ਤਕਰੀਬਨ ਡੇਢ ਸਾਲ ਵਿਚ ਪੂਰਾ ਹੋਵੇਗਾ ਢਾਈ ਕਰੋੜ ਦੀ ਲਾਗਤ ਵਾਲਾ ਇਹ ਪ੍ਰੋਜੈਕਟ
ਸਿਆਲਕੋਟ ਦੇ ਕਮਿਸ਼ਨਰ ਅਤੇ ਡਿਪਟੀ ਕਮਿਸ਼ਨਰ ਸਮੇਤ ਉੱਚ ਅਧਿਕਾਰੀਆਂ ਨੇ ਲਿਆ ਜਾਇਜ਼ਾ
ਸਿਆਲਕੋਟ (ਬਾਬਰ ਜਲੰਧਰੀ) : ਪਾਕਿਸਤਾਨ ਵਿਚ ਸਿਆਲਕੋਟ ਵਿਖੇ ਸਥਿਤ 100 ਸਾਲ ਪੁਰਾਣੇ ਸ਼ਿਵਾਲਾ ਤੇਜਾ ਸਿੰਘ ਮੰਦਰ ਦਾ ਨਵੀਨੀਕਰਨ ਹੋ ਰਿਹਾ ਹੈ। ਢਾਈ ਕਰੋੜ ਰੁਪਏ ਦੀ ਲਾਗਤ ਵਾਲਾ ਇਹ ਪ੍ਰੋਜੈਕਟ ਤਕਰੀਬਨ ਡੇਢ ਸਾਲ ਵਿਚ ਪੂਰਾ ਹੋਵੇਗਾ ਅਤੇ ਇਸ ਦਾ ਕੰਮ ਪਿਛਲੇ ਚਾਰ ਮਹੀਨਿਆਂ ਤੋਂ ਚੱਲ ਰਿਹਾ ਹੈ। ਜਾਣਕਾਰੀ ਅਨੁਸਾਰ ਵਾਲ ਕੀਤੀ ਦੇ ਕਾਰੀਗਰ ਇਸ ਦੀ ਮੁਰੰਮਤ ਕਰ ਰਹੇ ਹਨ ਅਤੇ ਇਹ ਸਾਰਾ ਕੰਮ ਪਾਕਿਸਤਾਨ ਦੇ ਪੰਜਾਬ ਸੂਬੇ ਦੀ ਸਰਕਾਰ ਦੇ ਦਿਸ਼ਾ ਨਿਰਦੇਸ਼ਾਂ 'ਤੇ ਹੋ ਰਿਹਾ ਹੈ।
renovation of 100 year old Shivala Teja Singh Temple at Sialkot, pakistan
ਦੱਸ ਦੇਈਏ ਕਿ ਇਹ ਮੰਦਰ ਬਿਲਕੁਲ ਉਸੇ ਤਰ੍ਹਾਂ ਹੀ ਤਿਆਰ ਕੀਤਾ ਜਾ ਰਿਹਾ ਹੈ ਜਿਸ ਤਰ੍ਹਾਂ ਇਹ ਪੁਰਾਣੇ ਜ਼ਮਾਨੇ ਵਿਚ ਦਿਖਾਈ ਦਿੰਦਾ ਸੀ। ਮਿਲੀ ਜਾਣਕਾਰੀ ਅਨੁਸਾਰ ਇਸ ਪੁਰਾਣੀ ਇਮਾਰਤ ਦੇ ਸਾਰੇ ਗੁੰਬਦ ਟੁੱਟੇ ਹੋਏ ਸਨ ਜਿਨ੍ਹਾਂ ਦੀ ਮੁਰੰਮਤ ਪੂਰੀ ਹੋ ਚੁੱਕੀ ਹੈ ਅਤੇ ਹੁਣ ਕਲ਼ੀ ਦਾ ਕੰਮ ਕੀਤਾ ਜਾ ਰਿਹਾ ਹੈ। ਪਹਿਲਾਂ ਦੀ ਤਰਜ਼ 'ਤੇ ਹੀ ਇਸ ਉਤੇ 25 ਕਲਸ਼ ਲਗਾਏ ਜਾਣਗੇ ਜਿਸ ਨਾਲ ਇਹ ਆਪਣੀ ਪੁਰਾਣੀ ਸੂਰਤ ਵਿਚ ਆ ਜਾਵੇਗਾ।
ਅਧਿਕਾਰੀਆਂ ਨੇ ਦੱਸਿਆ ਕਿ ਇਸ ਦਾ ਕੰਮ ਮੁਕੰਮਲ ਹੋਣ 'ਤੇ ਉਦਘਾਟਨ ਕੀਤਾ ਜਾਵੇਗਾ ਜਿਸ ਵਿਚ ਉਨ੍ਹਾਂ ਸਾਰਿਆਂ ਨੂੰ ਬੁਲਾਇਆ ਜਾਵੇਗਾ ਜੋ ਇਸ ਨੂੰ ਦੇਖਣ ਦੇ ਚਾਹਵਾਨ ਹਨ ਅਤੇ ਇਸ ਵਿਚ ਦਿਲਚਸਪੀ ਲੈਂਦੇ ਹਨ। ਜਾਣਕਾਰੀ ਅਨੁਸਾਰ ਸ਼ਿਵਾਲਾ ਤੇਜਾ ਸਿੰਘ ਮੰਦਰ ਦਾ ਕੰਮ ਪਿਛਲੇ ਸਾਲ ਨਵੰਬਰ ਮਹੀਨੇ ਦੀ ਸ਼ੁਰੂਆਤ ਵਿਚ ਸ਼੍ਰੁਰੂ ਹੋ ਗਿਆ ਸੀ। ਉਨ੍ਹਾਂ ਦੱਸਿਆ ਕਿ ਸਾਰਾ ਕੰਮ ਕਾਫੀ ਤੇਜ਼ੀ ਨਾਲ ਹੋ ਰਿਹਾ ਹੈ ਅਤੇ ਉਮੀਦ ਹੈ ਕਿ ਸਾਲ ਡੇਢ ਵਿਚ ਇਹ ਪੂਰਾ ਹੋ ਜਾਵੇਗਾ।
ਅੱਜ ਸਿਆਲਕੋਟ ਦੇ ਕਮਿਸ਼ਨਰ ਅਤੇ ਡਿਪਟੀ ਕਮਿਸ਼ਨਰ ਸਮੇਤ ਉੱਚ ਅਧਿਕਾਰੀਆਂ ਨੇ ਮੰਦਰ ਦੇ ਨਵੀਨੀਕਰਨ ਕਾਰਜਾਂ ਦਾ ਜਾਇਜ਼ਾ ਲਿਆ। ਇਥੇ ਪਹੁੰਚਣ 'ਤੇ ਉਨ੍ਹਾਂ ਦਾ ਫ਼ੁੱਲਾਂ ਦੇ ਗੁਲਦਸਤੇ ਨਾਲ ਸਵਾਗਤ ਕੀਤਾ ਗਿਆ। ਚੇਅਰਮੈਨ ਮਤਰੂਕਾ ਵਕਫ਼ ਇਮਲਕ ਡਾ: ਅਮੀਰ ਅਹਿਮਦ, ਸਕੱਤਰ ਸ਼ਰਵਨ ਮਤਰੁਕਾ ਵਕਫ਼ ਇਮਲਕ, ਰਾਣਾ ਸ਼ਹੀਦ ਸਲੀਮ ਸਾਹਿਬ ਅਤੇ ਡਿਪਟੀ ਸਕੱਤਰ ਜਨਾਬ ਸਈਅਦ ਫਰਾਜ਼ ਅੱਬਾਸ ਸਾਹਿਬ ਮੌਜੂਦ ਸਨ।
renovation of 100 year old Shivala Teja Singh Temple at Sialkot, pakistan
ਦੱਸ ਦੇਈਏ ਕਿ ਜ਼ਾਬਤੇ ਦੀਆਂ ਹਦਾਇਤਾਂ 'ਤੇ ਮੌਸਮੀ ਤਬਦੀਲੀਆਂ ਅਤੇ ਵਾਤਾਵਰਨ ਨੂੰ ਹੋਣ ਵਾਲੇ ਪ੍ਰਦੂਸ਼ਨ ਤੋਂ ਬਚਾਉਣ ਦੇ ਮਕਸਦ ਨਾਲ ਸ਼ਿਵਾਲਾ ਤੇਜਾ ਸਿੰਘ ਮੰਦਰ ਸਿਆਲਕੋਟ ਅਤੇ ਮੂਲਿਕਾ ਦੇ ਪਾਰਕ ਦੀ ਸਾਫ਼-ਸਫ਼ਾਈ ਦਾ ਪ੍ਰਬੰਧ ਕੀਤਾ ਗਿਆ। ਸ਼ਿਵਾਲਾ ਤੇਜਾ ਸਿੰਘ ਮੰਦਿਰ 'ਚ ਜ਼ਿਲ੍ਹਾ ਇੰਤਜ਼ਾਮੀਆ ਸਿਆਲਕੋਟ ਅਤੇ ਤੈਨਾਤ ਮਤਰੁਕਾ ਵਕਫ਼ ਇਮਲਾਕ ਦੇ ਸਟਾਫ਼ ਵੱਲੋਂ ਸਫ਼ਾਈ ਦਾ ਪ੍ਰਬੰਧ ਕੀਤਾ ਗਿਆ।
renovation of 100 year old Shivala Teja Singh Temple at Sialkot, pakistan
ਸਿਆਲਕੋਟ ਦੇ ਸਹਾਇਕ ਕਮਿਸ਼ਨਰ ਮੁਹੰਮਦ ਮੁਰਤਜ਼ਾ ਨੇ ਸ਼ਿਵਾਲਾ ਤੇਜਾ ਸਿੰਘ ਮੰਦਰ ਦੇ ਕੇਅਰਟੇਕਰ ਸ਼ਫ਼ਾਕ ਅਲੀ ਅਤੇ ਪੰਡਿਤ ਜਸ਼ਪਾਲ ਦੇ ਨਾਲ ਸ਼ਿਵਾਲਾ ਮੰਦਰ ਦਾ ਦੌਰਾ ਕਰਕੇ ਸਫਾਈ ਪ੍ਰਬੰਧਾਂ ਅਤੇ ਹੋਰ ਪ੍ਰਬੰਧਾਂ ਦਾ ਜਾਇਜ਼ਾ ਲਿਆ। ਕਮਿਸ਼ਨਰ ਸਿਆਲਕੋਟ, ਡਿਪਟੀ ਕਮਿਸ਼ਨਰ ਸਿਆਲਕੋਟ, ਸਹਾਇਕ ਕਮਿਸ਼ਨਰ ਸਿਆਲਕੋਟ ਨੇ ਸ਼ਿਵਾਲਾ ਤੇਜਾ ਸਿੰਘ ਮੰਦਿਰ ਦਾ ਦੌਰਾ ਕੀਤਾ, ਮਟੌਰਕਾ ਵਕਫ਼ ਇਮਲਕ ਦੇ ਸਟਾਫ਼ ਕੇਅਰ ਟੇਕਰ ਮੈਨੇਜਰ ਸ਼ਫਾਕ ਅਲੀ, ਮੰਦਿਰ ਦੇ ਪੁਜਾਰੀ ਪੰਡਿਤ ਜਸ਼ਪਾਲ ਨੇ ਇਸਤਿਕਬਾਲ ਕੀਤਾ ਅਤੇ ਫੁੱਲ ਮਾਲਾਵਾਂ ਭੇਟ ਕੀਤੀਆਂ। ਕਮਿਸ਼ਨਰ, ਸਿਆਲਕੋਟ ਨੇ ਸ਼ਿਵਾਲਾ ਤੇਜਾ ਸਿੰਘ ਮੰਦਿਰ ਦੀ ਪ੍ਰਗਤੀ ਦਾ ਜਾਇਜ਼ਾ ਲਿਆ ਅਤੇ ਉਨ੍ਹਾਂ ਨਾਲ ਗੱਲਬਾਤ ਕੀਤੀ।
renovation of 100 year old Shivala Teja Singh Temple at Sialkot, pakistan
ਜ਼ਿਕਰਯੋਗ ਹੈ ਕਿ ਮਟੌਰ ਵਕਫ਼ ਇਮਲਕ ਨੇ ਹਿੰਦੂਆਂ ਦੇ ਧਾਰਮਿਕ ਸਥਾਨ ਸ਼ਿਵਾਲਾ ਤੇਜਾ ਸਿੰਘ ਮੰਦਰ ਨੂੰ 1947 ਤੋਂ ਬਾਅਦ ਮੁੜ ਹਿੰਦੂਆਂ ਦੀ ਪੂਜਾ ਲਈ ਖੋਲ੍ਹ ਦਿੱਤਾ ਸੀ ਅਤੇ ਹੁਣ ਚੇਅਰਮੈਨ ਮਤਰੂਕਾ ਵਕਫ਼ ਇਮਲਕ ਡਾ: ਅਮੀਰ ਅਹਿਮਦ, ਸਕੱਤਰ ਸ਼ਰਵਣ ਰਾਣਾ ਸ਼ਾਹਿਦ ਸਲੀਮ, ਉਪ ਸਕੱਤਰ ਜਨਾਬ ਸਯਦ ਫ਼ਰਾਜ਼ ਅੱਬਾਸ ਸਾਹਿਬ ਦੀ ਦੇਖ-ਰੇਖ ਹੇਠ ਸ਼ਿਵਾਲਾ ਤੇਜਾ ਸਿੰਘ ਮੰਦਿਰ ਵਿਖੇ ਨਵੀਨੀਕਰਨ ਦਾ ਕੰਮ ਚੱਲ ਰਿਹਾ ਹੈ।
