'ਕਿਸੇ ਵੀ ਫ਼ਿਰਕੇ ਅਤੇ ਜਾਤੀ ਝਗੜੇ ਤੋਂ ਮੁਕਤ, ਪੰਜਾਬ ਇੱਕ ਸ਼ਾਂਤੀਪੂਰਨ ਸੂਬਾ ਹੈ। ਕਿਰਪਾ ਕਰਕੇ ਆਪਣੀ ਨੌਟੰਕੀ ਕਰਨੀ ਬੰਦ ਕਰੋ।'
ਚੰਡੀਗੜ੍ਹ : ਜਿਵੇਂ ਜਿਵੇਂ ਪੰਜਾਬ ਵਿਚ ਚੋਣਾਂ ਨਜ਼ਦੀਕ ਆ ਰਹੀਆਂ ਹਨ , ਸਿਆਸੀ ਪਾਰਟੀਆਂ ਵੱਲੋਂ ਆਪਣੀ ਜਿੱਤ ਦਰਜ ਕਰਵਾਉਣ ਲਈ ਪੂਰੀ ਵਾਹ ਲਗਾਈ ਜਾ ਰਹੀ ਹੈ। ਸਿਆਸੀ ਰੈਲੀਆਂ, ਸ਼ਾਂਤੀ ਮਾਰਚ ਅਤੇ ਚੋਣ ਪ੍ਰਚਾਰ ਦਾ ਹਰ ਹੀਲਾ ਅਪਣਾਇਆ ਜਾ ਰਿਹਾ ਹੈ।
Pargat singh tweet
ਇਸ ਦੇ ਚਲਦਿਆਂ ਹੀ ਅੱਜ ਆਮ ਆਦਮੀ ਪਾਰਟੀ ਦੇ ਕੌਮੀ ਕਨਵੀਨਰ ਅਤੇ ਦਿੱਲੀ ਦੇ ਮੁੱਖ ਮੰਤਰੀ ਪਟਿਆਲਾ ਪਹੁੰਚੇ ਜਿਥੇ ਉਨ੍ਹਾਂ ਵੱਲੋਂ ਸ਼ਾਂਤੀ ਮਾਰਚ ਕੱਢਿਆ ਜਾ ਰਿਹਾ ਹੈ। ਜਿਸ 'ਤੇ ਕੈਬਿਨਟ ਮੰਤਰੀ ਪਰਗਟ ਸਿੰਘ ਨੇ ਤੰਜ਼ ਕਰਦਿਆਂ ਕਿਹਾ, ''ਅਰਵਿੰਦ ਕੇਜਰੀਵਾਲ ਜੀ, ਸ਼ਾਂਤੀ ਮਾਰਚ ਦੀ ਜ਼ਰੂਰਤ ਭਾਰਤ ਦੀ ਕਤਲ ਅਤੇ ਬਲਾਤਕਾਰ ਦੀ ਰਾਜਧਾਨੀ ਦਿੱਲੀ ਵਿਚ ਹੈ।
arvind kejriwal at gurduara sri dukhniwaran sahib patiala
2020 ਵਿਚ ਜਦੋਂ ਕਾਤਲ ਧਾਰਮਿਕ ਗੁੰਡੇ ਦਿੱਲੀ ਵਿਚ ਨਿਰਦੋਸ਼ਾਂ ਨੂੰ ਮਾਰ ਰਹੇ ਸਨ ਤਾਂ ਤੁਸੀਂ ਕਿੱਥੇ ਸੀ? ਕਿਸੇ ਵੀ ਫ਼ਿਰਕੇ ਅਤੇ ਜਾਤੀ ਝਗੜੇ ਤੋਂ ਮੁਕਤ, ਪੰਜਾਬ ਇੱਕ ਸ਼ਾਂਤੀਪੂਰਨ ਸੂਬਾ ਹੈ। ਕਿਰਪਾ ਕਰਕੇ ਆਪਣੀ ਨੌਟੰਕੀ ਕਰਨੀ ਬੰਦ ਕਰੋ।''
arvind kejriwal at gurduara sri dukhniwaran sahib patiala
ਇਸ ਤੋਂ ਪਹਿਲਾਂ ਉਹ ਗੁਰਦੁਆਰਾ ਸ੍ਰੀ ਦੁੱਖ ਨਿਵਾਰਨ ਸਾਹਿਬ ਪਹੁੰਚੇ ਅਤੇ ਗੁਰੂ ਸਾਹਿਬ ਤੋਂ ਓਟ ਆਸਰਾ ਲਿਆ। ਇਸ ਮੌਕੇ ਉਨ੍ਹਾਂ ਦੇ ਨਾਲ ਭਗਵੰਤ ਮਾਨ ਵੀ ਮੌਜੂਦ ਸਨ।
