Kharar Firing News :ਨੌਜਵਾਨ ਪਿੰਡ ਬਡਾਲੀ ’ਚ ਲੱਗਿਆ ਮੇਲਾ ਦੇਖ ਕੇ ਆਪਣੇ ਮੋਟਰਸਾਈਕਲ ’ਤੇ ਪਰਤ ਰਹੇ ਸਨ ਘਰ

Kharar Firing News : ਪਿੰਡ ਝੰਜੇੜੀ ਅਤੇ ਰਸਨਹੇੜੀ ਵਿਚਾਲੇ ਲੰਘੀ ਰਾਤ ਵਾਪਰੀ ਗੋਲੀਬਾਰੀ ਦੀ ਘਟਨਾ ਵਿਚ 4 ਵਿਅਕਤੀ ਜ਼ਖ਼ਮੀ ਹੋ ਗਏ। ਜ਼ਖਮੀਆਂ ਵਿਚੋਂ ਤਿੰਨਾਂ ਨੂੰ ਸੈਕਟਰ 32 ਚੰਡੀਗੜ੍ਹ ਅਤੇ ਇੱਕ ਨੂੰ 6 ਫੇਜ਼ ਮੁਹਾਲੀ ਦੇ ਹਸਪਤਾਲ ’ਚ ਦਾਖਲ ਕਰਵਾਇਆ ਗਿਆ। ਸੈਕਟਰ-32 ਦੇ ਹਸਪਤਾਲ ’ਚ ਵਿਚ ਜ਼ੇਰੇ ਇਲਾਜ ਰਵੀ ਰਾਣਾ ਨਾਂ ਦੇ ਪਿੰਡ ਝੰਜੇੜੀ ਦੇ ਵਸਨੀਕ ਨੇ ਦੱਸਿਆ ਕਿ ਉਹ ਰਾਤ ਨੂੰ ਬਡਾਲੀ ਪਿੰਡ ਵਿਚੋਂ ਪੀਰ ਬਾਬੇ ਦੀ ਚੌਕੀ ’ਚੋਂ ਵਾਪਸ ਆ ਰਹੇ ਸਨ ਅਤੇ ਜਦੋਂ ਉਹ ਪਿੰਡ ਝੰਜੇੜੀ ਨੇਡੇ ਪਹੁੰਚੇ ਤਾਂ ਦੂਜੇ ਪਾਸਿਓਂ ਆਏ 10-12 ਵਿਅਕਤੀਆਂ ਨੇ ਉਨਾਂ ’ਤੇ ਫਾਇਰਿੰਗ ਸ਼ੁਰੂ ਕਰ ਦਿੱਤੀ।

ਗੋਲੀਆਂ ਲੱਗਣ ਕਾਰਨ ਲਵਪ੍ਰੀਤ, ਸਨਵੀਰ ਅਤੇ ਰਵੀ ਰਾਣਾ ਜ਼ਖਮੀ ਹੋ ਗਏ ਅਤੇ ਉਨਾਂ ਨੂੰ ਸੈਕਟਰ 32 ਦੇ ਹਸਪਤਾਲ ’ਚ ਦਾਖਲ ਕਰਵਾਇਆ ਗਿਆ। ਹਮਲਾਵਰਾਂ ਨੇ ਰਵੀ ਰਾਣਾ ਦੇ ਛੋਟੇ ਭਰਾ ਅਮਨ ਕੁਮਾਰ ਦੀ ਵੀ ਕੁੱਟਮਾਰ ਕੀਤੀ, ਜਿਸ ਨੂੰ ਫੇਜ਼-6 ਮੁਹਾਲੀ ਦੇ ਹਸਪਤਾਲ ’ਚ ਦਾਖਲ ਕਰਵਾਇਆ ਗਿਆ। ਰਵੀ ਰਾਣਾ ਨੇ ਦੱਸਿਆ ਕਿ ਉਹ ਹਮਲਾਵਰਾਂ ਨੂੰ ਪਛਾਣਦਾ ਹੈ। ਇਸ ਸਬੰਧੀ ਇਸ ਮਾਮਲੇ ਦੇ ਤਫਤੀਸ਼ੀ ਅਧਿਕਾਰੀ ਨੇ ਦੱਸਿਆ ਕਿ ਉਕਤ ਵਿਅਕਤੀਆਂ ਦੇ ਬਿਆਨ ਦਰਜ ਕਰ ਲਏ ਹਨ ਅਤੇ ਪੁਲੀਸ ਵਲੋਂ ਮਾਮਲੇ ਦੀ ਜਾਂਚ ਕੀਤੀ ਜਾ ਰਹੀ ਹੈ।

(For more news apart from Shots fired at youth in Chandigarh, motorcycle set on fire News in Punjabi, stay tuned to Rozana Spokesman)