World Para Archery Championship: ਮਹਿਲਾ ਕੰਪਾਊਂਡ ਵਿਅਕਤੀਗਤ ਮੁਕਾਬਲੇ ਵਿਚ ਜਿੱਤਿਆ ਸੋਨ ਤਮਗ਼ਾ
Sheetal Devi World Para Archery Championship: ਭਾਰਤ ਦੀ 18 ਸਾਲਾ ਸ਼ੀਤਲ ਦੇਵੀ ਨੇ ਸ਼ਨੀਵਾਰ ਨੂੰ ਇੱਥੇ ਵਿਸ਼ਵ ਪੈਰਾ ਤੀਰਅੰਦਾਜ਼ੀ ਚੈਂਪੀਅਨਸ਼ਿਪ ਵਿਚ ਮਹਿਲਾ ਕੰਪਾਊਂਡ ਵਿਅਕਤੀਗਤ ਮੁਕਾਬਲੇ ਵਿਚ ਸੋਨ ਤਮਗ਼ਾ ਜਿੱਤ ਕੇ ਇਤਿਹਾਸ ਰਚਿਆ, ਜਿਸ ਵਿਚ ਉਸ ਨੇ ਤੁਰਕੀ ਦੀ ਵਿਸ਼ਵ ਨੰਬਰ ਇਕ ਪੈਰਾ ਤੀਰਅੰਦਾਜ਼ ਓਜ਼ਨੂਰ ਕਿਊਰ ਗਿਰਡੀ ਨੂੰ 146-143 ਨਾਲ ਹਰਾ ਦਿਤਾ।
ਸ਼ੀਤਲ ਮੁਕਾਬਲੇ ਵਿਚ ਇਕਲੌਤੀ ਬਾਂਹ ਰਹਿਤ ਪੈਰਾ ਤੀਰਅੰਦਾਜ਼ ਹੈ। ਉਹ ਨਿਸ਼ਾਨਾ ਬਣਾਉਣ ਲਈ ਅਪਣੀਆਂ ਲੱਤਾਂ ਅਤੇ ਠੋਡੀ ਦੀ ਵਰਤੋਂ ਕਰਦੀ ਹੈ ਅਤੇ ਇਹ ਚੈਂਪੀਅਨਸ਼ਿਪ ਦਾ ਉਸ ਦਾ ਤੀਜਾ ਤਮਗ਼ਾ ਹੈ। ਇਸ ਤੋਂ ਪਹਿਲਾਂ ਸ਼ੀਤਲ ਅਤੇ ਸਰਿਤਾ ਨੇ ਕੰਪਾਊਂਡ ਮਹਿਲਾ ਓਪਨ ਟੀਮ ਮੁਕਾਬਲੇ ਵਿੱਚ ਚਾਂਦੀ ਦਾ ਤਮਗ਼ਾ ਜਿੱਤਿਆ। ਸ਼ੀਤਲ ਨੇ ਤੋਮਨ ਕੁਮਾਰ ਨਾਲ ਮਿਲ ਕੇ ਕੰਪਾਊਂਡ ਮਿਕਸਡ ਟੀਮ ਮੁਕਾਬਲੇ ਵਿਚ ਕਾਂਸੀ ਦਾ ਤਮਗ਼ਾ ਵੀ ਜਿੱਤਿਆ।
ਵਿਅਕਤੀਗਤ ਫ਼ਾਈਨਲ ਤਣਾਅਪੂਰਨ ਸੀ ਪਰ ਸ਼ੀਤਲ ਨੇ ਸੰਜਮ ਨਾਲ ਸ਼ਾਟ ਮਾਰਿਆ। ਪਹਿਲਾ ਦੌਰ 29-29 ’ਤੇ ਬਰਾਬਰ ਰਿਹਾ ਪਰ ਸ਼ੀਤਲ ਨੇ ਦੂਜੇ ਦੌਰ ਵਿਚ ਤਿੰਨ 10-10 ਸ਼ਾਟ ਮਾਰ ਕੇ 30-27 ਦੀ ਲੀਡ ਹਾਸਲ ਕੀਤੀ। ਤੀਜਾ ਦੌਰ ਵੀ 29-29 ’ਤੇ ਬਰਾਬਰ ਰਿਹਾ। ਸ਼ੀਤਲ ਚੌਥੇ ਦੌਰ ਵਿਚ ਥੋੜ੍ਹੇ ਜਿਹੇ ਫ਼ਰਕ ਨਾਲ ਨਿਸ਼ਾਨੇ ਤੋਂ ਖੁੰਝ ਗਈ, 28 ਅੰਕ ਬਣਾਏ ਅਤੇ ਗਿਰਡੀ ਨੇ ਇਕ ਅੰਕ ਨਾਲ ਜਿੱਤ ਪ੍ਰਾਪਤ ਕੀਤੀ। ਹਾਲਾਂਕਿ ਸ਼ੀਤਲ ਨੇ 116-114 ’ਤੇ ਦੋ ਅੰਕਾਂ ਦੀ ਬੜ੍ਹਤ ਬਣਾਈ ਰੱਖੀ। ਫਿਰ ਉਸ ਨੇ ਅੰਤਮ ਦੌਰ ਵਿਚ ਤਿੰਨ ਸਟੀਕ ਤੀਰਾਂ ਨਾਲ 30 ਅੰਕ ਬਣਾ ਕੇ ਅਪਣਾ ਪਹਿਲਾ ਸੋਨ ਤਮਗ਼ਾ ਪੱਕਾ ਕੀਤਾ। (ਏਜੰਸੀ)
(For more news apart from “Sheetal Devi World Para Archery Championship, ” stay tuned to Rozana Spokesman.)
