ਭਾਰਤ ਦੇ ਅਰਜੁਨ ਭਾਟੀ ਨੇ ਮੰਗਲਵਾਰ ਨੂੰ ਮਲੇਸ਼ਿਆ ਵਿਚ ਯੂਐਸ......
ਨਵੀਂ ਦਿੱਲੀ (ਭਾਸ਼ਾ): ਭਾਰਤ ਦੇ ਅਰਜੁਨ ਭਾਟੀ ਨੇ ਮੰਗਲਵਾਰ ਨੂੰ ਮਲੇਸ਼ਿਆ ਵਿਚ ਯੂਐਸ ਕਿਡਸ ਜੂਨਿਅਰ ਗੋਲਫ਼ ਵਰਲਡ ਚੈਂਪੀਅਨਸ਼ਿਪ ਵਿਚ ਅਮਰੀਕਾ ਦੇ ਅਕਸੇਲ ਮੋਏ ਨੂੰ ਮਾਤ ਦਿੰਦੇ ਹੋਏ ਖਿਤਾਬ ਅਪਣੇ ਨਾਮ ਕੀਤਾ। ਅਰਜੁਨ ਨੇ ਕੁਲ 222 ਅੰਕਾਂ ਦਾ ਸਕੋਰ ਕੀਤਾ। ਅਮਰੀਕੀ ਖਿਡਾਰੀ ਨੇ 225 ਅਤੇ ਤੀਸਰੇ ਸਥਾਨ ਉਤੇ ਰਹਿਣ ਵਾਲੇ ਵਿਅਤ ਨਾਂਅ ਦੇ ਖਿਡਾਰੀ ਨੇ 226 ਅੰਕ ਹਾਸਲ ਕੀਤੇ।
Arjun Bhati
ਅਰਜੁਨ ਤਕਰੀਬਨ ਸਾਢੇ ਪੰਜ ਸਾਲ ਤੋਂ ਗੋਲਫ ਖੇਡ ਰਿਹਾ ਹੈ। ਉਨ੍ਹਾਂ ਨੇ ਹੁਣ ਤੱਕ ਕੁਲ 144 ਟੂਰਨਾਮੇਂਟਾਂ ਵਿਚ ਹਿੱਸਾ ਲਿਆ ਹੈ ਜਿਸ ਵਿਚੋਂ 107 ਵਿਚ ਜਿੱਤ ਹਾਸਲ ਕੀਤੀ ਹੈ। ਅਰਜੁਨ ਨੇ ਕਿਹਾ, ਮੇਰੀ ਉਮਰ ਦੇ ਅੰਤਰਰਾਸ਼ਟਰੀ ਖਿਡਾਰੀਆਂ ਦੇ ਨਾਲ ਖੇਡਣਾ ਸ਼ਾਨਦਾਰ ਅਨੁਭਵ ਰਿਹਾ। ਭਾਰਤ ਦੀ ਤਰਜਮਾਨੀ ਕਰਨ ਉਤੇ ਮੈਨੂੰ ਗਰਵ ਹੈ। ਇਹ ਸਿਰਫ਼ ਸ਼ੁਰੂਆਤ ਹੈ, ਮੈਨੂੰ ਉਂਮੀਦ ਹੈ ਕਿ ਮੈਂ ਅੱਗੇ ਵੀ ਅਪਣੇ ਦੇਸ਼ ਨੂੰ ਗਰਵ ਕਰਨ ਦਾ ਮੌਕਾ ਦੇਵਾਂਗਾ।
ਉਨ੍ਹਾਂ ਦੇ ਕੋਚ ਮੋਹਿਤ ਬਿੰਦਰਾ ਨੇ ਕਿਹਾ, ਮੈਂ ਅਰਜੁਨ ਦੀ ਸਫ਼ਲਤਾ ਤੋਂ ਬੇਹੱਦ ਖੁਸ਼ ਹਾਂ ਅਤੇ ਗਰਵ ਮਹਿਸੂਸ ਕਰ ਰਿਹਾ ਹਾਂ। ਉਹ ਸ਼ਾਨਦਾਰ ਖਿਡਾਰੀ ਹੈ। ਉਸ ਨੂੰ ਅਪਣੇ ਪ੍ਰਦਰਸ਼ਨ ਵਿਚ ਨਿਰਤੰਰਤਾ ਰੱਖਣ ਦੀ ਜ਼ਰੂਰਤ ਹੈ।
