ਅਮਰੀਕੀ ਸਿੱਖ ਨੌਜਵਾਨ ਨੂੰ ਪੱਗ ਕਾਰਨ ਨਹੀਂ ਮਿਲੀ ਰੈਸਟੋਰੈਂਟ ਵਿਚ ਦਾਖਿਲ ਹੋਣ ਦੀ ਇਜਾਜ਼ਤ

ਸਪੋਕਸਮੈਨ ਸਮਾਚਾਰ ਸੇਵਾ
Published May 17, 2019, 7:01 pm IST
Updated May 17, 2019, 7:15 pm IST
ਸ਼ਨੀਵਾਰ ਨੂੰ ਗੁਰਵਿੰਦਰ ਗਰੇਵਾਲ ਨਾਂਅ ਦੇ ਸਿੱਖ ਨੌਜਵਾਨ ਨੂੰ ਪੋਰਟ ਜੈਫਰਸਨ ਨਿਊਯਾਰਕ ਦੇ ਹਾਰਬਰ ਗ੍ਰਿਲ ਵਿਚ ਦਾਖਿਲ ਹੋਣ ਤੋਂ ਮਨ੍ਹਾਂ ਕਰ ਦਿੱਤਾ ਗਿਆ।
Bar Denies Sikh customer
 Bar Denies Sikh customer

ਸ਼ਨੀਵਾਰ ਨੂੰ ਗੁਰਵਿੰਦਰ ਗਰੇਵਾਲ ਨਾਂਅ ਦੇ ਸਿੱਖ ਨੌਜਵਾਨ ਨੂੰ ਡਰੈੱਸ ਕੋਡ ਦੀ ਉਲੰਘਣਾ ਕਰਨ ਲਈ ਪੋਰਟ ਜੈਫਰਸਨ ਨਿਊਯਾਰਕ ਦੇ ਹਾਰਬਰ ਗ੍ਰਿਲ ਵਿਚ ਦਾਖਿਲ ਹੋਣ ਤੋਂ ਮਨ੍ਹਾਂ ਕਰ ਦਿੱਤਾ ਗਿਆ ਕਿਉਂਕਿ ਉਸ ਦੇ ਸਿਰ ‘ਤੇ ਸਿੱਖਾਂ ਦਾ ਪਹਿਰਾਵਾ ਪੱਗ ਬੰਨੀ ਹੋਈ ਸੀ। ਗੁਰਵਿੰਦਰ ਦਾ ਕਹਿਣਾ ਹੈ ਕਿ ਆਮ ਤੌਰ ‘ਤੇ ਸੰਸਥਾਵਾਂ ਵੱਲੋਂ ਸਿੱਖਾਂ ਨੂੰ ਪੱਗ ਬੰਨਣ ਦੀ ਛੁੱਟ ਦਿੱਤੀ ਗਈ ਹੈ ਪਰ ਉਸ ਨੂੰ ਇਹ ਜਾਣ ਕੇ ਹੈਰਾਨੀ ਹੋਈ ਕਿ ਹਾਲੇ ਵੀ ਕਈ ਭਾਈਚਾਰਿਆਂ ਵਿਚ ਅਜਿਹੀਆਂ ਘਟਨਾਵਾਂ ਜਾਰੀ ਹੈ।

Gurvinder GrewalGurvinder Grewal

Advertisement

ਸਟੋਨੀ ਬਰੁੱਕ ਯੂਨੀਵਰਸਿਟੀ ਤੋਂ ਗ੍ਰੈਜੁਏਟ ਅਤੇ ਲੇਖਕ 23 ਸਾਲਾਂ ਗੁਰਵਿੰਦਰ ਨੇ ਕਿਹਾ ਕਿ ਹਾਰਬਰ ਗ੍ਰਿਲ ਇਕ ਸਮਾਂ ਬਿਤਾਉਣ ਵਾਲੀ ਪ੍ਰਸਿੱਧ ਥਾਂ ਹੈ, ਜਿੱਥੇ ਉਹ ਇਸ ਤੋਂ ਪਹਿਲਾਂ ਵੀ ਕਈ ਵਾਰ ਪੱਗ ਬੰਨ ਕੇ ਗਿਆ ਹੈ। ਪਰ ਇਸ ਵਾਰ ਉਥੋਂ ਦੇ ਕਰਮਚਾਰੀਆਂ ਨੇ ਕਿਹਾ ਕਿ ਇਹ ਉਹਨਾਂ ਦੀ ਨਵੀਂ ਨੀਤੀ ਹੈ। ਗੁਰਵਿੰਦਰ ਨੇ ਕਿਹਾ ਕਿ ਜਦੋਂ ਉਹ ਅਪਣੇ ਦੋਸਤਾਂ ਨਾਲ ਆਏ ਤਾਂ ਇਕ ਸੁਰੱਖਿਆ ਗਾਰਡ ਅਤੇ ਇਕ ਪ੍ਰਬੰਧਕ ਬਾਹਰ ਜਾਂਚ ਕਰ ਰਹੇ ਸਨ ਅਤੇ ਉਹਨਾਂ ਨੇ ਕਥਿਤ ਤੌਰ ‘ਤੇ ਕਿਹਾ ਕਿ ਮਾਫ ਕਰਨਾ, ਅਸੀਂ ਤੁਹਾਨੂੰ ਸਿਰ ਢਕਣ ਦੀ ਇਜਾਜ਼ਤ ਨਹੀਂ ਦੇ ਸਕਦੇ।

Stony Brook UniversityStony Brook University

ਇਸ ਤੋਂ ਬਾਅਦ ਗੁਰਵਿੰਦਰ ਨੇ ਪ੍ਰਬੰਧਕ ਨੂੰ ਕਿਹਾ ਕਿ ਪੱਗ ਉਹਨਾਂ ਦਾ ਧਾਰਮਿਕ ਪਹਿਰਾਵਾ ਹੈ। ਉਸ ਤੋਂ ਬਾਅਦ ਪ੍ਰਬੰਧਕ ਨੇ ਕਿਹਾ ਕਿ ਜੇਕਰ ਸੀਸੀਟੀਵੀ ਕੈਮਰਿਆਂ ਵਿਚ ਮਾਲਕ ਨੇ ਉਹਨਾਂ ਨੂੰ ਦੇਖਿਆ ਤਾਂ ਇਹ ਉਹਨਾਂ ਲਈ ਮੁਸੀਬਤ ਹੋ ਸਕਦੀ ਹੈ। ਗੁਰਵਿੰਦਰ ਨੇ ਕਿਹਾ ਕਿ ਉਸ ਨੇ ਉਹਨਾਂ ਨੂੰ ਸਮਝਾਉਣ ਦੀ ਕੋਸ਼ਿਸ਼ ਕੀਤੀ ਪਰ ਉਸ ਤੋਂ ਬਾਅਦ ਉਹ ਵਾਪਿਸ ਆ ਗਏ।

Harbor GrilHarbor Gril

ਉਸ ਤੋਂ ਬਾਅਦ ਉਸੇ ਲਾਈਨ ਵਿਚ ਖੜੀ ਇਕ ਕੁੜੀ ਨੇ ਅਪਣੀ ਸਨੈਪਚੈਟ ਪੋਸਟ ਨੂੰ ਰੈਸਟੋਰੈਂਟ ਦੇ ਫੇਸਬੁੱਕ ਪੇਜ ‘ਤੇ ਪੋਸਟ ਕਰਦਿਆਂ ਕਿਹਾ ਕਿ ਉਸ ਨੂੰ ਇਹ ਦੇਖ ਕੇ ਬਹੁਤ ਹੈਰਾਨੀ ਹੋਈ ਕਿਉਂਕਿ ਪੋਰਟ ਜੈਫਰਸਨ ਇਕ ਅਜਿਹਾ ਸ਼ਹਿਰ ਹੈ ਜਿੱਥੇ ਸਾਰੀਆਂ ਨਸਲਾਂ ਦੇ ਲੋਕ ਰਹਿੰਦੇ ਹਨ ਅਤੇ ਸਾਰੇ ਇਕ ਦੂਜੇ ਬਾਰੇ ਜਾਣਦੇ ਹਨ। ਉਸਨੇ ਬਾਅਦ ਵਿਚ ਪੋਸਟ ਹਟਾ ਦਿੱਤੀ ਸੀ।

Bar Denies Sikh customerBar Denies Sikh customer

ਰੈਸਟੋਰੈਂਟ ਨੇ ਜਵਾਬ ਜਾਰੀ ਕਰਦਿਆਂ ਲਿਖਿਆ ਸੀ ਕਿ ਹਾਰਬਰ ਗ੍ਰਿਲ ਕਿਸੇ ਨਾਲ ਵੀ ਰੰਗ ਅਤੇ ਨਸਲ ਦੇ ਅਧਾਰ ‘ਤੇ ਭੇਦਭਾਵ ਨਹੀਂ ਕਰਦੀ। ਉਹਨਾਂ ਲਿਖਿਆ ਕਿ ਉਹ ਇਸ ਘਟਨਾ ਲਈ ਮੁਆਫੀ ਮੰਗਦੇ ਹਨ। ਉਹਨਾਂ ਕਿਹਾ ਕਿ ਕਿਰਪਾ ਕਰਕੇ ਜਾਣ ਲਓ ਕਿ ਉਹਨਾਂ ਦਾ ਇਹ ਹਫਤਾਵਾਰੀ ਪਹਿਰਾਵਾ ਉਹਨਾਂ ਦੇ ਸਰਪ੍ਰਸਤਾਂ ਦੀ ਸੁਰੱਖਿਆ ਲਈ ਹੈ। ਉਹਨਾਂ ਕਿਹਾ ਕਿ ਆਮ ਦਿਨਾਂ ਵਿਚ ਕੋਈ ਕਿਸੇ ਵੀ ਤਰ੍ਹਾਂ ਸਿਰ ਢੱਕ ਕਿ ਰੈਸਟੋਰੈਂਟ ਵਿਚ ਆ ਜਾ ਸਕਦਾ ਹੈ ਪਰ ਸ਼ੁੱਕਰਵਾਰ ਅਤੇ ਸ਼ਨੀਵਾਰ ਰਾਤ ਨੂੰ 10 ਵਜੇ ਤੋਂ ਬਾਅਦ ਉਹ ਕਿਸੇ ਨੂੰ ਵੀ ਸਿਰ ‘ਤੇ ਕੁੱਝ ਬੰਨਣ ਦੀ ਇਜਾਜ਼ਤ ਨਹੀਂ ਦਿੰਦੇ। ਉਹਨਾਂ ਕਿਹਾ ਕਿ ਇਹ ਯੋਜਨਾ ਸਾਰਿਆਂ ਲਈ ਲਾਗੂ ਹੁੰਦੀ ਹੈ। ਬਾਅਦ ਵਿਚ ਉਹਨਾਂ ਨੇ ਵੀ ਫੇਸਬੁੱਕ ਪੋਸਟ ਹਟਾ ਦਿੱਤੀ।

Mayor Margot GarantMayor Margot Garant

ਗੁਰਵਿੰਦਰ ਨੇ ਕਿਹਾ ਕਿ ਜਦੋਂ ਪੋਰਟ ਜੈਫਰਸਨ ਦੀ ਮੇਅਰ ਸੈਰਗੋਟ ਗੈਰੈਂਟ ਨੇ ਇਸ ਸਬੰਧੀ ਪੋਸਟ ਨੂੰ ਫੇਸਬੁੱਕ ‘ਤੇ ਪੜ੍ਹਿਆ ਤਾਂ ਉਹਨਾਂ ਨੇ ਅਪਣੀ ਚਿੰਤਾ ਵਿਅਕਤ ਕੀਤੀ। ਇਸ ਸਬੰਧੀ ਉਹਨਾਂ ਨੇ ਗੁਰਵਿੰਦਰ ਨਾਲ ਗੱਲ ਵੀ ਕੀਤੀ ਅਤੇ ਉਹਨਾਂ ਨੇ ਉਸ ਨੂੰ ਅਪਣਾ ਸਹਿਯੋਗ ਦਿੱਤਾ। ਗੁਰਵਿੰਦਰ ਨੇ ਕਿਹਾ ਕਿ ਉਸਦੇ ਧਰਮ ਨੂੰ ਨਿਭਾਉਣ ਵਿਚ ਰੁਕਾਵਟ ਪੈਦਾ ਕੀਤੀ ਗਈ।

Advertisement

 

Advertisement
Advertisement