ਟਵਿਟਰ ਨੇ 12 ਘੰਟੇ ਤੇ ਇੰਸਟਾਗ੍ਰਾਮ ਨੇ 24 ਘੰਟਿਆਂ ਲਈ ਡੋਨਾਲਡ ਟਰੰਪ ਦਾ ਅਕਾਊਂਟ ਸਸਪੈਂਡ ਕੀਤਾ ਹੈ।
ਵਾਸ਼ਿੰਗਟਨ: ਅਮਰੀਕੀ ਰਾਸ਼ਟਰਪਤੀ ਚੋਣਾਂ ਦੇ ਨਤੀਜਿਆਂ ਤੋਂ ਬਾਅਦ ਲਗਾਤਾਰ ਵਿਵਾਦ ਵਧਦਾ ਹੀ ਜਾ ਰਿਹਾ ਹੈ। ਰਾਸ਼ਟਰਪਤੀ ਡੌਨਾਲਡ ਟਰੰਪ ਦੇ ਸਮਰਥਕਾਂ ਨੇ ਵਾਈਟ ਹਾਊਸ ਤੇ ਕੈਪਿਟੋਲ ਹਿਲਸ ਦੇ ਬਾਹਰ ਜੰਮ ਕੇ ਹੰਗਾਮਾ ਕੀਤਾ। ਹੁਣ ਅਮਰੀਕਾ 'ਚ ਹੰਗਾਮੇ ਤੋਂ ਬਾਅਦ ਵਾਸ਼ਿੰਗਟਨ ਡੀਸੀ 'ਚ ਲੌਕਡਾਊਨ ਲਾ ਦਿੱਤਾ ਗਿਆ ਹੈ। ਉੱਥੇ ਹੀ ਟਵਿਟਰ, ਫੇਸਬੁੱਕ ਤੇ ਇੰਸਟਾਗ੍ਰਾਮ ਨੇ ਟਰੰਪ ਦੇ ਅਕਾਊਂਟ ਬਲੌਕ ਕਰ ਦਿੱਤੇ ਹਨ। ਇਸ ਦੇ ਨਾਲ ਹੀ ਕੁਝ ਟਵੀਟ ਤੇ ਵੀਡੀਓ ਵੀ ਹਟਾ ਦਿੱਤੇ ਹਨ।
ਟਵਿਟਰ ਨੇ 12 ਘੰਟੇ ਤੇ ਇੰਸਟਾਗ੍ਰਾਮ ਨੇ 24 ਘੰਟਿਆਂ ਲਈ ਡੋਨਾਲਡ ਟਰੰਪ ਦਾ ਅਕਾਊਂਟ ਸਸਪੈਂਡ ਕੀਤਾ ਹੈ। ਟਵਿਟਰ ਨੇ ਟਰੰਪ ਦੇ ਅਕਾਊਂਟ ਨੂੰ ਸਸਪੈਂਡ ਕਰਨ ਪਿੱਛੇ ਨਾਗਰਿਕ ਅਖੰਡਤਾ ਨਿਯਮ ਦਾ ਹਵਾਲਾ ਦਿੱਤਾ। ਟਵਿਟਰ ਨੇ ਚੇਤਾਵਨੀ ਦਿੰਦਿਆਂ ਕਿਹਾ, 'ਜੇਕਰ ਟਰੰਪ ਆਪਣੇ ਤਿੰਨ ਟਵੀਟ ਡਿਲੀਟ ਨਹੀਂ ਕਰਦੇ ਤਾਂ ਉਨ੍ਹਾਂ ਦਾ ਅਕਾਊਂਟ 12 ਘੰਟੇ ਬਾਅਦ ਵੀ ਸਸਪੈਂਡ ਰਹੇਗਾ। ਭਵਿੱਖ 'ਚ ਟਵਿਟਰ ਦੇ ਨਿਯਮਾਂ ਦਾ ਉਲੰਘਣ ਕਰਨ 'ਤੇ ਡੌਨਾਲਡ ਟਰੰਪ ਦਾ ਅਕਾਊਂਟ ਹਮੇਸ਼ਾਂ ਲਈ ਸਸਪੈਂਡ ਕਰ ਦਿੱਤਾ ਜਾਵੇਗਾ।'
ਦੱਸ ਦੇਈਏ ਕਿ ਟਵਿੱਟਰ ਨੇ ਟਰੰਪ ਨੂੰ ਤਿੰਨ ਟਵੀਟ ਹਟਾਉਣ ਲਈ ਕਿਹਾ ਹੈ ਜਿਨ੍ਹਾਂ ਨੂੰ ਹਿੰਸਾ ਦਾ ਮੁੱਖ ਕਾਰਨ ਦੱਸਿਆ ਜਾ ਰਿਹਾ ਹੈ। ਇਸ ਦੇ ਨਾਲ ਹੀ, ਟਰੰਪ ਦੇ ਫੇਸਬੁੱਕ ਅਤੇ ਇਸਦੇ ਮਾਲਕੀਅਤ ਇੰਸਟਾਗ੍ਰਾਮ 'ਤੇ ਪੇਜ ਵੀ 24 ਘੰਟਿਆਂ ਲਈ ਬਲਾਕ ਕੀਤੇ ਗਏ ਹਨ। ਫੇਸਬੁੱਕ ਨੇ ਕਿਹਾ, "ਇਹ ਇਕ ਐਮਰਜੈਂਸੀ ਹੈ ਅਤੇ ਅਸੀਂ ਟਰੰਪ ਦੇ ਵੀਡੀਓ ਨੂੰ ਪਲੇਟਫਾਰਮ ਤੋਂ ਹਟਾਉਣ ਸਮੇਤ ਇਹ ਕਦਮ ਚੁੱਕ ਰਹੇ ਹਾਂ।"
