ਰਿਫ਼ਿਊਲਿੰਗ ਦੌਰਾਨ ਤਕਨੀਕੀ ਸਮੱਸਿਆ
Delhi-Washington Air India Flight Stopped in Vienna Latest News in Punjabi ਦਿੱਲੀ ਤੋਂ ਵਾਸ਼ਿੰਗਟਨ ਡੀਸੀ ਜਾਣ ਵਾਲੀ ਏਅਰ ਇੰਡੀਆ ਦੀ ਏਆਈ-103 ਉਡਾਣ ਨੂੰ ਤਕਨੀਕੀ ਸਮੱਸਿਆ ਕਾਰਨ ਵਿਯੇਨਾ ਵਿਚ ਰੋਕ ਦਿਤਾ ਗਿਆ। ਜਹਾਜ਼ ਇੱਥੇ ਰਿਫ਼ਿਊਲਿੰਗ ਲਈ ਉਤਰਿਆ ਸੀ।
ਏਅਰਲਾਈਨ ਅਧਿਕਾਰੀਆਂ ਨੇ ਕਿਹਾ ਕਿ ਜਹਾਜ਼ ਨੇ 2 ਜੁਲਾਈ ਨੂੰ ਦਿੱਲੀ ਤੋਂ ਉਡਾਣ ਭਰੀ ਸੀ, ਲੰਬੀ ਯਾਤਰਾ ਦੌਰਾਨ ਰਿਫ਼ਿਊਲਿੰਗ ਕਰਨ ਲਈ ਆਸਟ੍ਰੀਆ ਦੀ ਰਾਜਧਾਨੀ ਵਿਚ ਉਤਰਿਆ ਸੀ। ਇੱਥੇ ਮਿਆਰੀ ਜ਼ਮੀਨੀ ਜਾਂਚ ਦੌਰਾਨ, ਇਕ ਰੱਖ-ਰਖਾਅ ਨਾਲ ਸਬੰਧਤ ਤਕਨੀਕੀ ਸਮੱਸਿਆ ਸਾਹਮਣੇ ਆਈ। ਜਿਸ ਨੂੰ ਤੁਰਤ ਹੱਲ ਨਹੀਂ ਕੀਤਾ ਜਾ ਸਕਿਆ।
ਏਅਰ ਇੰਡੀਆ ਦੇ ਬੁਲਾਰੇ ਨੇ ਕਿਹਾ ਕਿ ਯਾਤਰੀਆਂ ਦੀ ਸੁਰੱਖਿਆ ਨੂੰ ਧਿਆਨ ਵਿਚ ਰੱਖਦੇ ਹੋਏ, ਜਹਾਜ਼ ਵਿਯੇਨਾ ਵਿਚ ਹੀ ਰਹੇਗਾ ਜਦੋਂ ਤਕ ਇਸ ਦੀ ਮੁਰੰਮਤ ਨਹੀਂ ਹੋ ਜਾਂਦੀ ਅਤੇ ਵਾਸ਼ਿੰਗਟਨ ਦੀ ਯਾਤਰਾ ਹੁਣ ਲਈ ਰੱਦ ਕਰ ਦਿਤੀ ਗਈ ਹੈ। ਬੁਲਾਰੇ ਨੇ ਕਿਹਾ ਕਿ ਵੈਧ ਸ਼ੈਂਗੇਨ ਵੀਜ਼ਾ ਵਾਲੇ ਜਾਂ ਵੀਜ਼ਾ-ਮੁਕਤ ਪ੍ਰਵੇਸ਼ ਲਈ ਯੋਗ ਲੋਕਾਂ ਨੂੰ ਅਗਲੀ ਉਪਲਬਧ ਉਡਾਣ ਤਕ ਹੋਟਲ ਰਿਹਾਇਸ਼ ਦਿਤੀ ਗਈ ਹੈ। ਐਂਟਰੀ ਕਲੀਅਰੈਂਸ ਤੋਂ ਬਿਨਾਂ ਹੋਰ ਯਾਤਰੀਆਂ ਲਈ, ਏਅਰ ਇੰਡੀਆ ਨੇ ਆਸਟ੍ਰੀਆ ਦੇ ਇਮੀਗ੍ਰੇਸ਼ਨ ਅਤੇ ਸੁਰੱਖਿਆ ਅਧਿਕਾਰੀਆਂ ਨਾਲ ਗੱਲਬਾਤ ਕੀਤੀ।
ਏਅਰ ਇੰਡੀਆ ਦੇ ਜਹਾਜ਼ ਵਿਚ ਸਮੱਸਿਆ ਦਾ ਅਸਰ ਵਾਸ਼ਿੰਗਟਨ ਤੋਂ ਦਿੱਲੀ ਵਾਇਆ ਵਿਯੇਨਾ ਜਾਣ ਵਾਲੀ ਉਡਾਣ AI-04 'ਤੇ ਵੀ ਪਿਆ, ਜਿਸ ਨੂੰ ਵੀ ਬਾਅਦ ਵਿਚ ਰੱਦ ਕਰ ਦਿਤਾ ਗਿਆ। ਏਅਰ ਇੰਡੀਆ ਨੇ ਕਿਹਾ ਕਿ ਪ੍ਰਭਾਵਤ ਯਾਤਰੀਆਂ ਨੂੰ ਵਿਕਲਪਿਕ ਉਡਾਣਾਂ 'ਤੇ ਦੁਬਾਰਾ ਬੁੱਕ ਕੀਤਾ ਗਿਆ ਹੈ ਅਤੇ ਕੁੱਝ ਯਾਤਰੀਆਂ ਨੂੰ ਪੂਰੇ ਰਿਫ਼ੰਡ ਦੀ ਪੇਸ਼ਕਸ਼ ਕੀਤੀ ਗਈ ਹੈ।
ਤੁਹਾਨੂੰ ਦੱਸ ਦਈਏ ਕਿ ਇਹ ਯਾਤਰੀ ਜਹਾਜ਼ ਵੀ ਇਕ ਬੋਇੰਗ ਡ੍ਰੀਮਲਾਈਨਰ ਸੀ, ਜੋ ਅਹਿਮਦਾਬਾਦ ਜਹਾਜ਼ ਹਾਦਸੇ ਤੋਂ ਬਾਅਦ ਖ਼ਬਰਾਂ ਵਿਚ ਹੈ।
(For more news apart from Delhi-Washington Air India Flight Stopped in Vienna Latest News in Punjabi stay tuned to Rozana Spokesman.)
