ਇੰਡੀਅਨ ਪ੍ਰੀਮੀਅਰ ਲੀਗ ਦੇ 11ਵੇਂ ਸੰਸਕਰਣ ਦਾ ਰੋਮਾਂਚ ਅਪ੍ਰੈਲ 'ਚ ਇਕ ਵਾਰ ਫਿਰ ਸ਼ੁਰੂ ਹੋਣ ਵਾਲਾ ਹੈ।

ਨਵੀਂ ਦਿੱਲੀ: ਇੰਡੀਅਨ ਪ੍ਰੀਮੀਅਰ ਲੀਗ ਦੇ 11ਵੇਂ ਸੰਸਕਰਣ ਦਾ ਰੋਮਾਂਚ ਅਪ੍ਰੈਲ 'ਚ ਇਕ ਵਾਰ ਫਿਰ ਸ਼ੁਰੂ ਹੋਣ ਵਾਲਾ ਹੈ। ਕਰੀਬ ਦੋ ਮਹੀਨੇ ਤਕ ਚੱਲਣ ਵਾਲੇ ਆਈ.ਪੀ.ਐੱਲ. ਸੀਜ਼ਨ-11 ਦਾ ਪਹਿਲਾ ਮੈਚ 7 ਅਪ੍ਰੈਲ ਨੂੰ ਪਿਛਲੀ ਵਾਰ ਦੀ ਜੇਤੂ ਟੀਮ ਮੁੰਬਈ ਇੰਡੀਅਨਸ ਦਾ ਮੁਕਾਬਲਾ ਚੇਨਈ ਸੁਪਰ ਕਿੰਗਸ ਨਾਲ ਹੋਵੇਗਾ। ਇਸ ਸੀਜ਼ਨ ਵਿਚ ਇਕ ਵਾਰ ਫਿਰ ਤੋਂ ਰਾਜਸਥਾਨ ਰਾਇਲਸ ਅਤੇ ਚੇਨਈ ਸੁਪਰ ਕਿੰਗਸ ਦੀਆਂ ਟੀਮਾਂ ਦੋ ਸਾਲ ਦੇ ਬੈਨ ਤੋਂ ਬਾਅਦ ਮੈਦਾਨ ਵਿਚ ਉਤਰ ਰਹੀਆਂ ਹਨ।Murali vijayਚੇਨਈ ਸੁਪਰ ਕਿੰਗਸ ਦੇ ਖਿਡਾਰੀ ਅਪਣੀ ਫਿਟਨੈੱਸ ਦਾ ਖ਼ੂਬ ਧਿਆਨ ਰੱਖ ਰਹੇ ਹਨ। ਜਿਸ ਦੇ ਚਲਦੇ ਕੁੱਝ ਖਿਡਾਰੀਆਂ ਨੇ ਵੀਡੀਉ ਵੀ ਅਪਲੋਡ ਕੀਤੀ ਹੈ। ਇਸ ਸਾਲ ਨਿਲਾਮੀ ਵਿਚ ਮੁਰਲੀ ਵਿਜੇ ਨੂੰ 2 ਕਰੋੜ ਰੁਪਏ ਵਿਚ ਖਰੀਦਿਆ ਹੈ। ਦਸ ਦਈਏ ਕਿ ਮੁਰਲੀ ਵਿਜੇ ਪਿਛਲੇ ਸਾਲ ਤਕ ਕਿੰਗਸ ਇਲੈਵਨ ਪੰਜਾਬ ਤੋਂ ਖੇਡਦੇ ਨਜ਼ਰ ਆ ਰਹੇ ਸਨ। ਮੁਰਲੀ ਵਿਜੇ ਸੋਸ਼ਲ ਮੀਡੀਆ 'ਤੇ ਕਾਫ਼ੀ ਜ਼ਿਆਦਾ ਐਕਟਿਵ ਰਹਿੰਦੇ ਹਨ। ਉਹ ਅਪਣੇ ਹਰ ਚੰਗੇ ਪਲ਼ ਦੀ ਜਾਣਕਾਰੀ ਅਪਣੇ ਫੈਨਜ਼ ਨੂੰ ਸੋਸ਼ਲ ਮੀਡੀਆ ਦੇ ਜਰੀਏ ਹੀ ਦਿੰਦੇ ਹਨ।Murali vijay ਰੱਸੀ 'ਤੇ ਕਰ ਰਹੇ ਹਨ ਸਟੰਟ
ਇਸ ਕੜੀ ਵਿਚ ਮੁਰਲੀ ਵਿਜੇ ਨੇ ਇਕ ਵਾਰ ਫਿਰ ਤੋਂ ਅਪਣੇ ਇੰਸਟਾਗਰਾਮ ਅਕਾਉਂਟ 'ਤੇ ਇਕ ਮਜ਼ੇਦਾਰ ਵੀਡੀਉ ਸ਼ੇਅਰ ਕੀਤੀ ਹੈ। ਇਸ ਵੀਡੀਉ ਵਿਚ ਮੁਰਲੀ ਇਕ ਪਤਲੀ ਜਿਹੀ ਰੱਸੀ 'ਤੇ ਚਲਦੇ ਹੋਏ ਨਜ਼ਰ ਆ ਰਹੇ ਹਨ। ਅਜਿਹਾ ਲੱਗ ਰਿਹਾ ਹੈ ਮੁਰਲੀ ਸਟੰਟ ਕਰ ਰਹੇ ਹਨ। ਹਾਲਾਂਕਿ ਰੱਸੀ ਅਤੇ ਜ਼ਮੀਨ ਦਰਮਿਆਨ ਦੀ ਦੂਰੀ ਬਹੁਤ ਘਟ ਹੈ।
ਮੁਰਲੀ ਵਿਜੇ ਦਾ ਆਈ.ਪੀ.ਐੱਲ. ਕਰੀਅਰMurali vijay
ਮੁਰਲੀ ਵਿਜੇ ਨੇ ਆਈ.ਪੀ.ਐੱਲ. ਵਿਚ ਹੁਣ ਤਕ 100 ਮੈਚ ਖੇਡੇ ਹਨ। 26.43 ਦੇ ਐਵਰੇਜ ਨਾਲ ਕੁਲ 2511 ਦੌੜਾਂ ਬਣਾਈਆਂ ਹਨ। ਇਸ ਸਕੋਰ ਵਿਚ ਉਨ੍ਹਾਂ ਦਾ ਸੱਭ ਤੋਂ ਜ਼ਿਆਦਾ ਸਕੋਰ 127 ਦਾ ਰਿਹਾ ਹੈ। ਇਨ੍ਹਾਂ ਪੂਰੇ ਮੈਚਾਂ ਵਿਚ ਮੁਰਲੀ ਨੇ ਸਿਰਫ਼ 2 ਸੈਂਕੜੇ ਅਤੇ 13 ਅਰਧ ਸੈਂਕੜੇ ਲਗਾਏ ਹਨ। ਉਨ੍ਹਾਂ ਦੇ ਇਸ ਸਕੋਰ ਵਿਚ 237 ਚੌਕੇ ਅਤੇ 89 ਛੱਕੇ ਸ਼ਾਮਲ ਹਨ। ਇਸ ਦੇ ਨਾਲ ਉਨ੍ਹਾਂ ਨੇ ਹੁਣ ਤਕ ਆਈ.ਪੀ.ਐੱਲ. ਵਿਚ ਸਿਰਫ਼ 6 ਓਵਰ ਸੁੱਟੇ ਹਨ। ਜਿਸ ਵਿਚ ਉਨ੍ਹਾਂ ਨੇ 8.16 ਦੇ ਇਕਾਨਮੀ ਰੇਟ ਨਾਲ 49 ਦੌੜਾਂ ਦਿਤੀਆਂ ਹਨ।