ਮੁੱਕੇਬਾਜ਼ ਇੰਦਰ ਸਿੰਘ ਬੱਸੀ ਆਪਣੇ ਮੁਕਾਬਲੇ ਲਈ ਤਿਆਰ ਹਨ ਤੇ ਉਨ੍ਹਾਂ ਨੂੰ ਆਪਣੀ ਦਾੜ੍ਹੀ ਰੱਖਣ ਦੀ ਇਜਾਜ਼ਤ ਵੀ ਮਿਲ ਗਈ ਹੈ
ਮੁੱਕੇਬਾਜ਼ ਇੰਦਰ ਸਿੰਘ ਬੱਸੀ ਆਪਣੇ ਮੁਕਾਬਲੇ ਲਈ ਤਿਆਰ ਹਨ ਤੇ ਉਨ੍ਹਾਂ ਨੂੰ ਆਪਣੀ ਦਾੜ੍ਹੀ ਰੱਖਣ ਦੀ ਇਜਾਜ਼ਤ ਵੀ ਮਿਲ ਗਈ ਹੈ। ਪਹਿਲਾਂ ਸਿਖਾਂ ਨੂੰ ਮੁਕਾਬਲੇ ਤੋਂ ਪਹਿਲਾਂ ਆਪਣੀ ਦਾੜ੍ਹੀ ਮੁਨਵਾਉਣੀ ਪੈਂਦੀ ਸੀ ਕਿਉਂਕਿ ਮੁੱਕੇਬਾਜ਼ੀ ਅਧਿਕਾਰੀਆਂ ਨੇ ਦਾੜ੍ਹੀ 'ਤੇ ਪਾਬੰਦੀ ਲਗਾ ਦਿੱਤੀ ਸੀ। ਨਿਯਮਾਂ ਮੁਤਾਬਿਕ ਕਈ ਸਿੱਖਾਂ ਨੇ ਮੁੱਕੇਬਾਜ਼ੀ ਦੇ ਮੁਕਾਬਲਿਆਂ ਤੋਂ ਮਨ੍ਹਾ ਕੀਤਾ ਸੀ ਕਿਉਂਕਿ ਉਨ੍ਹਾਂ ਦਾ ਧਰਮ ਉਨ੍ਹਾਂ ਨੂੰ ਕੇਸ ਕਤਲ ਕਰਨ ਦੀ ਇਜਾਜ਼ਤ ਨਹੀਂ ਦਿੰਦਾ।
boxing
ਲੰਡਨ ਦੇ ਐਲੇਗਜ਼ੈਂਡਰ ਪੈਲੇਸ ਦੇ 5 ਵਾਰ ਜੇਤੂ ਰਹੇ ਖਿਡਾਰੀ ਨੇ ਦੱਸਿਆ ਕਿ ਅਸੀਂ ਦਾੜ੍ਹੀ ਨਾਲ ਘੁੰਮਦੇ ਹਾਂ, ਦਾੜ੍ਹੀ ਮੇਰਾ ਅੰਗ ਹੈ ਤੇ ਇਹ ਮੇਰੇ ਧਰਮ ਦਾ ਹਿੱਸਾ ਹੈ। 21 ਸਾਲਾ ਨੌਜਵਾਨ ਖਿਡਾਰੀ ਨੇ ਕਿਹਾ ਮੁਕਾਬਲੇ ਤੋਂ ਪਹਿਲਾਂ ਦਾੜ੍ਹੀ ਮੁਨਵਾਉਣਾ ਉਸ ਨੂੰ ਪਸੰਦ ਨਹੀਂ ਸੀ ਪਰ ਇੱਕ ਵਾਰ ਉਸ ਨੇ ਕੀਤਾ। 1 ਜੂਨ ਨੂੰ ਦਾੜ੍ਹੀ ਤੇ ਪਾਬੰਦੀ ਹਟਾ ਦਿੱਤੀ ਗਈ ਸੀ ਅਤੇ ਹੁਣ ਬੱਸੀ ਨੂੰ ਉਮੀਦ ਹੈ ਕਿ ਸਿੱਖ ਮੁੱਕੇਬਾਜ਼ਾਂ ਦੀ ਇੱਕ ਨਵੀਂ ਪੀੜ੍ਹੀ ਇਸ ਖੇਡ ਨੂੰ ਅੱਗੇ ਵਧਾਉਣ ਦੇ ਯੋਗ ਹੋ ਸਕੇਗੀ।
boxing
ਮੈਂ ਜਾਣਦਾ ਹਾਂ ਕਿ ਬਹੁਤ ਸਾਰੇ ਸਿੱਖ ਖਿਡਾਰੀ ਜੋ ਮੁੱਕੇਬਾਜ਼ੀ ਕਰਨਾ ਚਾਹੁੰਦੇ ਸੀ ਪਰ ਦਾੜ੍ਹੀ ਵਾਲੇ ਨਿਯਮ ਕਰ ਕੇ ਉਨ੍ਹਾਂ ਨੇ ਆਪਣੀ ਦਿੱਖ ਨਾ ਬਦਲਣ ਲਈ ਕੋਈ ਹੋਰ ਖੇਡ ਚੁਣ ਲਈ ਹੈ। ਜਿਵੇਂ ਕਿ ਕਿੱਕਬਾਕਸਿੰਗ ਜਾਂ ਮਾਰਸ਼ਲ ਆਰਟਸ ਦਾ ਕੋਈ ਹੋਰ ਰੂਪ ਜਿਥੇ ਉਨ੍ਹਾ ਨੂੰ ਆਪਣੀ ਦਾੜ੍ਹੀ ਤੇ ਦਾੜ੍ਹੀ ਵਾਲਾ ਸਾਮਾਨ ਰੱਖਣ ਦੀ ਇਜਾਜ਼ਤ ਹੁੰਦੀ ਹੈ। ਸਿੱਖ ਮੁੱਕੇਬਾਜ਼ ਜੋ ਮੁਕਾਬਲੇ ਖੇਡਣਾ ਚਾਹੁੰਦੇ ਸੀ ਉਨ੍ਹਾਂ ਨੇ ਮੁਕਾਬਲੇ ਇਸੇ ਲਈ ਨਹੀਂ ਕੀਤੇ ਕਿਉਂਕਿ ਉਹ ਆਪਣੀ ਦਾੜ੍ਹੀ ਨਹੀਂ ਮੁਨਵਾ ਸਕਦੇ ਸੀ।
