ਕ੍ਰਿਕੇਟ ਦੇ ਮੈਦਾਨ ਉਤੇ ਇਕ ਅਜਿਹੀ ਘਟਨਾ ਦੇਖਣ ਨੂੰ ਮਿਲੀ ਜਿਨ੍ਹੇ ਸਾਰੀਆਂ ਨੂੰ ਹੈਰਾਨ.......
ਮੁੰਬਈ : ਕ੍ਰਿਕੇਟ ਦੇ ਮੈਦਾਨ ਉਤੇ ਇਕ ਅਜਿਹੀ ਘਟਨਾ ਦੇਖਣ ਨੂੰ ਮਿਲੀ ਜਿਨ੍ਹੇ ਸਾਰੀਆਂ ਨੂੰ ਹੈਰਾਨ ਕਰ ਦਿਤਾ। ਦਰਅਸਲ ਮੁੰਬਈ ਦੇ ਆਦਰਸ਼ ਕ੍ਰਿਕੇਟ ਕਲੱਬ ਦੇ ਗਰਾਊਡ ਉਤੇ ਦੇਸਾਈ ਅਤੇ ਜੁਨੀ ਡੋਬੀਵਲੀ ਦੇ ਵਿਚ ਮੈਚ ਦੌਰਾਨ ਇਕ ਟੀਮ ਨੇ ਵਿਰੋਧੀ ਗੇਂਦਬਾਜ ਦੀ ਗਲਤੀ ਦੀ ਵਜ੍ਹਾ ਨਾਲ ਇਕ ਗੇਂਦ ਉਤੇ ਬਿਨਾਂ ਅਪਣੇ ਬੱਲੇਬਾਜਾਂ ਦੇ ਸ਼ਾਟ ਲਗਾਏ 6 ਦੌੜਾਂ ਬਣਾ ਲਈਆਂ।
6 runs needed off 1 ball and the team scored it with 1 ball to spare ? pic.twitter.com/XOehccVBzA
— Amit A (@Amit_smiling) January 8, 2019
ਗੇਂਦਬਾਜ ਦੀ ਇਸ ਬੇਵਕੂਫ਼ੀ ਭਰੀ ਗੇਂਦਬਾਜੀ ਦਾ ਵੀਡੀਓ ਸੋਸ਼ਲ ਮੀਡੀਆ ਉਤੇ ਵਾਇਰਲ ਹੋ ਰਿਹਾ ਹੈ। ਬੈਟਿੰਗ ਕਰਨ ਵਾਲੀ ਟੀਮ ਨੂੰ ਜਿੱਤ ਲਈ ਮੈਚ ਦੀ ਆਖਰੀ ਗੇਂਦ ਉਤੇ 6 ਦੌੜਾਂ ਦੀ ਲੋੜ ਸੀ। ਪਰ ਜਦੋਂ ਉਸ ਟੀਮ ਨੇ ਜਿੱਤ ਦਰਜ਼ ਕੀਤੀ, ਉਦੋਂ ਵੀ ਮੈਚ ਵਿਚ ਇਕ ਗੇਂਦ ਸੁੱਟੀ ਜਾਣੀ ਬਾਕੀ ਸੀ। ਡੋਬੀਵਲੀ ਨੇ ਪਹਿਲਾਂ ਬੱਲੇਬਾਜ਼ੀ ਕਰਦੇ ਹੋਏ ਦੇਸਾਈ ਦੀ ਟੀਮ ਨੂੰ 76 ਦੌੜਾਂ ਦਾ ਟੀਚਾ ਦਿਤਾ ਸੀ, ਟੀਚੇ ਦਾ ਪਿੱਛਾ ਕਰਨ ਉਤਰੀ ਦੇਸਾਈ ਟੀਮ ਨੂੰ ਆਖਰੀ ਗੇਂਦ ਉਤੇ 6 ਦੌੜਾਂ ਦੀ ਲੋੜ ਸੀ।
Cricket
ਆਖਰੀ ਓਵਰ ਵਿਚ ਡੋਬੀਵਲੀ ਦੇ ਗੇਂਦਬਾਜ ਨੇ ਅਜਿਹਾ ਓਵਰ ਪਾਇਆ ਜਿਨ੍ਹੇ ਸਾਰੀਆਂ ਨੂੰ ਹੈਰਾਨ ਕਰ ਦਿਤਾ। ਦਰਅਸਲ, ਡੋਬੀਵਲੀ ਟੀਮ ਦਾ ਇਹ ਗੇਂਦਬਾਜ ਇਸ ਆਖਰੀ ਗੇਂਦ ਨੂੰ ਛੇ ਵਾਰ ਸੁੱਟਦਾ ਹੈ। ਸਾਰੇ ਆਫ਼ ਸਟੰਪ ਦੇ ਬਾਹਰ ਪਰ ਸਾਰੀਆਂ ਗੇਂਦਾਂ ਵਾਇਡ ਸੀ। ਉਸ ਦੀ ਹਰ ਗੇਂਦ ਵਾਇਡ ਗੇਂਦ ਕਰਾਰ ਦਿਤੀ ਜਾਂਦੀ ਹੈ ਅਤੇ ਦੇਸਾਈ ਟੀਮ ਬਿਨ੍ਹਾਂ ਅਪਣੇ ਬੱਲੇਬਾਜ਼ਾਂ ਦੇ ਸ਼ਾਟ ਲਗਾਏ ਇਕ ਗੇਂਦ ਬਾਕੀ ਰਹਿੰਦੇ ਇਹ ਮੈਚ ਜਿੱਤ ਲੈਂਦੀ ਹੈ।
