ਸਨਰਾਈਜ਼ਰਜ਼ ਵਿਰੁਧ ਦਿੱਲੀ ਦੀਆਂ ਨਜ਼ਰਾਂ ਜਿੱਤ ਦੀ ਲੜੀ ਜਾਰੀ ਰੱਖਣ 'ਤੇ
ਅਬੁਧਾਬੀ : ਲਗਾਤਾਰ ਦੋ ਜਿੱਤਾਂ ਨਾਲ ਆਤਮਵਿਸ਼ਵਾਸ ਨਾਲ ਭਰੀ ਦਿੱਲੀ ਕੈਪੀਟਲਜ਼ ਦੀ ਟੀਮ ਇੰਡੀਅਨ ਪ੍ਰਮੀਅਰ ਲੀਗ ਵਿਚ ਅੱਜ ਸਨਰਾਈਜ਼ਰਜ਼ ਹੈਦਰਾਬਾਦ ਵਿਰੁਧ ਮੁਕਾਬਲੇ ਦੌਰਾਨ ਇਸ ਲੈਅ ਨੂੰ ਬਰਕਾਰਾਰ ਰੱਖਣ ਦੀ ਕੋਸ਼ਿਸ਼ ਕਰੇਗੀ। ਡੇਵਿਡ ਵਾਰਨਰ ਦੀ ਅਗਵਾਈ ਵਾਲੀ ਸਨਰਾਈਜ਼ਰਜ਼ ਹੈਦਰਾਬਾਦ ਟੂਰਨਾਮੈਂਟ ਦੀ ਇਕੱਲੀ ਟੀਮ ਹੈ ਜਿਸ ਨੂੰ ਪਹਿਲੀ ਜਿੱਤ ਦਾ ਇੰਤਜ਼ਾਰ ਹੈ।
IPL: Competition between Delhi Capital and Sunrisers today
ਦਿੱਲੀ ਕੈਪੀਟਲ ਨੇ ਸ਼ੁਰੂਆਤੀ ਦੋ ਮੈਚਾਂ ਵਿਚ ਸ਼ਾਨਦਾਰ ਜਜ਼ਬਾ ਦਿਖਾਇਆ ਅਤੇ ਹੌਸਲਾ ਵਧਾਉਣ ਵਾਲੀ ਜਿੱਤ ਦਰਜ ਕੀਤੀ ਹੈ। ਸ਼੍ਰੇਅਸ ਅਈਅਰ ਦੀ ਕਪਤਾਨੀ ਵਿਚ ਟੀਮ ਨੇ ਕਿੰਗਜ਼ ਇਲੈਵਨ ਪੰਜਾਬ ਨੂੰ ਸੁਪਰ ਓਵਰ ਤਕ ਚਲੇ ਮੈਚ ਵਿਚ ਹਰਾਉਣ ਤੋਂ ਬਾਅਦ ਚੇਨਈ ਸੁਪਰ ਕਿੰਗਜ਼ ਨੂੰ ਆਸਾਨੀ ਨਾਲ ਮਾਤ ਦਿਤੀ। ਟੀਮ ਸੂਚੀ ਵਿਚ ਸਿਖਰ 'ਤੇ ਹੈ।
IPL: Competition between Delhi Capital and Sunrisers today
ਸਨਰਾਈਜ਼ਰਜ਼ ਹੈਦਰਾਬਾਦ ਦੀ ਕੋਸ਼ਿਸ਼ ਇਸ ਮੈਚ ਵਿਚ ਟੂਰਨਾਮੈਂਟ ਵਿਚ ਵਾਪਸੀ ਕਰਨ ਦੀ ਹੋਵੇਗੀ। ਸਤਰ ਦੇ ਸ਼ੁਰੂਆਤੀ ਮੁਕਾਬਲੇ ਵਿਚ ਜਾਨੀ ਬੇਅਰਸਟਾ ਅਤੇ ਮਨੀਸ਼ ਪਾਂਡੇ ਦੀ ਪਾਰੀ ਨਾਲ ਬਿਹਤਰ ਸਥਿਤੀ ਵਿਚ ਹੋਣ ਦੇ ਬਾਵਜੂਦ ਵੀ ਟੀਮ 164 ਦੌੜਾਂ ਦੇ ਟੀਚੇ ਨੂੰ ਹਾਸਲ ਕਰਨ ਵਿਚ ਅਸਫ਼ਲ ਰਹੀ। ਕੋਲਕਾਤਾ ਨਾਈਟਰਾਈਡਰਜ਼ ਵਿਰੁਧ ਦੂਜੇ ਮੈਚ ਵਿਚ ਵੀ ਟੀਮ ਵੱਡਾ ਸਕੋਰ ਖੜਾ ਕਰਨ ਵਿਚ ਅਸਫ਼ਲ ਰਹੀ।
IPL: Competition between Delhi Capital and Sunrisers today
ਦਿੱਲੀ ਲਈ ਦਖਣੀ ਅਫ਼ਰੀਕਾ ਦੇ ਤੇਜ਼ ਗੇਂਦਬਾਜ਼ਾਂ ਦੀ ਜੋੜੀ ਕੈਗਿਸੋ ਰਬਾੜਾ ਅਤੇ ਐਨਰਿਕ ਨਾਰਜੇ ਨੇ ਨਵੀਂ ਗੇਂਦ ਨਾਲ ਚੰਗਾ ਪ੍ਰਦਰਸ਼ਨ ਕੀਤਾ ਹੈ ਜਦੋਂਕਿ ਸਪਿਨਰਾਂ ਵਿਚ ਅਕਸ਼ਰ ਪਟੇਲ ਅਤੇ ਅਮਿਤ ਮਿਸ਼ਰਾ ਨੇ ਰਵੀਚੰਦਰਨ ਅਸ਼ਵਿਨ ਦੀ ਗੈਰ ਹਾਜ਼ਰੀ ਵਿਚ ਵੀ ਸ਼ਾਨਦਾਰ ਖੇਡ ਦਿਖਾਇਆ। ਬੱਲੇਬਾਜ਼ੀ ਵਿਚ ਇਕ ਵਾਰ ਫਿਰ ਤਜ਼ਰਬੇਕਾਰ ਸ਼ਿਖਰ ਧਵਨ ਅਤੇ ਪ੍ਰਿਥਵੀ ਸਾਵ 'ਤੇ ਚੰਗੀ ਸ਼ੁਰੂਆਤ ਦਿਵਾਉਣ ਦਾ ਦਾਰੋਮਦਾਰ ਹੋਵੇਗਾ।
IPL
ਸਨਰਾਈਜ਼ਰਜ਼ ਲਈ ਮੱਧ ਕ੍ਰਮ ਕਮਜ਼ੋਰ ਕੜੀ ਹੈ। ਟੀਮ ਨੂੰ ਜੇਕਰ ਟੂਰਨਾਮੈਂਟ ਵਿਚ ਪਹਿਲੀ ਜਿੱਤ ਦਰਜ ਕਰਨੀ ਹੈ ਤਾਂ ਵਾਰਨਰ ਅਤੇ ਬੇਅਰਸਟਾ ਤੋਂ ਇਲਾਵਾ ਦੂਜੇ ਬੱਲੇਬਾਜ਼ਾਂ ਨੂੰ ਵੀ ਯੋਗਦਾਨ ਪਾਉਣਾ ਹੋਵੇਗਾ। ਸਨਰਾਈਜ਼ਰਜ਼ ਲਈ ਰਾਸ਼ਿਦ ਖ਼ਾਨ ਨੇ ਗੇਂਦਬਾਜ਼ੀ ਵਿਚ ਚੰਗਾ ਪ੍ਰਦਰਸ਼ਨ ਕੀਤਾ ਪਰ ਉਨ੍ਹਾਂ ਨੂੰ ਦੂਜੇ ਗੇਂਦਬਾਜ਼ਾਂ ਤੋਂ ਚੰਗਾ ਸਮਰਥਨ ਨਹੀਂ ਮਿਲਿਆ।
sunrisers hyderabad
ਟੀਮਾਂ ਇਸ ਪ੍ਰਕਾਰ ਹਨ
ਸਨਰਾਈਜ਼ਰਜ਼ ਹੈਦਰਾਬਾਦ : ਡੇਵਿਡ ਵਾਰਨਰ (ਕਪਤਾਨ), ਜਾਨੀ ਬੇਅਰਸਟਾਅ (ਵਿਕਟ ਕੀਪਰ), ਕੇਨ ਵਿਲੀਅਮਸਨ, ਮਲੀਸ਼ ਪਾਂਡੇ, ਸ਼ੀਵਤਸ ਗੋਸਵਾਮੀ, ਵਿਰਾਟ ਸਿੰਘ, ਪ੍ਰਿਅਮ ਗਰਗ, ਰਿਧਮਾਨ ਸਾਹਾ (ਵਿਕਟ ਕੀਪਰ), ਅਬਦੁੱਲ ਸਮਦ, ਵਿਜੇ ਸ਼ੰਕਰ, ਮੋਹੰਮਦ ਨਬੀ, ਰਾਸ਼ਿਦ ਖ਼ਾਨ, ਅਭਿਸ਼ੇਕ ਸ਼ਰਮਾ, ਬੀ. ਸੰਦੀਪ, ਸੰਜੇ ਯਾਦਵ, ਫ਼ੇਬਿਆਲ ਐਲਨ, ਭੁਵਨੇਸ਼ਵਰ ਕੁਮਾਰ, ਖ਼ਲੀਲ ਅਹਿਮਦ, ਸੰਦੀਪ ਸ਼ਰਮਾ, ਸ਼ਾਹਬਾਜ਼ ਨਦੀਮ, ਸਿਧਾਰਥ ਕੌਲ, ਬਿਲੀ ਸਟਾਨਲੇਕ, ਟੀ. ਨਟਰਾਜਨ, ਬਾਸਿਲ ਥੰਪੀ।
Delhi Capitals
ਦਿੱਲੀ ਕੈਪੀਟਲ : ਸ਼੍ਰੇਅਸ ਅਈਅਰ (ਕਪਤਾਨ), ਰਵੀਚੰਦਰਨ ਅਸ਼ਵਿਨ, ਸ਼ਿਖਰ ਧਵਨ, ਪ੍ਰਿਥਵੀ ਸਾਵ, ਸ਼ਿਮਰੋਨ ਹੇਟਮਾਇਰ, ਕਗਿਸੋ ਰਬਾੜਾ, ਅਜੰਅਕਾ ਰਹਾਣੇ, ਅਮਿਤ ਮਿਸ਼ਰਾ, ਰਿਸ਼ਭ ਪੰਤ (ਵਿਕਟ ਕੀਪਰ), ਇਸ਼ਾਂਤ ਸ਼ਰਮਾ, ਅਕਸ਼ਰ ਪਟੇਲ, ਸੰਦੀਪ ਲਾਮਿਚਾਨੇ, ਕੀਮੋ ਪਾਲ, ਡੈਨਿਅਲ ਸੈਮਜ਼, ਮੋਹਿਤ ਸ਼ਰਮਾ, ਐਨਰਿਚ ਨੋਰਜੇ, ਅਲੈਕਸ ਕੈਰੀ (ਵਿਕਟ ਕੀਪਰ), ਅਵੇਸ਼ ਖ਼ਾਨ, ਤੁਸ਼ਾਰ ਦੇਸ਼ਪਾਂਡੇ, ਹਰਸ਼ਲ ਪਟੇਲ, ਮਾਰਕਸ ਸਟੋਈਨਿਸ, ਲਲਿਤ ਯਾਦਵ।
