IPL 2024 : ਮਾਮਲਾ ਬੇਂਗਲੁਰੂ ਪੁਲਿਸ ਨੇ ਕੀਤਾ ਮਾਮਲਾ ਦਰਜ, ਖ਼ਰਾਬ ਖਾਣਾ ਮਗਰੋਂ ਹੋਇਆ ਪੇਟ ਦਰਦ
IPL 2024 : ਬੈਂਗਲੁਰੂ-ਬੈਂਗਲੁਰੂ ਦੇ ਐੱਮ ਚਿੰਨਾਸਵਾਮੀ ਸਟੇਡੀਅਮ 'ਚ ਰਾਇਲ ਚੈਲੰਜਰਜ਼ ਬੈਂਗਲੁਰੂ ਅਤੇ ਦਿੱਲੀ ਕੈਪੀਟਲਸ ਵਿਚਾਲੇ ਇੰਡੀਅਨ ਪ੍ਰੀਮੀਅਰ ਲੀਗ (ਆਈ. ਪੀ. ਐੱਲ.) 2024 ਟੀ-20 ਕ੍ਰਿਕਟ ਮੈਚ ਦੌਰਾਨ ਦਰਸ਼ਕਾਂ ਨੂੰ ਕਥਿਤ ਤੌਰ 'ਤੇ ਬਾਸੀ ਭੋਜਨ ਪਰੋਸਣ ਦੇ ਦੋਸ਼ 'ਚ ਕਰਨਾਟਕ ਰਾਜ ਕ੍ਰਿਕਟ ਸੰਘ ਪ੍ਰਬੰਧਨ ਖ਼ਿਲਾਫ਼ ਐੱਫ.ਆਈ.ਆਰ. ਦਰਜ ਕੀਤੀ ਗਈ ਹੈ।
ਇਹ ਵੀ ਪੜੋ:Actor Kanwaljit Singh : ਮਸ਼ਹੂਰ ਅਦਾਕਾਰ ਕੰਵਲਜੀਤ ਸਿੰਘ ਦੇ ਘਰ ’ਚ ਲੱਗੀ ਅੱਗ, ਮੁਸ਼ਕਿਲ ਨਾਲ ਬਚੀ ਜਾਨ
ਜਾਣਕਾਰੀ ਅਨੁਸਾਰ ਕੇਐਸਸੀਏ ਮੈਨੇਜਮੈਂਟ ਅਤੇ ਕੰਟੀਨ ਮੈਨੇਜਰ ਖ਼ਿਲਾਫ਼ ਕਬਨ ਪਾਰਕ ਥਾਣੇ ’ਚ ਐਫਆਈਆਰ ਦਰਜ ਕੀਤੀ ਗਈ ਹੈ। ਇਹ ਸ਼ਿਕਾਇਤ 23 ਸਾਲਾ ਚੈਤੰਨਿਆ ਨੇ ਦਰਜ ਕਰਵਾਈ ਹੈ, ਜੋ ਆਪਣੇ ਦੋਸਤ ਗੌਤਮ ਨਾਲ ਕਤਰ ਏਅਰਵੇਜ਼ ਫੈਨ ਟੇਰੇਸ ਸਟੈਂਡ ਤੋਂ ਸਟੇਡੀਅਮ 'ਚ ਮੈਚ ਦੇਖ ਰਿਹਾ ਸੀ। ਮੈਚ ਦੌਰਾਨ ਚੈਤੰਨਿਆ ਨੇ ਸਟੈਂਡ 'ਤੇ ਮੌਜੂਦ ਕੰਟੀਨ ਤੋਂ ਖਾਣਾ ਖਾਧਾ। ਉਸਨੇ ਘਿਓ ਚੌਲ, ਇਡਲੀ, ਚਨਾ ਮਸਾਲਾ, ਕਟਲੇਟ, ਰਾਇਤਾ ਅਤੇ ਸੁੱਕਾ ਜਾਮੁਨ ਖਾਇਆ। ਚੈਤਨਿਆ ਨੂੰ ਖਾਣ ਤੋਂ ਬਾਅਦ ਕੁਝ ਦੇਰ ਬਾਅਦ ਪੇਟ ਦਰਦ ਮਹਿਸੂਸ ਹੋਇਆ।
ਇਹ ਵੀ ਪੜੋ:Moga News : ਮੋਗਾ 'ਚ ਅਫ਼ੀਮ ਸਣੇ 12 ਲੱਖ ਰੁਪਏ ਦੀ ਡਰੱਗ ਮਨੀ, ਕਾਰ ਬਰਾਮਦ
ਇਸ ਤੋਂ ਬਾਅਦ ਚੈਤੰਨਿਆ ਬੈਠਦਿਆਂ ਹੀ ਹੇਠਾਂ ਡਿੱਗ ਗਿਆ। ਸਟੇਡੀਅਮ ਦੇ ਸਟਾਫ਼ ਦੀ ਮਦਦ ਨਾਲ ਉਸ ਨੂੰ ਸਟੇਡੀਅਮ ਦੇ ਬਾਹਰ ਐਂਬੂਲੈਂਸ ਰਾਹੀਂ ਮੁੱਢਲੀ ਸਹਾਇਤਾ ਦਿੱਤੀ ਗਈ। ਇਸ ਤੋਂ ਬਾਅਦ ਜਦੋਂ ਉਸ ਨੂੰ ਇੱਕ ਨਿੱਜੀ ਹਸਪਤਾਲ ’ਚ ਦਾਖ਼ਲ ਕਰਵਾਇਆ ਗਿਆ ਤਾਂ ਡਾਕਟਰ ਨੇ ਚੈਤੰਨਿਆ ਦੀ ਜਾਂਚ ਕੀਤੀ ਅਤੇ ਪੁਸ਼ਟੀ ਕੀਤੀ ਕਿ ਉਹ ਫੂਡ ਪੁਆਇਜ਼ਨਿੰਗ ਤੋਂ ਪੀੜਤ ਹੈ। ਦੋਸ਼ ਹੈ ਕਿ ਚੈਤੰਨਿਆ ਦੀ ਸਿਹਤ ਖ਼ਰਾਬ ਹੋਣ ਦਾ ਕਾਰਨ ਕੰਟੀਨ 'ਚ ਪਰੋਸਿਆ ਗਿਆ ਖਾਣਾ ਸੀ।
(For more news apart from Deteriorated health youth who went watch match, FIR filed against association News in Punjabi, stay tuned to Rozana Spokesman)
