ਜਿਸ ਨੇ ਦੁਨੀਆਂ ਨੂੰ ਕੋਰੋਨਾ ਵਾਇਰਸ ਦਾ ਜ਼ਖ਼ਮ ਦਿਤਾ, ਹੁਣ ਉਸ ਨੇ ਦਵਾਈ ਦੇਣ ਦੀ ਖ਼ੁਸ਼ਖ਼ਬਰੀ ਵੀ ਸੁਣਾਈ ਹੈ
ਬੀਜਿੰਗ- ਜਿਸ ਨੇ ਦੁਨੀਆਂ ਨੂੰ ਕੋਰੋਨਾ ਵਾਇਰਸ ਦਾ ਜ਼ਖ਼ਮ ਦਿਤਾ, ਹੁਣ ਉਸ ਨੇ ਦਵਾਈ ਦੇਣ ਦੀ ਖ਼ੁਸ਼ਖ਼ਬਰੀ ਵੀ ਸੁਣਾਈ ਹੈ। ਚੀਨੀ ਵਿਗਿਆਨੀਆਂ ਨੇ ਕੋਰੋਨਾ ਵਾਇਰਸ ਲਈ 99% ਪ੍ਰਭਾਵਸ਼ਾਲੀ ਟੀਕਾ ਬਣਾਉਣ ਦਾ ਦਾਅਵਾ ਕੀਤਾ ਹੈ। ਇਸ ਟੀਕੇ ਦੀਆਂ ਲਗਭਗ 10 ਕਰੋੜ ਖੁਰਾਕਾਂ ਬਣਾਉਣ ਦੀ ਤਿਆਰੀ ਚਲ ਰਹੀ ਹੈ। ਇਹ ਟੀਕਾ ਬੀਜਿੰਗ ਅਧਾਰਤ ਬਾਇਓਟੈਕ ਕੰਪਨੀ ਸਿਨੋਵੈਕ ਨੇ ਤਿਆਰ ਕੀਤਾ ਹੈ।
Corona Virus
ਚੀਨ 'ਚ 1000 ਤੋਂ ਵੱਧ ਵਲੰਟੀਅਰਾਂ 'ਤੇ ਇਸ ਦਾ ਟਰਾਇਲ ਚਲ ਰਿਹਾ ਹੈ। ਹਾਲਾਂਕਿ ਹੁਣ ਇਸ ਟੀਕੇ ਦਾ ਸਟੇਜ਼-3 ਟਰਾਇਲ ਬ੍ਰਿਟੇਨ 'ਚ ਕਰਨ ਦੀ ਤਿਆਰੀ ਕੀਤੀ ਜਾ ਰਹੀ ਹੈ। ਟੀਕਾ ਬਣਾਉਣ ਵਾਲੇ ਖੋਜਕਰਤਾਵਾਂ ਤੋਂ ਜਦੋਂ ਪੁਛਿਆ ਗਿਆ ਕਿ ਕੀ ਇਹ ਟੀਕਾ ਕੰਮ ਕਰੇਗਾ? ਇਸ ਦੇ ਜਵਾਬ 'ਚ ਖੋਜਕਰਤਾ ਲੂਓ ਬੈਸ਼ਨ ਨੇ ਕਿਹਾ ਕਿ ਇਹ 99% ਤਕ ਪ੍ਰਭਾਵਸ਼ਾਲੀ ਸਾਬਤ ਹੋਵੇਗਾ।
Corona Virus
ਫ਼ਿਲਹਾਲ ਕੰਪਨੀ ਟੀਕੇ ਦਾ ਸਟੇਜ਼-2 ਟਰਾਇਲ ਕਰ ਰਹੀ ਹੈ, ਪਰ ਚੀਨ 'ਚ ਕੋਰੋਨਾ ਦੀ ਲਾਗ ਘੱਟ ਹੋਣ ਕਾਰਨ ਵਾਲੰਟੀਅਰਾਂ ਦੀ ਕਮੀ ਪੈ ਗਈ ਹੈ। ਇਸ ਤੋਂ ਬਾਅਦ ਖੋਜਕਰਤਾਵਾਂ ਨੇ ਇਸ ਦਾ ਯੂਰਪ 'ਚ ਟਰਾਇਲ ਕਰਨ ਦਾ ਫ਼ੈਸਲਾ ਕੀਤਾ ਹੈ। ਕੰਪਨੀ 'ਸਿਨੋਵੈਕ' ਨੇ ਕਿਹਾ ਹੈ ਕਿ ਅਸੀਂ ਯੂਰਪ ਦੇ ਕਈ ਦੇਸ਼ਾਂ ਨਾਲ ਟਰਾਇਲ ਲਈ ਗੱਲਬਾਤ ਕਰ ਰਹੇ ਹਾਂ। ਯੂ.ਕੇ. ਨਾਲ ਵੀ ਗੱਲਬਾਤ ਕੀਤੀ ਗਈ ਹੈ।
Corona Virus
ਹਾਲਾਂਕਿ, ਗੱਲਬਾਤ ਅਜੇ ਸ਼ੁਰੂਆਤੀ ਪੜਾਅ 'ਚ ਹੈ। ਕੰਪਨੀ ਬੀਜਿੰਗ 'ਚ ਇਕ ਪਲਾਂਟ ਵੀ ਸਥਾਪਤ ਕਰ ਰਹੀ ਹੈ। ਇਸ ਪਲਾਂਟ 'ਚ ਲਗਭਗ 10 ਕਰੋੜ ਖੁਰਾਕਾਂ ਤਿਆਰ ਕੀਤੀਆਂ ਜਾਣਗੀਆਂ। 'ਸਿਨੋਵੈਕ' ਦਾ ਕਹਿਣਾ ਹੈ ਕਿ ਇਸ ਟੀਕੇ ਦੀ ਵਰਤੋਂ ਪਹਿਲਾਂ ਸੱਭ ਤੋਂ ਵੱਧ ਜੋਖਮ ਵਾਲੇ ਮਰੀਜ਼ਾਂ 'ਤੇ ਕੀਤੀ ਜਾਵੇਗੀ। ਇਸ ਸਮੇਂ ਇਸ ਦੀ ਵਰਤੋਂ ਸਿਹਤ ਕਰਮਚਾਰੀਆਂ ਅਤੇ ਬਜ਼ੁਰਗ ਲੋਕਾਂ 'ਤੇ ਕੀਤੀ ਜਾਵੇਗੀ।
Corona Virus
ਹਾਲਾਂਕਿ ਸਟੇਜ਼-2 ਦੇ ਟਰਾਈਲ 'ਚ ਕੁੱਝ ਮਹੀਨੇ ਲਗ ਸਕਦੇ ਹਨ। ਇਸ ਦੇ ਨਾਲ ਹੀ ਟੀਕੇ ਦੀ ਵਰਤੋਂ ਦੀ ਪ੍ਰਵਾਨਗੀ ਵੀ ਜ਼ਰੂਰੀ ਹੋਵੇਗੀ। ਦਸ ਦੇਈਏ ਕਿ ਮਈ ਮਹੀਨੇ ਦੀ ਸ਼ੁਰੂਆਤ 'ਚ ਦਵਾਈ ਕੰਪਨੀ ਐਸਟ੍ਰੇਜ਼ੈਨੇਕਾ ਨੇ ਵੀ ਆਕਸਫੋਰਡ ਯੂਨੀਵਰਸਟੀ ਵਲੋਂ ਬਣਾਏ ਟੀਕੇ ਦੀਆਂ 100 ਕਰੋੜ ਖੁਰਾਕਾਂ ਉਪਲਬਧ ਕਰਵਾਉਣ ਦੀ ਗੱਲ ਕਹੀ ਸੀ।
Corona Virus
ਕੰਪਨੀ ਨੇ ਕਿਹਾ ਸੀ ਕਿ ਇਹ ਸਤੰਬਰ ਤਕ ਉਪਲੱਬਧ ਹੋਵੇਗੀ। ਜੇ ਸਾਰੇ ਟੈਸਟ ਸਫਲ ਰਹਿੰਗੇ ਹਨ। ਕੰਪਨੀ ਨੇ ਕਿਹਾ ਕਿ ਇਹ ਟੀਕਾ ਯੂਕੇ ਦੀ ਅੱਧੀ ਆਬਾਦੀ ਦਾ ਇਲਾਜ ਕਰਨ 'ਚ ਸਮਰੱਥ ਹੋਵੇਗਾ। ਜੇ ਟ੍ਰਾਇਲ ਸਫਲ ਰਹਿੰਦਾ ਹੈ ਤਾਂ ਇਨ੍ਹਾਂ ਗਰਮੀਆਂ ਤਕ ਇਹ ਸੰਭਵ ਹੋ ਜਾਵੇਗਾ। ਆਕਸਫੋਰਡ ਯੂਨੀਵਰਸਿਟੀ ਦੇ ਵਿਗਿਆਨੀ ਵੀ ਮਰੀਜ਼ਾਂ ਉੱਤੇ ਟੀਕੇ ਦਾ ਟ੍ਰਾਇਲ ਕਰ ਰਹੇ ਹਨ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
