ਆਸਟ੍ਰੇਲੀਆ ਦੇ ਸਾਬਕਾ ਵਿਕਟਕੀਪਰ ਬੱਲੇਬਾਜ਼ ਬ੍ਰੈਡ ਹੈਡਿਨ ਟੀਮ ਨਾਲ ਇਕ ਵਾਰ ਫਿਰ ਜੁੜ ਗਿਆ ਹੈ ਤੇ ਉਹ ਹੁਣ ਟੀਮ ਦੇ ਨਵੇਂ ਫਿਲਡਿੰਗ ਕੋਚ ਦੀ ਭੂਮਿਕਾ ਨਿਭਾਏਗਾ।
ਆਸਟ੍ਰੇਲੀਆ ਦੇ ਸਾਬਕਾ ਵਿਕਟਕੀਪਰ ਬੱਲੇਬਾਜ਼ ਬ੍ਰੈਡ ਹੈਡਿਨ ਟੀਮ ਨਾਲ ਇਕ ਵਾਰ ਫਿਰ ਜੁੜ ਗਿਆ ਹੈ ਤੇ ਉਹ ਹੁਣ ਟੀਮ ਦੇ ਨਵੇਂ ਫਿਲਡਿੰਗ ਕੋਚ ਦੀ ਭੂਮਿਕਾ ਨਿਭਾਏਗਾ। ਹੈਡਿਨ ਟੀਮ ਵਿਚ ਗ੍ਰੇਗ ਬਲੇਵੇਟ ਦਾ ਸਥਾਨ ਲਵੇਗਾ। ਬਲੇਵੇਟ ਨੇ ਸਾਊਥ ਆਸਟ੍ਰੇਲੀਆ ਦੀ ਟੀਮ ਨਾਲ ਜੁੜਨ ਦੀ ਵਜ੍ਹਾ ਨਾਲ ਆਪਣੇ ਅਹੁਦੇ ਤੋਂ ਅਸਤੀਫਾ ਦੇ ਦਿੱਤਾ ਸੀ। ਆਸਟ੍ਰੇਲੀਆ ਲਈ 66 ਟੈਸਟ ਤੇ 126 ਵਨ ਡੇ ਖੇਡ ਚੁੱਕਾ ਹੈਡਿਨ ਬੰਗਲਾਦੇਸ਼ ਵਿਰੁੱਧ ਆਗਾਮੀ ਦੌਰੇ ਨਾਲ ਆਪਣੀ ਇਸ ਨਵੀਂ ਭੂਮਿਕਾ ਦੀ ਸ਼ੁਰੂਆਤ ਕਰੇਗਾ। ਉਸਦਾ ਕਾਰਜਕਾਲ 2019 ਦੇ ਅੰਤ ਵਿਚ ਪੂਰਾ ਹੋਵੇਗਾ।
ਹੈਡਿਨ ਦਾ ਕਾਰਜਕਾਲ 18 ਅਗਸਤ ਤੋਂ ਬੰਗਲਾਦੇਸ਼ ਦੇ ਦੌਰੇ ਦੇ ਨਾਲ ਸ਼ੁਰੂ ਹੋਵੇਗਾ ਅਤੇ 2019 ਤੱਕ ਰਹੇਗਾ। 2019 ਵਿੱਚ ਵਿਸ਼ਵਕੱਪ ਦਾ ਵੀ ਪ੍ਰਬੰਧ ਹੋਣਾ ਹੈ ਇਸ ਕਰਕੇ ਦੇ ਹੈਡਿਨ ਮੋਢਿਆਂ 'ਤੇ ਵੱਡੀ ਜ਼ਿੰਮੇਦਾਰੀ ਸੌਂਪੀ ਗਈ ਹੈ। ਉਹ ਇਸ ਤੋਂ ਪਹਿਲਾਂ ਗ੍ਰੇਗ ਬਲੇਵੇਟ ਆਸਟ੍ਰੇਲੀਆ ਦੇ ਫਿਲਡਿੰਗ ਕੋਚ ਦੀ ਜ਼ਿੰਮੇਵਾਰੀ ਸੰਭਾਲ ਰਹੇ ਸਨ।
ਇਸ ਮੌਕੇ 'ਤੇ ਹੈਡਿਨ ਨੇ ਕਿਹਾ ਕਿ ਉਹ ਇਸ ਨਵੀਂ ਜ਼ਿੰਮੇਵਾਰੀ ਤੋਂ ਕਾਫ਼ੀ ਉਤਸ਼ਾਹਿਤ ਹਨ, ਇਹ ਉਨ੍ਹਾਂ ਦੇ ਲਈ ਵੱਡਾ ਮੌਕਾ ਹੈ। ਜਿਕਰਯੋਗ ਹੈ ਕਿ ਬ੍ਰੈਡ ਹੈਡਿਨ ਇਸ ਤੋਂ ਪਹਿਲਾਂ ਨਿਊ ਸਾਊਥ ਵੇਲਸ,ਆਸਟ੍ਰੇਲੀਆ ਅੰਡਰ - 17 ਅਤੇ ਅੰਡਰ - 19 ਟੀਮ ਨੂੰ ਵੀ ਕੋਚਿੰਗ ਦੇ ਚੁੱਕੇ ਹਨ। ਟੀਮ ਦੇ ਪ੍ਰਮੁੱਖ ਕੋਚ ਡੈਰੇਨ ਲੇਹਮਨ ਨੇ ਵੀ ਹੈਡਿਨ ਦਾ ਸਵਾਗਤ ਕੀਤਾ ਹੈ।
ਉਥੇ ਹੀ, ਦੂਜੇ ਪਾਸੇ ਆਸਟ੍ਰੇਲੀਆ ਦੇ ਸਾਬਕਕ ਗੇਂਦਬਾਜ ਸਟੂਅਰਟ ਮੈਕਗਿਲ ਹੁਣ ਬੰਗਲਾਦੇਸ਼ ਕ੍ਰਿਕੇਟ ਟੀਮ ਦੇ ਨਵੇਂ ਸਪਿਨ ਕੋਚ ਹੋਣਗੇ। ਮੈਕਗਿਲ ਦੀ ਪਹਿਲੀ ਚੁਣੌਤੀ ਹੀ ਹੋਮ ਟੀਮ ਆਸਟ੍ਰੇਲੀਆ ਦੇ ਖਿਲਾਫ ਹੋਵੇਗੀ। ਮੈਕਗਿਲ ਨੂੰ ਫਿਲਹਾਲ ਤਿੰਨ ਮਹੀਨੇ ਦਾ ਕਾਰਜਕਾਲ ਦਿੱਤਾ ਗਿਆ ਹੈ।
