ਮੈਚ ਖ਼ਤਮ ਹੁੰਦਿਆਂ ਹੀ ਦੋਵੇਂ ਟੀਮਾਂ ਦੇ ਸਮਰਥਕ ਆਪਸ ਵਿਚ ਭਿੜਨ ਲੱਗੇ
ਵਿਸ਼ਵ ਕੱਪ 2019- ਵਿਸ਼ਵ ਕੱਪ 2019 ਵਿਚ ਅਫ਼ਗ਼ਾਨਿਸਤਾਨ ਵਿਰੁੱਧ ਕੱਲ੍ਹ ਖੇਡੇ ਗਏ ਮੈਚ ਵਿਚ ਪਾਕਿਸਤਾਨ ਨੇ ਰੋਮਾਂਚਕ ਜਿੱਤ ਹਾਸਲ ਕੀਤੀ ਸੀ ਪਰ ਜਿਵੇਂ ਹੀ ਇਹ ਮੈਚ ਖ਼ਤਮ ਹੋਇਆ ਤਾਂ ਦੋਵੇਂ ਟੀਮਾਂ ਦੇ ਸਮਰਥਕ ਆਪਸ ਵਿਚ ਭਿੜ ਗਏ ਦੇਖਦੇ ਹੀ ਦੇਖਦੇ ਦੋਵੇਂ ਟੀਮਾਂ ਦੇ ਸਮਰਥਕਾਂ ਵਿਚ ਲੱਤਾਂ, ਮੁੱਕੇ, ਬੋਤਲਾਂ ਅਤੇ ਕੁਰਸੀਆਂ ਚੱਲਣ ਲੱਗੀਆਂ ਇੰਨਾ ਹੀ ਨਹੀਂ ਇਸ ਦੌਰਾਨ ਕੁਝ ਲੋਕ ਪਿੱਚ ਤੱਕ ਵੀ ਪੁੱਜ ਗਏ।
ਇਸ ਘਟਨਾ ਦਾ ਵੀਡੀਓ ਸੋਸ਼ਲ ਮੀਡੀਆ 'ਤੇ ਕਾਫ਼ੀ ਵਾਇਰਲ ਹੋ ਰਿਹਾ ਹੈ ਗੱਲ ਇੱਥੇ ਸਟੇਡੀਅਮ ਦੇ ਅੰਦਰ ਤੱਕ ਹੀ ਨਹੀਂ ਨਿੱਬੜੀ ਕੁੱਝ ਲੋਕ ਸਟੇਡੀਅਮ ਦੇ ਬਾਹਰ ਜਾ ਕੇ ਵੀ ਲੜਨ ਲੱਗੇ। ਮੈਚ ਖ਼ਤਮ ਹੋਣ ਮਗਰੋਂ ਜਿੱਥੇ ਅਫਗਾਨੀਆਂ ਨੇ ਪਾਕਿਸਤਾਨੀਆਂ ਦੀ ਕੁੱਟਮਾਰ ਕੀਤੀ ਉਥੇ ਹੀ ਪਾਕਿਸਤਾਨੀਆਂ ਨੇ ਵੀ ਅਫ਼ਗਾਨੀਆਂ ਦੀ ਕੁੱਟਮਾਰ ਕਰ ਦਿੱਤੀ। ਜ਼ਿਕਰਯੋਗ ਹੈ ਕਿ ਇਸ ਮੈਚ ਦੌਰਾਨ ਅਫ਼ਗ਼ਾਨਿਸਤਾਨ ਦੀ ਟੀਮ 50 ਓਵਰਾਂ ਵਿਚ 9 ਵਿਕੇਟਾਂ ਗੁਆ ਕੇ 227 ਦੌੜਾਂ ਹੀ ਬਣਾ ਸਕੀ ਸੀ।
These Afghani’s need to be thrown out of the UK. Disgusting behaviour with Pakistan Cricket Team fans. #CWC19 #PAKvAFG pic.twitter.com/NbbxAbZfye
— Syed Raza Mehdi (@SyedRezaMehdi) June 29, 2019
ਜਿਸ ਵਿਚ ਸਭ ਤੋਂ ਵੱਧ ਦੌੜਾਂ ਅਸਗ਼ਰ ਅਫ਼ਗ਼ਾਨ ਨੇ ਬਣਾਈਆਂ ਸਨ। ਅਸਗਰ ਨੇ 35 ਗੇਂਦਾਂ ਦਾ ਸਾਹਮਣਾ ਕਰਦਿਆਂ ਤਿੰਨ ਚੌਕੇ ਤੇ 2 ਛੱਕੇ ਵੀ ਲਗਾਏ ਸਨ ਪਰ ਇਸ ਦੇ ਜਵਾਬ ਵਿਚ ਪਾਕਿਸਤਾਨੀ ਟੀਮ ਨੇ ਚੰਗਾ ਪ੍ਰਦਰਸ਼ਨ ਕਰਦਿਆਂ ਸ਼ਾਨਦਾਰ ਜਿੱਤ ਹਾਸਲ ਕੀਤੀ। ਪਾਕਿਸਤਾਨ ਲਈ ਸਭ ਤੋਂ ਵੱਧ 49 ਦੌੜਾਂ ਇਮਾਦ ਵਸੀਮ ਨੇ ਬਣਾਈਆਂ। ਉਹ ਅੰਤ ਤੱਕ ਨਾੱਟ–ਆਊਟ ਰਹੇ ਸਨ।