ਆਸਟ੍ਰੇਲੀਆ ਦੀਆਂ ਗੋਲਡ ਕੋਸਟ ਰਾਸ਼ਟਰ ਮੰਡਲ ਖੇਡਾਂ ਵਿਚ ਬੇਟੀਆਂ ਤੋਂ ਬਾਅਦ ਹੁਣ ਬੇਟਿਆਂ ਨੇ ਵੀ ਕਮਾਲ ਕਰ ਦਿਤਾ ਹੈ। ਸ਼ਨਿਚਰਵਾਰ ਨੂੰ ...
ਨਵੀਂ ਦਿੱਲੀ : ਆਸਟ੍ਰੇਲੀਆ ਦੀਆਂ ਗੋਲਡ ਕੋਸਟ ਰਾਸ਼ਟਰ ਮੰਡਲ ਖੇਡਾਂ ਵਿਚ ਬੇਟੀਆਂ ਤੋਂ ਬਾਅਦ ਹੁਣ ਬੇਟਿਆਂ ਨੇ ਵੀ ਕਮਾਲ ਕਰ ਦਿਤਾ ਹੈ। ਸ਼ਨਿਚਰਵਾਰ ਨੂੰ ਰਾਸ਼ਟਰ ਮੰਡਲ ਖੇਡਾਂ ਵਿਚ ਭਾਰਤ ਨੂੰ ਤੀਜਾ ਸੋਨ ਤਮਗ਼ਾ ਮਿਲ ਗਿਆ ਹੈ। ਭਾਰ ਤੋਲਨ ਦੇ 77 ਕਿੱਲੋਗ੍ਰਾਮ ਭਾਰ ਵਰਗ ਵਿਚ ਸਤੀਸ਼ ਕੁਮਾਰ ਸ਼ਿਵਲਿੰਗਮ ਨੇ ਸੋਨ ਤਮਗ਼ਾ ਜਿੱਤ ਲਿਆ ਹੈ।
ਇਸ ਨਾਲ ਭਾਰਤ ਨੂੰ ਹੁਣ ਤਕ ਤਿੰਨ ਸੋਨ ਤਮਗ਼ੇ ਮਿਲ ਚੁੱਕੇ ਹਨ ਅਤੇ ਇਹ ਤਿੰਨੇ ਭਾਰ ਤੋਲਨ ਵਿਚ ਹੀ ਮਿਲੇ ਹਨ। ਦਸ ਦਈਏ ਕਿ ਇਸ ਤੋਂ ਪਹਿਲਾਂ ਸੰਜੀਤ ਚਾਨੂ ਅਤੇ ਮੀਰਾਬਾਈ ਚਾਨੂ ਨੇ ਵੀ ਸੋਨਾ ਜਿੱਤਿਆ ਹੈ।
ਸਤੀਸ਼ ਨੇ ਸਨੈਚ ਵਿਚ 144 ਦਾ ਸਰਵਸ਼੍ਰੇਸਠ ਭਾਰ ਚੁੱਕਿਆ ਤਾਂ ਉਥੇ ਹੀ ਕਲੀਨ ਐਂਡ ਜਰਕ ਵਿਚ 173 ਦਾ ਸਰਵਸ਼੍ਰੇਸਠ ਭਾਰ ਉਠਾਇਆ। ਕੁੱਲ ਮਿਲਾ ਕੇ ਉਨ੍ਹਾਂ ਦਾ ਸਕੋਰ 317 ਰਿਹਾ। ਉਨ੍ਹਾਂ ਨੂੰ ਕਲੀਨ ਐਂਡ ਜਰਕ ਵਿਚ ਤੀਜੇ ਯਤਨ ਦੀ ਲੋੜ ਨਹੀਂ ਪਈ।
ਮੁਕਾਬਲੇਬਾਜ਼ੀ ਦਾ ਚਾਂਦੀ ਤਮਗ਼ਾ ਇੰਗਲੈਂਡ ਦੇ ਜੈਕ ਓਲੀਵਰ ਦੇ ਨਾਮ ਰਿਹਾ, ਜਿਨ੍ਹਾਂ ਨੇ 312 ਦਾ ਕੁੱਲ ਸਕੋਰ ਬਣਾਇਆ। ਆਸਟ੍ਰੇਲੀਆ ਦੇ ਫ੍ਰਾਂਕੋਇਸ ਇਟੁਉਂਡੀ ਨੇ 305 ਦੇ ਕੁੱਲ ਸਕੋਰ ਦੇ ਨਾਲ ਕਾਂਸੀ ਦੇ ਤਮਗ਼ੇ 'ਤੇ ਕਬਜ਼ਾ ਜਮਾਇਆ। ਭਾਰਤ ਦਾ ਇਹ ਇਨ੍ਹਾਂ ਖੇਡਾਂ ਵਿਚ ਤੀਜਾ ਸੋਨ ਤਮਗ਼ਾ ਹੈ ਅਤੇ ਕੁੱਲ ਪੰਜਵਾਂ ਤਮਗ਼ਾ ਹੈ।
ਭਾਰਤ ਦੀ ਝੋਲੀ ਵਿਚ ਤੀਜਾ ਗੋਲਡ ਮੈਡਲ ਆਉਂਦੇ ਹੀ ਰਾਸ਼ਟਰਪਤੀ ਰਾਮਨਾਥ ਕੋਵਿੰਦ ਨੇ ਵੀ ਖਿਡਾਰੀਆਂ ਨੂੰ ਵਧਾਈ ਦਿਤੀ। ਉਨ੍ਹਾਂ ਨੇ ਤੀਜੇ ਦਿਨ ਵੇਟ ਲਿਫਟਿੰਗ ਵਿਚ ਸੋਨ ਤਮਗ਼ਾ ਜਿੱਤਣ ਵਾਲੇ ਸਤੀਸ਼ ਕੁਮਾਰ ਸ਼ਿਵਲਿੰਗਮ ਨੂੰ ਵਧਾਈ ਦਿਤੀ। ਨਾਲ ਹੀ ਉਨ੍ਹਾਂ ਨੇ ਕਿਹਾ ਕਿ ਵੇਟ ਲਿਫਟਰਜ਼ ਲਗਾਤਾਰ ਸਾਨੂੰ ਮਾਣ ਦਿਵਾ ਰਹੇ ਹਨ।