ਰਾਸ਼ਟਰਪਤੀ ਅਹੁਦੇ ਦੀ ਮਹਿਲਾ ਉਮੀਦਵਾਰ ਕਲਾਉਡੀਆ ਸ਼ੇਨਬੌਮ ਨੇ ਚੋਣਾਂ ਵਿੱਚ ਇਤਿਹਾਸਕ ਜਿੱਤ ਦਰਜ ਕੀਤੀ
Mexico Election 2024 Results : ਮੈਕਸੀਕੋ ਦੇ ਚੋਣ ਨਤੀਜਿਆਂ ਨੇ ਇਸ ਵਾਰ ਇਤਿਹਾਸ ਰਚ ਦਿੱਤਾ ਹੈ। ਮੈਕਸੀਕੋ 'ਚ ਪਹਿਲੀ ਵਾਰ ਕੋਈ ਮਹਿਲਾ ਰਾਸ਼ਟਰਪਤੀ ਬਣੇਗੀ। ਰਾਸ਼ਟਰਪਤੀ ਅਹੁਦੇ ਦੀ ਮਹਿਲਾ ਉਮੀਦਵਾਰ ਕਲਾਉਡੀਆ ਸ਼ੇਨਬੌਮ (Claudia Sheinbaum) ਨੇ ਚੋਣਾਂ ਵਿੱਚ ਇਤਿਹਾਸਕ ਜਿੱਤ ਦਰਜ ਕੀਤੀ ਹੈ। ਮੈਕਸੀਕੋ ਦੀ INE ਇਲੈਕਟੋਰਲ ਇੰਸਟੀਚਿਊਟ ਦੀ ਤੇਜ਼ੀ ਨਾਲ ਨਮੂਨੇ ਦੀ ਗਿਣਤੀ ਦੇ ਅਨੁਸਾਰ, ਸੱਤਾਧਾਰੀ ਪਾਰਟੀ ਦੀ ਉਮੀਦਵਾਰ ਕਲਾਉਡੀਆ ਸ਼ੇਨਬੌਮ ਨੇ ਮੈਕਸੀਕੋ ਦੀ ਰਾਸ਼ਟਰਪਤੀ ਚੋਣ ਜਿੱਤ ਲਈ ਹੈ।
ਜਲਵਾਯੂ ਵਿਗਿਆਨੀ ਅਤੇ ਮੈਕਸੀਕੋ ਸਿਟੀ ਦੀ ਸਾਬਕਾ ਮੇਅਰ ਸ਼ੇਨਬੌਮ ਨੇ ਐਤਵਾਰ ਰਾਤ ਕਿਹਾ, “ਮੈਂ ਮੈਕਸੀਕੋ ਦੀ ਪਹਿਲੀ ਮਹਿਲਾ ਰਾਸ਼ਟਰਪਤੀ ਬਣਾਂਗੀ। " ਸ਼ੀਨਬੌਮ ਨੇ ਕਿਹਾ, "ਮੈਂ ਇਹ ਇਕੱਲੀ ਨਹੀਂ ਕਰ ਸਕੀ। ਅਸੀਂ ਸਾਰਿਆਂ ਨੇ ਮਿਲ ਕੇ ਕਰ ਦਿਖਾਇਆ ਹੈ। ਇਸ ਵਿੱਚ ਸਾਡੀ ਮਾਤ ਭੂਮੀ ਦੀਆਂ ਬਹਾਦਰ ਔਰਤਾਂ, ਮਾਵਾਂ ਅਤੇ ਧੀਆਂ ਦਾ ਪੂਰਾ ਸਹਿਯੋਗ ਸੀ। "ਅਸੀਂ ਦਿਖਾਇਆ ਹੈ ਕਿ ਮੈਕਸੀਕੋ ਇੱਕ ਲੋਕਤੰਤਰੀ ਦੇਸ਼ ਹੈ, ਜਿੱਥੇ ਸ਼ਾਂਤੀਪੂਰਨ ਚੋਣਾਂ ਹੋਈਆਂ ਹਨ।"
ਮੈਕਸੀਕੋ ਵਿੱਚ ਇਤਿਹਾਸ ਰਚਣ ਵਾਲੀ ਕਲਾਉਡੀਆ (60) ਦਾ ਪੂਰਾ ਨਾਂ ਕਲਾਉਡੀਆ ਸ਼ੇਨਬੌਮ (Claudia Sheinbaum) ਪਾਰਡੋ ਹੈ। ਉਨ੍ਹਾਂ ਦਾ ਜਨਮ 24 ਜੂਨ 1962 ਨੂੰ ਮੈਕਸੀਕੋ ਸਿਟੀ, ਮੈਕਸੀਕੋ ਵਿੱਚ ਹੋਇਆ ਸੀ। ਸ਼ੇਨਬੌਮ ਨੇ ਵਿਗਿਆਨ ਦਾ ਅਧਿਐਨ ਕੀਤਾ ਹੈ। ਉਨ੍ਹਾਂ ਨੇ ਊਰਜਾ ਇੰਜਨੀਅਰਿੰਗ ਵਿੱਚ ਪੀਐਚਡੀ ਦੀ ਡਿਗਰੀ ਪ੍ਰਾਪਤ ਕੀਤੀ ਹੈ। ਉਸਦਾ ਭਰਾ ਡਾਕਟਰ ਹੈ। ਸ਼ੇਨਬੌਮ ਨੇ 2023 ਵਿੱਚ ਏਪੀ ਨਾਲ ਇੱਕ ਇੰਟਰਵਿਊ ਵਿੱਚ ਕਿਹਾ, "ਮੈਂ ਵਿਗਿਆਨ ਵਿੱਚ ਵਿਸ਼ਵਾਸ ਰੱਖਦੀ ਹਾਂ।"
