ਆਸਟ੍ਰੇਲੀਆ ਵਿਚ ਚੱਲ ਰਹੀਆਂ ਰਾਸ਼ਟਰ ਮੰਡਲ ਖੇਡਾਂ ਵਿਚ ਭਾਰਤ ਨੇ ਸਿਲਵਰ ਮੈਡਲ ਹਾਸਲ ਕਰਨ ਤੋਂ ਬਾਅਦ ਹੁਣ ਇਕ ਗੋਲਡ ਮੈਡਲ ਵੀ ਜਿੱਤ ਲਿਆ ਹੈ।
ਨਵੀਂ ਦਿੱਲੀ : ਆਸਟ੍ਰੇਲੀਆ ਵਿਚ ਚੱਲ ਰਹੀਆਂ ਰਾਸ਼ਟਰ ਮੰਡਲ ਖੇਡਾਂ ਵਿਚ ਭਾਰਤ ਨੇ ਸਿਲਵਰ ਮੈਡਲ ਹਾਸਲ ਕਰਨ ਤੋਂ ਬਾਅਦ ਹੁਣ ਇਕ ਗੋਲਡ ਮੈਡਲ ਵੀ ਜਿੱਤ ਲਿਆ ਹੈ। ਰਾਸ਼ਟਰ ਮੰਡਲ ਖੇਡਾਂ ਵਿਚ ਇਹ ਪਹਿਲਾ ਗੋਲਡ ਮੈਡਲ ਵਿਸ਼ਵ ਚੈਂਪੀਅਨ ਮੀਰਾਬਾਈ ਚਾਨੂ ਨੇ ਵੇਟਲਿਫ਼ਟਿੰਗ ਦੇ 48 ਕਿੱਲੋ ਵਰਗ ਵਿਚ ਦਿਵਾਇਆ ਹੈ। ਚਾਨੂ ਨੇ ਸਨੈਚ ਵਿਚ (80 ਕਿੱਲੋ, 84 ਕਿੱਲੋ, 86 ਕਿੱਲੋ) ਦਾ ਭਾਰ ਉਠਾਇਆ।
21st Commonwealth Games Indian Women Weightlifter Mirabai Chanu Win gold
ਉਥੇ ਹੀ ਕਲੀਨ ਐਂਡ ਜਰਕ ਦੇ ਪਹਿਲੇ ਯਤਨ ਵਿਚ ਉਨ੍ਹਾਂ ਨੇ 103 ਕਿੱਲੋਗ੍ਰਾਮ ਭਾਰ ਉਠਾਇਆ ਅਤੇ ਦੂਜੇ ਯਤਨ ਵਿਚ 107 ਕਿੱਲੋਗ੍ਰਾਮ ਦਾ ਭਾਰ ਉਠਾਇਆ ਅਤੇ ਤੀਜੇ ਯਤਨ ਵਿਚ 110 ਕਿੱਲੋਗ੍ਰਾਮ ਭਾਰ ਉਠਾਇਆ। 80 ਕਿੱਲੋਗ੍ਰਾਮ ਭਾਰ ਉਠਾਉਂਦੇ ਹੀ ਉਨ੍ਹਾਂ ਨੇ ਰਾਸ਼ਟਰ ਮੰਡਲ ਖੇਡਾਂ ਵਿਚ ਨਵਾਂ ਰਿਕਾਰਡ ਬਣਾ ਦਿਤਾ। ਇਸ ਤੋਂ ਬਾਅਦ ਅਪਣੇ ਤੀਜੇ ਅਤੇ ਆਖ਼ਰੀ ਯਤਨ ਵਿਚ ਉਨ੍ਹਾਂ ਨੇ 86 ਕਿੱਲੋ ਭਾਰ ਉਠਾ ਕੇ ਰਾਸ਼ਟਰ ਮੰਡਲ ਖੇਡਾਂ ਵਿਚ ਅਪਣੇ ਹੀ ਸਰਵਸ਼੍ਰੇਸਠ ਪ੍ਰਦਰਸ਼ਨ (85 ਕਿੱਲੋਗ੍ਰਾਮ) ਨੂੰ ਪਿੱਛੇ ਛੱਡ ਦਿਤਾ।
21st Commonwealth Games Indian Women Weightlifter Mirabai Chanu Win gold
ਵੀਰਵਾਰ ਨੂੰ ਗੋਲਡ ਕੋਸਟ ਵਿਚ ਚਾਨੂ ਨੇ ਸ਼ੁਰੂਆਤ ਹੀ ਰਾਸ਼ਟਰ ਮੰਡਲ ਖੇਡਾਂ ਦੇ ਰਿਕਾਰਡ ਨਾਲ ਕੀਤੀ। ਉਨ੍ਹਾਂ ਨੇ 81 ਕਿੱਲੋ ਭਾਰ ਉਠਾ ਕੇ ਪਿਛਲੇ ਰਿਕਾਰਡ 77 ਕਿੱਲੋ ਨੂੰ ਪਿੱਛੇ ਛੱਡ ਦਿਤਾ। ਇਸ ਤੋਂ ਬਾਅਦ ਅਗਲੇ ਦੋ ਯਤਨਾਂ ਵਿਚ ਉਹ ਅਪਣਾ ਹੀ ਰਿਕਾਰਡ ਬਿਹਤਰ ਚਲੀ ਗਈ। ਦੂਜੇ ਯਤਨ ਵਿਚ ਉਨ੍ਹਾਂ ਨੇ 84 ਕਿੱਲੋਗ੍ਰਾਮ ਭਾਰ ਉਠਾਇਆ। ਉਥੇ ਹੀ ਤੀਜੇ ਯਤਨ ਵਿਚ ਉਨ੍ਹਾਂ ਨੇ 86 ਕਿੱਲੋਗ੍ਰਾਮ ਭਾਰ ਉਠਾਇਆ।
21st Commonwealth Games Indian Women Weightlifter Mirabai Chanu Win gold
ਇਸ ਦੇ ਨਾਲ ਹੀ ਉਨ੍ਹਾਂ ਨੇ ਪਿਛਲੇ ਸਾਲ ਵਿਸ਼ਵ ਚੈਂਪੀਅਨਸ਼ਿਪ ਵਿਚ ਉਠਾਏ ਅਪਣੇ 85 ਕਿੱਲੋਗ੍ਰਾਮ ਨੂੰ ਬਿਹਤਰ ਕਰ ਲਿਆ। ਚਾਨੂ ਨੂੰ ਫ਼ਰਵਰੀ ਵਿਚ ਮਹਿੰਦਰਾ ਸਕਾਰਪਿਓ ਟਾਈਮਜ਼ ਆਫ਼ ਇੰਡੀਆ ਐਵਾਰਡ ਵੇਟਲਿਫ਼ਟਰ ਆਫ਼ ਦਿ ਈਅਰ ਦਾ ਖਿ਼ਤਾਬ ਦਿਤਾ ਗਿਆ ਸੀ। ਇਹ ਖਿ਼ਤਾਬ ਉਨ੍ਹਾਂ ਦੇ ਪਿਛਲੇ ਸਾਲ ਵਿਸ਼ਵ ਵੇਟਲਿਫ਼ਟਿੰਗ ਚੈਂਪੀਅਨਸ਼ਿਪ ਵਿਚ ਗੋਲਡ ਮੈਡਲ ਜਿੱਤਣ ਦੇ ਸਬੰਧ ਵਿਚ ਦਿਤਾ ਗਿਆ ਸੀ। ਚਾਨੂ ਨੂੰ ਸ਼ੁਰੂ ਤੋਂ ਹੀ ਗੋਲਡ ਦੀ ਪ੍ਰਬਲ ਦਾਅਵੇਦਾਰ ਮੰਨਿਆ ਜਾ ਰਿਹਾ ਸੀ।
21st Commonwealth Games Indian Women Weightlifter Mirabai Chanu Win gold
ਚਾਨੂ ਨੇ 2014 ਦੀਆਂ ਰਾਸ਼ਟਰ ਮੰਡਲ ਖੇਡਾਂ ਵਿਚ ਵੀ ਸਿਲਵਰ ਮੈਡਲ ਹਾਸਲ ਕੀਤਾ ਸੀ। ਇਸ ਤੋਂ ਪਹਿਲਾਂ ਭਾਰਤ ਦੇ ਲਈ ਦਿਨ ਦਾ ਪਹਿਲਾ ਮੈਡਲ ਗੁਰੂਰਾਜਾ ਨੇ ਹਾਸਲ ਕੀਤਾ ਸੀ। ਉਨ੍ਹਾਂ ਨੇ ਪੁਰਸ਼ਾਂ ਦੇ 56 ਕਿੱਲੋਗ੍ਰਾਮ ਭਾਰ ਵਰਗ ਵਿਚ ਸਿਲਵਰ ਮੈਡਲ ਜਿੱਤਿਆ ਸੀ।
