ਇਹ ਟੂਰਨਾਮੈਂਟ 3 ਤੋਂ 18 ਜੁਲਾਈ ਤੱਕ ਬਰਮਿੰਘਮ ਦੇ ਐਜਬੈਸਟਨ ਸਟੇਡੀਅਮ ਵਿਚ ਹੋਵੇਗਾ।
ਨਵੀਂ ਦਿੱਲੀ : ਹੁਣ ਇੱਕ ਵਾਰ ਫਿਰ ਯੁਵਰਾਜ ਸਿੰਘ ਕ੍ਰਿਕਟ ਦੇ ਮੈਦਾਨ ਵਿਚ ਵਾਪਸੀ ਲਈ ਤਿਆਰ ਹਨ। ਇੱਕ ਰੋਮਾਂਚਕ ਘਟਨਾਕ੍ਰਮ ਵਿਚ, ਵਿਸ਼ਵ ਚੈਂਪੀਅਨਸ਼ਿਪ ਦੌਰਾਨ ਯੁਵਰਾਜ ਸਿੰਘ, ਬ੍ਰੈਟ ਲੀ, ਕੇਵਿਨ ਪੀਟਰਸਨ, ਸੁਰੇਸ਼ ਰੈਨਾ, ਸ਼ਾਹਿਦ ਅਫਰੀਦੀ ਵਰਗੇ ਕ੍ਰਿਕਟਰ ਇੱਕ ਦੂਜੇ ਦਾ ਸਾਹਮਣਾ ਕਰਨਗੇ। ਇਹ ਟੂਰਨਾਮੈਂਟ 3 ਤੋਂ 18 ਜੁਲਾਈ ਤੱਕ ਬਰਮਿੰਘਮ ਦੇ ਐਜਬੈਸਟਨ ਸਟੇਡੀਅਮ ਵਿਚ ਹੋਵੇਗਾ।
ਐਜਬੈਸਟਨ ਇਸ ਗਰਮੀਆਂ ਵਿਚ ਬਹੁਤ ਜ਼ਿਆਦਾ ਉਮੀਦ ਕੀਤੀ ਜਾਣ ਵਾਲੀ ਵਿਸ਼ਵ ਚੈਂਪੀਅਨਸ਼ਿਪ ਆਫ਼ ਲੈਜੈਂਡਜ਼ (WCL) ਦੀ ਮੇਜ਼ਬਾਨੀ ਕਰਨ ਲਈ ਤਿਆਰ ਹੈ। ਯੁਵਰਾਜ ਸਿੰਘ, ਸ਼ਾਹਿਦ ਅਫਰੀਦੀ ਅਤੇ ਕੇਵਿਨ ਪੀਟਰਸਨ ਵਰਗੇ ਦਿੱਗਜ ਇਸ ਸਮੇਂ ਦੌਰਾਨ ਸਰਗਰਮ ਰਹਿਣਗੇ। ਟੂਰਨਾਮੈਂਟ 'ਚ ਇੰਗਲੈਂਡ, ਭਾਰਤ, ਪਾਕਿਸਤਾਨ, ਆਸਟ੍ਰੇਲੀਆ, ਵੈਸਟਇੰਡੀਜ਼ ਅਤੇ ਦੱਖਣੀ ਅਫਰੀਕਾ ਦੇ ਰਿਟਾਇਰਡ ਅਤੇ ਗੈਰ-ਕੰਟਰੈਕਟਿਡ ਖਿਡਾਰੀ ਪ੍ਰਦਰਸ਼ਨ ਕਰਦੇ ਨਜ਼ਰ ਆਉਣਗੇ।
ਇੰਗਲੈਂਡ ਦੇ ਕੇਵਿਨ ਪੀਟਰਸਨ ਨੇ ਇਸ ਕ੍ਰਿਕਟ ਮਹਾਕੁੰਭ ਵਿਚ ਹਿੱਸਾ ਲੈਣ ਲਈ ਵਚਨਬੱਧਤਾ ਜਤਾਈ ਹੈ। ਇਸ ਤੋਂ ਇਲਾਵਾ ਇਕ ਓਵਰ 'ਚ 6 ਛੱਕਿਆਂ ਲਈ ਮਸ਼ਹੂਰ ਯੁਵਰਾਜ ਸਿੰਘ ਅਤੇ ਵਨਡੇ ਦੇ ਸਭ ਤੋਂ ਤੇਜ਼ ਸੈਂਕੜਿਆਂ 'ਚੋਂ ਇਕ ਪਾਕਿਸਤਾਨੀ ਬੱਲੇਬਾਜ਼ ਸ਼ਾਹਿਦ ਅਫਰੀਦੀ ਨੇ ਵੀ ਹਾਮੀ ਭਰੀ ਹੈ।
