ਬਹੁਮਤ ਦੇ ਅੰਕੜੇ 270 ਇਲੈਕਟਰੋਲ ਵੋਟਾਂ ਤੋਂ ਸਿਰਫ 6 ਵੋਟਾਂ ਦੀ ਦੂਰੀ 'ਤੇ ਜੋਅ ਬਾਇਡੇਨ
ਵਾਸ਼ਿੰਗਟਨ: ਦੁਨੀਆ ਭਰ ਦੀਆਂ ਨਜ਼ਰਾਂ ਅਮਰੀਕਾ ਦੇ ਰਾਸ਼ਟਰਪਤੀ ਚੋਣਾਂ 'ਤੇ ਲਗੀਆਂ ਹੋਈਆਂ ਹਨ ਅਤੇ ਇਸ ਦਾ ਨਤੀਜਾ ਫਿਲਹਾਲ ਆਉਂਦਾ ਦਿਖਾਈ ਨਹੀਂ ਦੇ ਰਿਹਾ ਜਦਕਿ ਡੈਮੋਕਰੇਟਿਕ ਉਮੀਦਵਾਰ ਜੋਅ ਬਾਇਡੇਨ ਬਹੁਮਤ ਦੇ ਜਾਦੂਈ ਅੰਕੜੇ 270 ਇਲੈਕਟਰੋਲ ਵੋਟਾਂ ਤੋਂ ਸਿਰਫ 6 ਵੋਟਾਂ ਦੀ ਦੂਰੀ 'ਤੇ ਹਨ, ਪਰ ਰਿਪਬਲੀਕਨ ਉਮੀਦਵਾਰ ਅਤੇ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਧਾਂਦਲੀ ਦਾ ਦੋਸ਼ ਲਗਾਇਆ ਹੈ।
Joe Biden Vs Donald Trump
ਇਸ ਦੇ ਲਈ ਉਹ ਅਦਾਲਤ ਵੀ ਪਹੁੰਚ ਗਏ ਹਨ। ਵੋਟਿੰਗ ਤੋਂ ਦੋ ਦਿਨ ਬਾਅਦ ਵ੍ਹਾਈਟ ਹਾਊਸ ਤੋਂ ਜਾਰੀ ਇਕ ਬਿਆਨ ਵਿਚ ਟਰੰਪ ਨੇ ਕਿਹਾ ਕਿ ਡੈਮੋਕ੍ਰੇਟਿਕ ਚੋਣ ਚੋਰੀ ਕਰਨ ਦੀ ਕੋਸ਼ਿਸ਼ ਕਰ ਰਹੇ ਹਨ'। ਟਰੰਪ ਨੇ 17 ਮਿੰਟ ਦੇ ਬਿਆਨ ਵਿਚ ਦੇਸ਼ ਦੀ ਲੋਕਤੰਤਰਿਕ ਪ੍ਰਕਿਰਿਆ ਬਾਰੇ ਕਈ ਤਰ੍ਹਾਂ ਦੇ ਬਿਆਨ ਦਿੱਤੇ, ਜੋ ਅਮਰੀਕੀ ਰਾਸ਼ਟਰਪਤੀ ਕੋਲੋਂ ਪਹਿਲਾਂ ਕਦੀ ਨਹੀਂ ਸੁਣੇ ਗਏ।
Donald Trump vs Joe Biden
ਇਸ ਦੇ ਨਾਲ ਹੀ ਉਹਨਾਂ ਨੇ ਸਵਾਲ ਚੁੱਕਿਆ ਕਿ, ਡੈਮੋਕ੍ਰੇਟਿਕ ਉਮੀਦਵਾਰ 'ਗੈਰ ਕਾਨੂੰਨੀ ਵੋਟ' ਦੀ ਵਰਤੋਂ ਕਰਕੇ ਉਹਨਾਂ ਕੋਲੋਂ ਚੋਣ ਵਿਚ ਚੋਰੀ ਕਰਨ ਦੀ ਕੋਸ਼ਿਸ਼ ਕਰ ਰਹੇ ਹਨ। ਦੂਜੇ ਪਾਸੇ ਜੋਅ ਬਾਇਡਨ ਨੇ ਅਪਣੇ ਬਿਆਨ ਵਿਚ ਲੋਕਾਂ ਨੂੰ ਸ਼ਾਂਤੀ ਬਣਾ ਕੇ ਰੱਖਣ ਦੀ ਅਪੀਲ ਕੀਤੀ।
Joe Biden
ਉਹਨਾਂ ਨੇ ਟਵੀਟ ਕਰਦਿਆਂ ਕਿਹਾ, 'ਮੈਂ ਲੋਕਾਂ ਨੂੰ ਸਾਂਤ ਰਹਿਣ ਲਈ ਕਹਿੰਦਾ ਹਾਂ। ਪ੍ਰਕਿਰਿਆ ਚੱਲ ਰਹੀ ਹੈ। ਗਿਣਤੀ ਪੂਰੀ ਹੋ ਰਹੀ ਹੈ'। ਇਸ ਦੇ ਨਾਲ ਹੀ ਜੋਅ ਬਾਇਡਨ ਨੇ ਇਕ ਹੋਰ ਟਵੀਟ ਕਰਦਿਆਂ ਕਿਹਾ ਕਿ ਕੋਈ ਵੀ ਸਾਡੇ ਲੋਕਤੰਤਰ ਨੂੰ ਸਾਡੇ ਕੋਲੋਂ ਦੂਰ ਨਹੀਂ ਲੈ ਕੇ ਜਾਵੇਗਾ।
Donald Trump
ਦੱਸ ਦਈਏ ਕਿ ਡੋਨਾਲਡ ਟਰੰਪ ਨੇ ਹਾਲੇ 214 ਇਲੈਕਟੋਰਲ ਕਾਲਜ ਸੀਟਾਂ 'ਤੇ ਜਿੱਤ ਹਾਸਲ ਕੀਤੀ ਹੈ। ਜਦਕਿ ਜੋਅ ਬਾਇਡੇਨ ਬਹੁਮਤ ਦੇ ਅੰਕੜੇ 270 ਇਲੈਕਟਰੋਲ ਵੋਟਾਂ ਤੋਂ ਸਿਰਫ 6 ਵੋਟਾਂ ਦੀ ਦੂਰੀ 'ਤੇ ਹਨ।
