਇਮਰਾਨ ਖ਼ਾਨ ਨਾਲ ਸਬੰਧਾਂ ਦਾ ਹਵਾਲਾ ਦੇਣ ਅਤੇ ਲੋਕਲ ਬਾਡੀਜ਼ ਮੰਤਰੀ ਰਹਿੰਦਿਆਂ 7-7 ਮਹੀਨੇ ਕੰਮਾਂ ਦੀਆਂ ਫ਼ਾਈਲਾਂ ਅੱਗੇ ਨਾ ਤੁਰਨ ਅਤੇ ਸਿੱਧੂ ਦੀਆਂ ਕੇਜਰੀਵਾਲ ਨਾਲ ਮੁਲਾਕਾਤਾਂ ਦਾ ਪ੍ਰਗਟਾਵਾ ਸਪੋਕਸਮੈਨ ਦੀ ਇੰਟਰਵਿਊ ਦੇ ਵਿਸ਼ੇਸ਼ ਤੇ ਵਖਰੇ ਨੁਕਤੇ ਹਨ।

Advertisement
Advertisement

 

Advertisement