School Bus Accident (Russia)
ਰੂਸ ਦੇ ਪੁਲਿਸ ਅਧਿਕਾਰੀਆਂ ਨੇ ਜਾਣਕਾਰੀ ਦਿਤੀ ਹੈ ਕਿ ਮਾਸਕੋ ਦੇ ਦਖਣ 'ਚ ਵਾਪਰੇ ਇਕ ਸੜਕ ਹਾਦਸੇ 'ਚ 7 ਲੋਕਾਂ ਦੀ ਮੌਤ ਹੋ ਗਈ ਹੈ.....
ਮਾਸਕੋ : ਰੂਸ ਦੇ ਪੁਲਿਸ ਅਧਿਕਾਰੀਆਂ ਨੇ ਜਾਣਕਾਰੀ ਦਿਤੀ ਹੈ ਕਿ ਮਾਸਕੋ ਦੇ ਦਖਣ 'ਚ ਵਾਪਰੇ ਇਕ ਸੜਕ ਹਾਦਸੇ 'ਚ 7 ਲੋਕਾਂ ਦੀ ਮੌਤ ਹੋ ਗਈ ਹੈ, ਜਿਨ੍ਹਾਂ 'ਚ ਚਾਰ ਬੱਚੇ ਸ਼ਾਮਲ ਸਨ। ਕਾਲੁਗਾ ਇਲਾਕੇ ਦੀ ਪੁਲਿਸ ਨੇ ਕਿਹਾ ਕਿ ਐਤਵਾਰ ਨੂੰ ਇਕ ਬੱਸ, ਜਿਸ 'ਚ 48 ਲੋਕ ਸਵਾਰ ਸਨ, ਮਾਸਕੋ ਤੋਂ 190 ਕਿਲੋਮੀਟਰ ਦਖਣ 'ਚ ਹਾਦਸੇ ਦੀ ਸ਼ਿਕਾਰ ਹੋ ਗਈ। ਹਾਦਸੇ ਦੇ ਕਾਰਨ ਦਾ ਅਜੇ ਪਤਾ ਨਹੀਂ ਲੱਗ ਸਕਿਆ ਹੈ। ਘਟਨਾ ਤੋਂ ਬਾਅਦ ਜਾਰੀ ਫੁਟੇਜ 'ਚ ਬੱਸ ਬਰਫ਼ ਨਾਲ ਭਰੀ ਸੜਕ ਤੇ ਹਾਦਸੇ ਦੀ ਸ਼ਿਕਾਰ ਹੋਈ ਦਿਖ ਰਹੀ ਹੈ। ਇਕ ਪੱਤਰਕਾਰ ਏਜੰਸੀ ਨੇ ਦਸਿਆ ਕਿ ਬੱਸ ਕਾਲੁਗਾ 'ਚ ਹੋ ਰਹੇ ਇਕ ਡਾਂਸ ਮੁਕਾਬਲੇ ਲਈ ਬੱਚਿਆਂ ਨੂੰ ਲਿਜਾ ਰਹੀ ਸੀ।(ਪੀਟੀਆਈ)
