Ind Vs Pak : ਪਿੱਚ ਧੀਮੀ ਹੋਣ ਕਾਰਨ ਬੱਲੇਬਾਜ਼ ਹੋਣਗੇ ਪ੍ਰੇਸ਼ਾਨ
The Indian-Pakistan match will be dominated by the spin bowlers Latest News in Punjabi : ਨਵੀਂ ਦਿੱਲੀ, 21 ਫ਼ਰਵਰੀ : ਚੈਂਪੀਅਨਜ਼ ਟਰਾਫ਼ੀ 2025 ਦੇ 5ਵੇਂ ਮੈਚ ਵਿਚ, ਭਾਰਤੀ ਟੀਮ ਪਾਕਿਸਤਾਨ ਕ੍ਰਿਕਟ ਟੀਮ ਨਾਲ ਭਿੜੇਗੀ। ਇਹ ਮੈਚ 23 ਫ਼ਰਵਰੀ ਨੂੰ ਦੁਬਈ ਇੰਟਰਨੈਸ਼ਨਲ ਕ੍ਰਿਕਟ ਸਟੇਡੀਅਮ ਵਿਚ ਖੇਡਿਆ ਜਾਵੇਗਾ। ਭਾਰਤੀ ਟੀਮ ਨੇ ਅਪਣੀ ਮੁਹਿੰਮ ਦੀ ਸ਼ੁਰੂਆਤ ਜਿੱਤ ਨਾਲ ਕੀਤੀ ਹੈ। ਪਿਛਲੇ ਮੈਚ ਵਿਚ ਭਾਰਤ ਨੇ ਬੰਗਲਾਦੇਸ਼ ਨੂੰ 6 ਵਿਕਟਾਂ ਨਾਲ ਹਰਾਇਆ ਸੀ। ਦੂਜੇ ਪਾਸੇ ਪਾਕਿਸਤਾਨ ਦੀ ਟੀਮ ਹਾਰ ਤੋਂ ਬਾਅਦ ਇਹ ਮੈਚ ਖੇਡੇਗੀ।
ਦੁਬਈ ਇੰਟਰਨੈਸ਼ਨਲ ਸਟੇਡੀਅਮ ਦੀ ਪਿੱਚ ਆਮ ਤੌਰ ’ਤੇ ਧੀਮੀ ਹੁੰਦੀ ਹੈ। ਅਜਿਹੀ ਸਥਿਤੀ ਵਿਚ, ਇਥੇ ਬੱਲੇਬਾਜ਼ੀ ਕਰਨਾ ਆਸਾਨ ਨਹੀਂ ਹੋਵੇਗਾ। ਨਵੀਂ ਗੇਂਦ ਇਸ ਪਿੱਚ ’ਤੇ ਤੇਜ਼ ਗੇਂਦਬਾਜ਼ਾਂ ਦੀ ਮਦਦ ਕਰੇਗੀ। ਜਿਵੇਂ-ਜਿਵੇਂ ਮੈਚ ਅੱਗੇ ਵਧੇਗਾ, ਸਪਿਨਰਾਂ ਦਾ ਕੰਮ ਦਾ ਬੋਝ ਵੀ ਵਧੇਗਾ। ਮੈਚ ਦੀ ਸ਼ੁਰੂਆਤ ਵਿਚ ਮੁਹੰਮਦ ਸ਼ਮੀ ਅਤੇ ਹਰਸ਼ਿਤ ਰਾਣਾ ਪਿੱਚ ਦਾ ਪੂਰਾ ਫ਼ਾਇਦਾ ਉਠਾ ਸਕਦੇ ਹਨ। ਬੰਗਲਾਦੇਸ਼ ਵਿਰੁਧ ਸ਼ਮੀ ਨੇ 5 ਵਿਕਟਾਂ ਅਤੇ ਰਾਣਾ ਨੇ 3 ਵਿਕਟਾਂ ਲਈਆਂ।
ਜੇ ਪਾਕਿਸਤਾਨ ਪਹਿਲਾਂ ਗੇਂਦਬਾਜ਼ੀ ਕਰਦਾ ਹੈ ਤਾਂ ਨਸੀਮ ਸ਼ਾਹ, ਸ਼ਾਹੀਨ ਸ਼ਾਹ ਅਫ਼ਰੀਦੀ ਅਤੇ ਹਾਰਿਸ ਰਾਉਸ ਇਸ ਦਾ ਪੂਰਾ ਫ਼ਾਇਦਾ ਉਠਾ ਸਕਦੇ ਹਨ। ਅਜਿਹੀ ਸਥਿਤੀ ਵਿਚ, ਦੋਵਾਂ ਟੀਮਾਂ ਵਿਚਕਾਰ ਟਾਸ ਮਹੱਤਵਪੂਰਨ ਹੋਣ ਵਾਲਾ ਹੈ। ਜਿਵੇਂ-ਜਿਵੇਂ ਸ਼ਾਮ ਢਲਦੀ ਜਾਵੇਗੀ, ਸਪਿੰਨਰ ਹਰਕਤ ਵਿਚ ਆਉਣਗੇ। ਭਾਰਤ ਕੋਲ ਕੁਲਦੀਪ ਯਾਦਵ, ਅਕਸ਼ਰ ਪਟੇਲ ਅਤੇ ਰਵਿੰਦਰ ਜਡੇਜਾ ਦੇ ਰੂਪ ਵਿਚ ਸ਼ਾਨਦਾਰ ਸਪਿੰਨਰ ਹੋਣਗੇ। ਦੂਜੇ ਪਾਸੇ ਪਾਕਿਸਤਾਨ ਅਬਰਾਰ ਅਹਿਮਦ ਤੋਂ ਇਲਾਵਾ ਖ਼ੁਸ਼ਦਿਲ ਸ਼ਾਹ ’ਤੇ ਨਿਰਭਰ ਕਰੇਗਾ।
