ਹਰਿਆਣੇ ਦੀ ਬੇਟੀ ਨੇ ਬਣਾਈ ਹੈਟ੍ਰਿਕ, ਜੂਨੀਅਰ ਸ਼ੂਟਿੰਗ ਵਰਲਡ ਕੱਪ 'ਚ ਜਿੱਤਿਆ ਸੋਨਾ
ਚੰਡੀਗੜ੍ਹ : ਹਰਿਆਣਾ ਦੀ ਬੇਟੀ ਮਨੂੰ ਭਾਕਰ ਨੇ ਦੇਸ਼ ਦੀ ਝੋਲੀ ਵਿਚ ਇਕ ਹੋਰ ਭਾਵ ਤੀਜਾ ਗੋਲਡ ਮੈਡਲ ਪਾ ਦਿਤਾ ਹੈ। ਮਨੂੰ ਨੇ ਆਸਟ੍ਰੇਲੀਆ ਦੇ ਸਿਡਨੀ ਵਿਚ ਚਲ ਰਹੇ 10 ਮੀਟਰ ਏਅਰ ਪਿਸਟਲ ਵਰਲਡ ਕੱਪ ਵਿਚ ਸੋਨ ਤਮਗਾ ਹਾਸਲ ਕਰਕੇ ਗੋਲਡ ਦੀ ਹੈਟ੍ਰਿਕ ਬਣਾ ਲਈ ਹੈ। ਮਨੂੰ ਨੇ ਸਿਰਫ਼ 16 ਸਾਲ ਦੀ ਉਮਰ ਵਿਚ ਹੀ ਭਾਰਤ ਨੂੰ ਤੀਜਾ ਗੋਲਡ ਮੈਡਲ ਦਿਵਾਇਆ।
haryana girl manu bhakar win gold
ਆਸਟ੍ਰੇਲੀਆ ਵਿਚ 19 ਮਾਰਚ ਤੋਂ 29 ਮਾਰਚ ਤਕ ਚਲ ਰਹੀ ਜੂਨੀਅਰ ਵਰਲਡ ਕੱਪ ਪਿਸਟਲ ਸ਼ੂਟਿੰਗ ਮੁਕਾਬਲੇ ਵਿਚ ਮਨੂੰ ਨੇ ਇਹ ਪ੍ਰਾਪਤੀ ਹਾਸਲ ਕੀਤੀ। ਇਸ ਪ੍ਰਾਪਤੀ 'ਤੇ ਪਰਿਵਾਰ ਸਮੇਤ ਪਿੰਡ ਵਿਚ ਖ਼ੁਸ਼ੀ ਦਾ ਮਾਹੌਲ ਪਾਇਆ ਜਾ ਰਿਹਾ ਹੈ। ਮਨੂੰ ਝੱਜਰ ਦੇ ਗੋਰਿਆਂ ਸਕੂਲ 'ਚ 11ਵੀਂ ਜਮਾਤ ਦੀ ਵਿਦਿਆਰਥਣ ਹੈ।
haryana girl manu bhakar win gold
ਇਸ ਤੋਂ ਪਹਿਲਾਂ ਵੀ ਮੈਕਸਿਕੋ 'ਚ ਹੋਏ ਮੁਕਾਬਲਿਆਂ 'ਚ ਮਨੂੰ ਨੇ ਭਾਰਤ ਨੂੰ ਸਿੰਗਲ ਅਤੇ ਡਬਲ 'ਚ ਪਿਸਟਲ ਸ਼ੂਟਿੰਗ ਮੁਕਾਬਲੇ ਦੌਰਾਨ ਦੋ ਗੋਲਡ ਦੇ ਤਮਗੇ ਭਾਰਤ ਦੀ ਝੋਲੀ ਪਾਏ ਸਨ। ਅੱਜ ਫਿਰ ਤੋਂ ਇਤਿਹਾਸ ਬਣਾਉਂਦੇ ਹੋਏ ਮਨੂੰ ਨੇ ਭਾਰਤ ਨੂੰ ਇਕ ਹੋਰ ਸੋਨ ਤਮਗਾ ਦਿਵਾਇਆ।
haryana girl manu bhakar win gold
ਫਿਲਹਾਲ ਮਨੂੰ ਦਾ 28 ਮਾਰਚ ਨੂੰ ਵੀ ਇਕ ਹੋਰ ਮੈਚ ਹੋਣ ਵਾਲਾ ਹੈ। ਉਸ ਤੋਂ ਬਾਅਦ ਮਨੂੰ ਕਾਮਨਵੈਲਥ ਗੇਮਜ਼ ਵਿਚ ਹਿੱਸਾ ਲਵੇਗੀ। ਇਸ ਦੇ ਨਾਲ ਹੀ ਝੱਜਰ ਦੀ ਇਸ ਬੇਟੀ ਦੀਆਂ ਪ੍ਰਾਪਤੀਆਂ ਲਈ ਜ਼ਿਲ੍ਹਾ ਪ੍ਰਸ਼ਾਸਨ ਨੇ ਵਧਾਈ ਦਿੱਤੀ ਹੈ।
