ਅਮਰੀਕਾ ਦੇ ਰਾਸ਼ਟਰਪਤੀ ਡੋਨਾਲਡ ਟਰੰਪ ਅਤੇ ਉਨ੍ਹਾਂ ਦੇ ਵਿਰੋਧੀ ਉਮੀਦਵਾਰ ਜੋਅ ਬਿਡੇਨ ਨੇ ਵੋਟਿੰਗ ਪ੍ਰਕਿਰਿਆ ਬਾਰੇ ਅਧਿਕਾਰੀਆਂ ਦੇ
ਅਟਲਾਂਟਾ, 1 ਜੁਲਾਈ : ਅਮਰੀਕਾ ਦੇ ਰਾਸ਼ਟਰਪਤੀ ਡੋਨਾਲਡ ਟਰੰਪ ਅਤੇ ਉਨ੍ਹਾਂ ਦੇ ਵਿਰੋਧੀ ਉਮੀਦਵਾਰ ਜੋਅ ਬਿਡੇਨ ਨੇ ਵੋਟਿੰਗ ਪ੍ਰਕਿਰਿਆ ਬਾਰੇ ਅਧਿਕਾਰੀਆਂ ਦੇ ਕੰਮਕਾਜ ’ਤੇ ਸਵਾਲ ਚੁਕਦੇ ਹੋਏ ਨਵੰਬਰ ਵਿਚ ਹੋਣ ਜਾ ਰਹੀਆਂ ਰਾਸ਼ਟਰਪਤੀ ਚੋਣਾਂ ਵਿਚ ਵੱਡੇ ਪੈਮਾਨੇ ’ਤੇ ਭ੍ਰਿਸ਼ਟਾਚਾਰ ਫੈਲਣ ਦਾ ਖਦਸ਼ਾ ਪ੍ਰਗਟ ਕੀਤਾ ਹੈ।
ਦੋਹਾਂ ਨੇਤਾਵਾਂ ਨੇ ਹਾਲਾਂਕਿ ਇਸ ਲਈ ਇਕ-ਦੂਜੇ ਦੀ ਪਾਰਟੀ ਨੂੰ ਹੀ ਜ਼ਿੰਮੇਵਾਰ ਠਹਿਰਾਇਆ ਹੈ। ਰਾਸ਼ਟਰਪਤੀ ਅਹੁਦੇ ਲਈ ਡੈਮੋਕ੍ਰੇਟਿਕ ਉਮੀਦਵਾਰ ਬਿਡੇਨ ਨੇ ਮੰਗਲਵਾਰ ਦੀ ਸ਼ਾਮ ਨੂੰ ਕਿਹਾ,“ਮੈਨੂੰ ਅਸਲ ਵਿਚ ਲਗਦਾ ਹੈ ਕਿ ਅਸੀਂ ਉਸ ਮੋੜ ’ਤੇ ਹਾਂ, ਜਿੱਥੇ ਜੇਕਰ ਅਸੀਂ ਹਰ ਪਲ ਸੂਚੇਤ ਨਹੀਂ ਰਹੇ ਤਾਂ ਅਸੀਂ ਹੁਣ ਤਕ ਦੀ ਸੱਭ ਤੋਂ ਭ੍ਰਿਸ਼ਟ ਪ੍ਰਕਿਰਿਆ ਦੇ ਗਵਾਹ ਬਣ ਸਕਦੇ ਹਾਂ।’’
File Photo
ਬਾਈਡਨ ਇਥੇ ਚੰਦਾ ਦੇਣ ਵਾਲਿਆਂ ਨਾਲ ਟਰੰਪ ਅਤੇ ਰੀਪਬਲਿਕਨ ਨੇਤਾਵਾਂ ਦੇ, ਕੋਵਿਡ-19 ਦੇ ਮੱਦੇਨਜ਼ਰ ਸਮੇਂ ਤੋਂ ਪਹਿਲਾਂ ਵੋਟਿੰਗ ਅਤੇ ਮੇਲ ਰਾਹੀਂ ਵੋਟਿੰਗ ਕਰਾਉਣ ਦੇ ਵਿਰੋਧ ’ਤੇ ਚਰਚਾ ਕਰ ਰਹੇ ਸਨ। ਰਾਸ਼ਟਰਪਤੀ ਟਰੰਪ ਵੀ ਇਹ ਕਹਿ ਚੁੱਕੇ ਹਨ ਕਿ ਇਨ੍ਹਾਂ ਚੋਣਾਂ ਵਿਚ ਧੋਖਾਧੜੀ ਹੋ ਸਕਦੀ ਹੈ। ਟਰੰਪ ਨੇ ਕਿਹਾ ਸੀ ਕਿ ਮੇਲ ਰਾਹੀਂ ਵੋਟਾਂ ਨਾਲ ਵੋਟਰਾਂ ਨੂੰ ਧੋਖਾਧੜੀ ਕਰਨ ਦਾ ਮੌਕਾ ਮਿਲਦਾ ਹੈ। ਇਹ ਉਹੀ ਟਵੀਟ ਹੈ ਜਿਸ ਬਾਰੇ ਟਵਿਟਰ ਅਤੇ ਰਾਸ਼ਟਰਪਤੀ ਵਿਚਾਲੇ ਵਿਵਾਦ ਖੜਾ ਹੋ ਗਿਆ ਸੀ। (ਪੀਟੀਆਈ)
