ਨਿਊਜ਼ੀਲੈਂਡ ਵਿਰੁਧ ਉਸਦੀ ਸਰਜਮੀਂ 'ਤੇ2-1 ਨਾਲ ਜਿੱਤ ਤੋਂ ਆਤਮ-ਵਿਸ਼ਵਾਸ਼ ਨਾਲ ਭਰੀ ਭਾਰਤੀ ਮਹਿਲਾ ਕ੍ਰਿਕਟ ਟੀਮ
ਮੁੰਬਈ : ਨਿਊਜ਼ੀਲੈਂਡ ਵਿਰੁਧ ਉਸਦੀ ਸਰਜਮੀਂ 'ਤੇ2-1 ਨਾਲ ਜਿੱਤ ਤੋਂ ਆਤਮ-ਵਿਸ਼ਵਾਸ਼ ਨਾਲ ਭਰੀ ਭਾਰਤੀ ਮਹਿਲਾ ਕ੍ਰਿਕਟ ਟੀਮ ਸ਼ੁਕਰਵਾਰ ਨੂੰ ਇਥੇ ਇੰਗਲੈਂਡ ਵਿਰੁਧ ਸ਼ੁਰੂ ਹੋ ਰਹੀ ਤਿੰਨ ਮੈਚਾਂ ਦੀ ਇਕ ਦਿਨਾਂ ਲੜੀ ਵਿਚ ਦਬਦਬਾ ਬਣਾਉਣ ਦੇ ਇਰਾਦੇ ਨਾਲ ਉਤਰੇਗੀ। ਛੋਟੀ ਲੜੀ ਹੋਣ ਦੇ ਕਾਰਨ ਪਹਿਲਾ ਮੈਚ ਜਿੱਤਣ ਵਾਲੀ ਟੀਮ ਲੜੀ ਵਿਚ ਬਹਿਤਰ ਸਥਿਤੀ ਵਿਚ ਹੋਵੇਗੀ। ਇਹ ਲੜੀ ਆਈਸੀਸੀ ਚੈਂਪੀਅਨਸ਼ਿਪ ਦਾ ਹਿੱਸਾ ਹੈ ਅਤੇ ਇਸ ਦੇ ਸਾਰੇ ਮੈਚ ਵਾਨਖੇੜੇ ਸਟੇਡਿਅਮ ਵਿਚ ਖੇਡੇ ਜਾਣਗੇ।
ਮੇਜ਼ਬਾਨ ਟੀਮ ਹਾਲਾਂਕਿ ਇੰਗਲੈਂਡ ਦੀ ਟੀਮ ਨੂੰ ਹਲਕੇ ਵਿਚ ਲੈਣ ਦੀ ਗ਼ਲਤੀ ਨਹੀਂ ਕਰ ਸਕਦੀ ਕਿਉਂਕਿ ਮਹਿਮਾਨ ਟੀਮ ਵਿਚ ਮਹਿਲਾ ਕ੍ਰਿਕਟ ਦੇ ਕੁਝ ਵੱਡੇ ਨਾਂ ਸ਼ਾਮਲ ਹਨ। ਨਿਊਜ਼ੀਲੈਂਡ ਵਿਰੁਧ ਲੜੀ ਵਿਚ ਸੈਂਕੜਾ ਅਤੇ 90 ਦੌੜਾਂ ਦੀ ਮਦਦ ਨਾਲ 196 ਦੌੜਾਂ ਜੋੜਨ ਵਾਲੀ ਸਲਾਮੀ ਬੱਲੇਬਾਜ਼ ਸਮ੍ਰਿਤੀ ਮੰਧਾਨਾ ਤੋਂ ਭਾਰਤ ਨੂੰ ਬੱਲੇਬਾਜ਼ੀ ਵਿਚ ਕਾਫ਼ੀ ਉਮੀਦਾਂ ਹਨ।