ਸ਼੍ਰੇਆਸ ਲਈ ਥਾਂ ਬਣਾਉਣ ਲਈ ਜਾ ਰਹੇ ਤਿਲਕ ਅਪਣੀ ਛਾਪ ਛੱਡਣਾ ਚਾਹੁੰਣਗੇ
India vs Australia, 3rd T20I Preview: ਭਾਰਤੀ ਟੀਮ ਆਸਟਰੇਲੀਆ ਵਿਰੁਧ ਤੀਜੇ ਟੀ-20 ਮੈਚ ’ਚ ਜਿੱਤ ਨਾਲ ਪੰਜ ਮੈਚਾਂ ਦੀ ਲੜੀ ’ਚ ਜਿੱਤ ਦੀ ਜੇਤੂ ਲੀਡ ਹਾਸਲ ਕਰਨ ਦੀ ਕੋਸ਼ਿਸ਼ ਕਰੇਗੀ ਜਦਕਿ ਨੌਜਵਾਨ ਬੱਲੇਬਾਜ਼ ਤਿਲਕ ਵਰਮਾ ਪਲੇਇੰਗ ਇਲੈਵਨ ’ਚੋਂ ਬਾਹਰ ਕੀਤੇ ਜਾਣ ਦੀ ਸੰਭਾਵਨਾ ਦੇ ਮੱਦੇਨਜ਼ਰ ਅਪਣੀ ਛਾਪ ਛੱਡਣ ਦੀ ਕੋਸ਼ਿਸ਼ ਕਰਨਗੇ। ਸ਼੍ਰੇਅਸ ਅਈਅਰ ਨੂੰ ਵਿਸ਼ਵ ਕੱਪ ਫਾਈਨਲ ਤੋਂ ਬਾਅਦ ਇਕ ਹਫਤੇ ਦਾ ਆਰਾਮ ਦਿਤਾ ਗਿਆ ਸੀ ਪਰ ਉਹ ਰਾਏਪੁਰ ਅਤੇ ਬੈਂਗਲੁਰੂ ਵਿਚ ਆਖਰੀ ਦੋ ਮੈਚਾਂ ਲਈ ਟੀਮ ਵਿਚ ਵਾਪਸੀ ਕਰਨਗੇ ਅਤੇ ਰੁਤੁਰਾਜ ਗਾਇਕਵਾੜ ਦੀ ਥਾਂ ਉਪ ਕਪਤਾਨ ਹੋਣਗੇ।
ਇਸ ਦਾ ਮਤਲਬ ਇਹ ਹੈ ਕਿ ਅਈਅਰ ਨੂੰ ਪਲੇਇੰਗ ਇਲੈਵਨ ਵਿਚ ਜਗ੍ਹਾ ਮਿਲੇਗੀ ਅਤੇ ਪੂਰੀ ਸੰਭਾਵਨਾ ਹੈ ਕਿ ਉਹ ਵਰਮਾ ਦੀ ਥਾਂ ਲਵੇਗਾ। ਹਾਲਾਂਕਿ, ਇਹ ਤਬਦੀਲੀ ਫਾਰਮ ਨਾਲੋਂ ਵਧੇਰੇ ਸੁਮੇਲ ਦੇ ਕਾਰਨ ਹੋਵੇਗੀ।ਪਹਿਲੇ ਦੋ ਮੈਚਾਂ ’ਚ ਬੱਲੇਬਾਜ਼ਾਂ ਦੇ ਚੰਗੇ ਪ੍ਰਦਰਸ਼ਨ ਤੋਂ ਬਾਅਦ ਨੌਜਵਾਨ ਖਿਡਾਰੀਆਂ ਵਾਲੀ ਭਾਰਤੀ ਟੀਮ ਬਾਰਸਾਪਾਰਾ ਸਟੇਡੀਅਮ ’ਤੇ ਵੀ ਦਬਦਬਾ ਬਣਾਉਣਾ ਚਾਹੇਗੀ, ਜਿੱਥੇ ਪਿੱਚ ਰਵਾਇਤੀ ਤੌਰ ’ਤੇ ਬੱਲੇਬਾਜ਼ੀ ਲਈ ਅਨੁਕੂਲ ਹੈ।
ਇਸ ਮੈਚ ਲਈ 40,000 ਦਰਸ਼ਕਾਂ ਦੇ ਆਉਣ ਦੀ ਉਮੀਦ ਹੈ ਅਤੇ ਉਨ੍ਹਾਂ ਨੂੰ ਭਾਰਤ ਦੀ ਪ੍ਰਤਿਭਾਸ਼ਾਲੀ ਬੱਲੇਬਾਜ਼ੀ ਲਾਈਨ ਅਪ ਤੋਂ ਮੁੜ ਦਬਦਬਾ ਬਣਾਉਣ ਦੀ ਉਮੀਦ ਹੋਵੇਗੀ। ਭਾਰਤੀ ਬੱਲੇਬਾਜ਼ ਨੇ ਪਹਿਲੇ ਦੋ ਮੈਚਾਂ ਵਿੱਚ 36 ਚੌਕੇ ਅਤੇ 24 ਛੱਕੇ ਲਗਾਏ ਹਨ। ਸਟੀਵ ਸਮਿਥ, ਗਲੇਨ ਮੈਕਸਵੈਲ, ਮਾਰਕਸ ਸਟੋਇਨਿਸ ਅਤੇ ਐਡਮ ਜ਼ੰਪਾ ਵਰਗੇ ਆਸਟਰੇਲੀਆ ਦੇ ਕੁਝ ਸੀਨੀਅਰ ਖਿਡਾਰੀ ਪਿਛਲੇ 9 ਹਫਤਿਆਂ ਤੋਂ ਭਾਰਤ ’ਚ ਹਨ ਅਤੇ ਹੁਣ ਥਕਾਵਟ ਮਹਿਸੂਸ ਕਰਨ ਲੱਗੇ ਹਨ। ਅਗਲੀ ਸੀਰੀਜ਼ ਤੋਂ ਪਹਿਲਾਂ ਉਸ ਨੂੰ ਆਰਾਮ ਦੀ ਲੋੜ ਹੋਵੇਗੀ। ਇਹ ਚਾਰੇ ਅਗਲੇ ਮਹੀਨੇ ਬਿਗ ਬੈਸ਼ ਲੀਗ ਵਿਚ ਖੇਡਣਗੇ।
ਭਾਰਤ ਦੇ ਸਿਖਰਲੇ ਕ੍ਰਮ ਨੇ ਪਹਿਲੇ ਦੋ ਮੈਚਾਂ ਵਿੱਚ ਚੰਗਾ ਪ੍ਰਦਰਸ਼ਨ ਕੀਤਾ ਹੈ। ਯਸ਼ਸਵੀ ਜੈਸਵਾਲ, ਰੁਤੁਰਾਜ ਗਾਇਕਵਾੜ ਅਤੇ ਕਪਤਾਨ ਸੂਰਯਕੁਮਾਰ ਯਾਦਵ ਨੇ ਅੱਧੇ ਸੈਂਕੜੇ ਲਗਾਏ ਹਨ। ਵਿਸ਼ਵ ਕੱਪ ਦੌਰਾਨ ਬੈਂਚ ’ਤੇ ਕਰੀਬ ਸਾਢੇ ਪੰਜ ਹਫਤੇ ਬਿਤਾਉਣ ਦੇ ਬਾਵਜੂਦ ਈਸ਼ਾਨ ਕਿਸ਼ਨ ਚੰਗੀ ਲੈਅ ’ਚ ਨਜ਼ਰ ਆਏ ਅਤੇ ਲਗਾਤਾਰ ਦੋ ਅੱਧੇ ਸੈਂਕੜੇ ਬਣਾਏ ਹਨ। ਰਿੰਕੂ ਸਿੰਘ ਦੋਵਾਂ ਮੈਚਾਂ ’ਚ ਹੇਠਲੇ ਕ੍ਰਮ ’ਚ ਚੰਗਾ ਸਕੋਰ ਖੇਡ ਕੇ ਫਿਨਿਸ਼ਰ ਦੀ ਭੂਮਿਕਾ ’ਤੇ ਖਰਾ ਉਤਰਨ ਦੀ ਕੋਸ਼ਿਸ਼ ਕਰ ਰਿਹਾ ਹੈ ਅਤੇ ਟੀ-20 ਵਿਸ਼ਵ ਕੱਪ ਤੋਂ ਪਹਿਲਾਂ ਉਸ ਦੀ ਨਜ਼ਰ ਛੇਵੇਂ ਸਥਾਨ ’ਤੇ ਰਹਿਣ ’ਤੇ ਹੈ।
ਭਾਰਤ ਦੇ ਪਿਛਲੇ ਸਾਰੇ 12 ਟੀ-20 ਮੈਚ ਖੇਡਣ ਵਾਲੇ ਵਰਮਾ ਪਹਿਲੇ ਦੋ ਮੈਚਾਂ ’ਚ ਸਿਰਫ 12 ਗੇਂਦਾਂ ਹੀ ਖੇਡ ਸਕੇ ਹਨ। ਪਹਿਲੇ ਮੈਚ ’ਚ 209 ਦੌੜਾਂ ਦੇ ਟੀਚੇ ਦਾ ਪਿੱਛਾ ਕਰਦੇ ਹੋਏ ਵਰਮਾ ਪੰਜਵੇਂ ਨੰਬਰ ’ਤੇ ਉਤਰੇ ਅਤੇ 10 ਗੇਂਦਾਂ ’ਤੇ ਦੋ ਚੌਕਿਆਂ ਦੀ ਮਦਦ ਨਾਲ 12 ਦੌੜਾਂ ਬਣਾਈਆਂ। ਤਿਰੂਵਨੰਤਪੁਰਮ ’ਚ ਦੂਜੇ ਟੀ-20 ’ਚ ਰਿੰਕੂ ਨੂੰ ਉਸ ਤੋਂ ਉੱਪਰ ਬੱਲੇਬਾਜ਼ੀ ਕਰਨ ਲਈ ਭੇਜਿਆ ਗਿਆ ਸੀ ਅਤੇ ਵਰਮਾ ਨੂੰ ਸਿਰਫ ਦੋ ਗੇਂਦਾਂ ਖੇਡਣ ਦਾ ਮੌਕਾ ਮਿਲਿਆ ਸੀ।
ਇਹ ਵੇਖਣਾ ਦਿਲਚਸਪ ਹੋਵੇਗਾ ਕਿ ਕੀ ਕਪਤਾਨ ਸੂਰਯਕੁਮਾਰ ਖੁਦ ਬੱਲੇਬਾਜ਼ੀ ਕ੍ਰਮ ਵਿਚ ਉਤਰਦੇ ਹਨ ਅਤੇ ਰਾਏਪੁਰ ਵਿਚ ਅਗਲੇ ਮੈਚ ਲਈ ਅਈਅਰ ਦੇ ਟੀਮ ਵਿਚ ਸ਼ਾਮਲ ਹੋਣ ਤੋਂ ਪਹਿਲਾਂ ਵਰਮਾ ਨੂੰ ਹੋਰ ਗੇਂਦਾਂ ਖੇਡਣ ਦਾ ਮੌਕਾ ਦਿੰਦੇ ਹਨ। ਭਾਰਤੀ ਗੇਂਦਬਾਜ਼ਾਂ ਨੇ ਪਹਿਲੇ ਮੈਚ ’ਚ 208 ਦੌੜਾਂ ਖਰਚ ਕਰਨ ਤੋਂ ਬਾਅਦ ਦੂਜੇ ਮੈਚ ’ਚ ਬਿਹਤਰ ਪ੍ਰਦਰਸ਼ਨ ਕੀਤਾ। ਪਹਿਲੇ ਦੋ ਮੈਚਾਂ ’ਚ ਖਾਲੀ ਗੇਂਦਾਂ ਦੀ ਗਿਣਤੀ ’ਚ ਜ਼ਿਆਦਾ ਫਰਕ ਨਹੀਂ ਸੀ ਪਰ ਦੂਜੇ ਮੈਚ 'ਚ ਤ੍ਰੇਲ ਹੋਣ ਦੇ ਬਾਵਜੂਦ ਭਾਰਤੀ ਗੇਂਦਬਾਜ਼ ਬਾਊਂਡਰੀ ਦੀ ਗਿਣਤੀ ’ਚ ਕਟੌਤੀ ਕਰਨ ’ਚ ਕਾਮਯਾਬ ਰਹੇ। ਭਾਰਤੀ ਗੇਂਦਬਾਜ਼ਾਂ ਨੇ ਪਹਿਲੇ ਮੈਚ ’ਚ 45 ਖਾਲੀ ਗੇਂਦਾਂ ਅਤੇ ਦੂਜੇ ਮੈਚ ’ਚ 44 ਖਾਲੀ ਗੇਂਦਾਂ ਸੁੱਟੀਆਂ ਸਨ।
ਭਾਰਤ ਵਿਰੁਧ ਪਹਿਲੇ ਮੈਚ ’ਚ 24 ਚੌਕੇ ਲੱਗੇ ਸਨ, ਜਦਕਿ ਦੂਜੇ ਮੈਚ ’ਚ ਇਹ ਗਿਣਤੀ ਅੱਧੀ ਰਹਿ ਗਈ ਸੀ। ਵਿਸ਼ਾਖਾਪਟਨਮ ’ਚ ਜੋਸ਼ ਇੰਗਲਿਸ ਅਤੇ ਸਟੀਵ ਸਮਿਥ ਵਿਰੁਧ ਕਾਫੀ ਦੌੜਾਂ ਬਣਾਉਣ ਤੋਂ ਬਾਅਦ ਪ੍ਰਸਿੱਧ ਕ੍ਰਿਸ਼ਨਾ ਨੇ ਦੂਜੇ ਮੈਚ ’ਚ ਤਿੰਨ ਵਿਕਟਾਂ ਲੈ ਕੇ ਮਜ਼ਬੂਤ ਵਾਪਸੀ ਕੀਤੀ। ਅਰਸ਼ਦੀਪ ਸਿੰਘ ਨੇ ਡੈਥ ਓਵਰਾਂ ਵਿੱਚ ਵੀ ਚੰਗਾ ਪ੍ਰਦਰਸ਼ਨ ਕੀਤਾ।
ਟੀਮਾਂ ਹੇਠ ਲਿਖੇ ਅਨੁਸਾਰ ਹਨ:
ਭਾਰਤ: ਸੂਰਯਕੁਮਾਰ ਯਾਦਵ (ਕਪਤਾਨ), ਰੁਤੁਰਾਜ ਗਾਇਕਵਾੜ, ਈਸ਼ਾਨ ਕਿਸ਼ਨ, ਯਸ਼ਸਵੀ ਜੈਸਵਾਲ, ਤਿਲਕ ਵਰਮਾ, ਰਿੰਕੂ ਸਿੰਘ, ਜੀਤੇਸ਼ ਸ਼ਰਮਾ, ਵਾਸ਼ਿੰਗਟਨ ਸੁੰਦਰ, ਅਕਸ਼ਰ ਪਟੇਲ, ਸ਼ਿਵਮ ਦੂਬੇ, ਰਵੀ ਬਿਸ਼ਨੋਈ, ਅਰਸ਼ਦੀਪ ਸਿੰਘ, ਪ੍ਰਸਿੱਧ ਕ੍ਰਿਸ਼ਨਾ, ਆਵੇਸ਼ ਖਾਨ, ਮੁਕੇਸ਼ ਕੁਮਾਰ।
ਆਸਟਰੇਲੀਆ: ਮੈਥਿਊ ਵੇਡ (ਕਪਤਾਨ), ਐਰੋਨ ਹਾਰਡੀ, ਜੇਸਨ ਬੇਹਰਨਡੋਰਫ, ਸੀਨ ਐਬੋਟ, ਟਿਮ ਡੇਵਿਡ, ਨਾਥਨ ਐਲਿਸ, ਟ੍ਰੈਵਿਸ ਹੈਡ, ਜੋਸ਼ ਇੰਗਲਿਸ, ਗਲੇਨ ਮੈਕਸਵੈਲ, ਤਨਵੀਰ ਸੰਘਾ, ਮੈਟ ਸ਼ਾਰਟ, ਸਟੀਵ ਸਮਿਥ, ਮਾਰਕਸ ਸਟੋਇਨਿਸ, ਕੇਨ ਰਿਚਰਡਸਨ, ਐਡਮ ਜ਼ੰਪਾ।
ਮੈਚ ਭਾਰਤੀ ਸਮੇਂ ਅਨੁਸਾਰ ਸ਼ਾਮ 7 ਵਜੇ ਸ਼ੁਰੂ ਹੋਵੇਗਾ।
(For more news apart from India vs Australia, 3rd T20I Preview, stay tuned to Rozana Spokesman)
