ਇੱਕ ਪਲਾਸਟਿਕ ਦਾ ਬੈਗ ਅਤੇ ਹੱਥ 'ਤੇ ਲਿਖਿਆ ਸੀ ਪਾਸਪੋਰਟ ਤੇ ਫ਼ੋਨ ਨੰਬਰ, ਯੂਕਰੇਨ ਤੋਂ ਇਕੱਲਾ ਹੀ ਬਾਰਡਰ ਲੰਘ ਕੇ ਪਹੁੰਚਿਆ ਸਲੋਵਾਕੀਆ, ਬਣਿਆ 'ਅਸਲ ਹੀਰੋ'
ਕੀਵ : ਯੂਕਰੇਨ ਅਤੇ ਰੂਸ ਵਿਚਾਲੇ ਚੱਲ ਰਹੀ ਜੰਗ ’ਚ ਕਦੇ-ਕਦੇ ਅਜਿਹੀਆਂ ਖ਼ਬਰਾਂ ਵੀ ਸਾਹਮਣੇ ਆਉਂਦੀਆਂ ਹਨ ਜੋ ਬਹਾਦਰੀ ਦੀ ਇਕ ਵੱਡੀ ਮਿਸਾਲ ਪੇਸ਼ ਕਰਦੀਆਂ ਹਨ। ਅਜਿਹੀ ਹੀ ਇੱਕ ਤਸਵੀਰ ਚਰਚਾ ਦਾ ਵਿਸ਼ਾ ਬਣੀ ਹੋਈ ਹੈ ਜਿਸ ਵਿਚ ਇੱਕ 11 ਸਾਲ ਦਾ ਯੂਕ੍ਰੇਨੀ ਬੱਚਾ ਚਿਹਰੇ 'ਤੇ ਮੁਸਕਰਾਹਟ ਨਾਲ ਦਿਖਾਈ ਦੇ ਰਿਹਾ ਹੈ। ਇਸ ਛੋਟੇ ਬੱਚੇ ਦੀ ਬਹਾਦਰੀ ਨੇ ਸਾਰਿਆਂ ਦੇ ਅੰਦਰ ਜੋਸ਼ ਅਤੇ ਜਜ਼ਬਾ ਭਰ ਦਿਤਾ ਹੈ। ਅਸਲ ਵਿਚ ਇਸ ਛੋਟੇ ਬੱਚੇ ਨੇ ਇੱਕਲੇ ਹੀ ਯੂਕਰੇਨ ਦੀ ਸਰਹੱਦ ਪਾਰ ਕੀਤੀ ਅਤੇ ਸਲੋਵਾਕੀਆ ਪਹੁੰਚ ਗਿਆ।
An 11-year-old boy crossed the Ukraine border alone, setting an example of bravery
ਜਾਣਕਾਰੀ ਅਨੁਸਾਰ ਦੱਖਣ-ਪੂਰਬੀ ਯੂਕਰੇਨ ਦੇ ਜਾਪੋਰਿਜਜੀਆ ਦੇ ਇਕ ਲੜਕੇ ਨੂੰ ਸਲੋਵਾਕੀਆ ਦੇ ਅਧਿਕਾਰੀਆਂ ਨੇ ‘ਅਸਲ ਹੀਰੋ’ ਐਲਾਨ ਕੀਤਾ ਕਿਉਂਕਿ ਉਸ ਨੇ ਸਲੋਵਾਕੀਆ ਜਾਣ ਲਈ ਯੂਕਰੇਨ ਦੀ ਸਰਹੱਦ ਖੁਦ ਹੀ ਪਾਰ ਕੀਤੀ।
An 11-year-old boy crossed the Ukraine border alone, setting an example of bravery
ਸਲੋਵਾਕੀਆ ਦੇ ਅੰਦਰੂਨੀ ਮਾਮਲਿਆਂ ਦੇ ਮੰਤਰਾਲਾ ਅਨੁਸਾਰ 11 ਸਾਲਾ ਯੂਕ੍ਰੇਨੀ 1000 ਕਿਲੋਮੀਟਰ ਦੀ ਦੂਰੀ ਇਕੱਲਿਆਂ ਹੀ ਤੈਅ ਕਰਕੇ ਸਲੋਵਾਕੀਆ ਪਹੁੰਚਿਆ। ਇਸ ਯਾਤਰਾ ’ਚ ਉਸਦੇ ਨਾਲ ਉਸਦਾ ਇਕ ਬੈਕਪੈਕ, ਇਕ ਪਲਾਸਟਿਕ ਬੈਗ ਅਤੇ ਇਕ ਪਾਸਪੋਰਟ ਸੀ। ਇਸ ਤੋਂ ਇਲਾਵਾ ਉਸ ਕੋਲ ਮਾਂ ਦਾ ਲਿਖਿਆ ਇਕ ਸੰਦੇਸ਼ ਅਤੇ ਹੱਥ ’ਤੇ ਇਕ ਟੈਲੀਫੋਨ ਨੰਬਰ ਲਿਖਿਆ ਹੋਇਆ ਸੀ।
An 11-year-old boy crossed the Ukraine border alone, setting an example of bravery
ਇਸ ਬੱਚੇ ਦੀ ਮਾਂ ਨੇ ਉਸਨੂੰ ਰਿਸ਼ਤੇਦਾਰਾਂ ਨੂੰ ਲੱਭਣ ਲਈ ਰੇਲ ਰਾਹੀਂ ਸਲੋਵਾਕੀਆ ਭੇਜਿਆ। ਲੜਕਾ ਜਦੋਂ ਆਪਣੇ ਪਾਸਪੋਰਟ ’ਚ ਰੱਖੇ ਮੁੜੇ ਹੋਏ ਕਾਗਜ਼ ਦੇ ਟੁਕੜੇ ਅਤੇ ਹੱਥ ’ਤੇ ਫੋਨ ਨੰਬਰ ਦੇ ਨਾਲ ਸਲੋਵਾਕੀਆ ਪਹੁੰਚਿਆ ਤਾਂ ਸਰਹੱਦ ’ਤੇ ਅਧਿਕਾਰੀਆਂ ਨੇ ਪੂਰੀ ਜਾਣਕਾਰੀ ਲੈਂਦੇ ਹੋਏ ਉਸ ਦੇ ਰਿਸ਼ਤੇਦਾਰਾਂ ਦੀ ਭਾਲ ਕੀਤੀ ਅਤੇ ਰਾਜਧਾਨੀ ਬ੍ਰਾਤੀਸਲਾਵਾ ’ਚ ਉਸ ਦੇ ਰਿਸ਼ਤੇਦਾਰਾਂ ਨਾਲ ਸੰਪਰਕ ਕਰਨ ’ਚ ਕਾਮਯਾਬ ਰਹੇ ਅਤੇ ਬੱਚੇ ਨੂੰ ਰਿਸ਼ਤੇਦਾਰਾਂ ਨੂੰ ਸੌਂਪ ਦਿੱਤਾ ਗਿਆ।
An 11-year-old boy crossed the Ukraine border alone, setting an example of bravery
ਬੱਚੇ ਦੀ ਮਾਂ ਨੇ ਸਲੋਵਾਕ ਸਰਕਾਰ ਅਤੇ ਪੁਲਿਸ ਨੂੰ ਉਸਦੀ ਦੇਖਭਾਲ ਕਰਨ ਲਈ ਧੰਨਵਾਦ ਦਿੰਦੇ ਹੋਏ ਇਕ ਸੰਦੇਸ਼ ਭੇਜਿਆ ਹੈ। ਉਥੇ ਹੀ ਸਲੋਵਾਕੀਆ ਦੇ ਗ੍ਰਹਿ ਮੰਤਰਾਲਾ ਨੇ ਫੇਸਬੁੱਕ ’ਤੇ ਲਿਖਿਆ, ‘ਬੱਚੇ ਦੇ ਨਾਲ ਇਕ ਪਲਾਸਟਿਕ ਬੈਗ, ਪਾਸਪੋਰਟ ਅਤੇ ਹੱਥ ’ਤੇ ਫੋਨ ਨੰਬਰ ਲਿਖਿਆ ਹੋਇਆ ਸੀ। ਉਨ੍ਹਾਂ ਦੱਸਿਆ ਕਿ ਉਹ ਸਰਹੱਦ ਪਾਰ ਕਰ ਕੇ ਇਕੱਲਾ ਆਇਆ ਸੀ ਕਿਉਂਕਿ ਉਸਦੇ ਮਾਤਾ-ਪਿਤਾ ਨੂੰ ਯੂਕਰੇਨ ’ਚ ਰਹਿਣਾ ਪਿਆ।
11 ਸਾਲਾ ਲੜਕੇ ਨੇ ਇਕੱਲੇ ਹੀ ਯੂਕਰੇਨ ਦੀ ਸਰਹੱਦ ਪਾਰ ਕਰਕੇ ਬਹਾਦਰੀ ਦੀ ਮਿਸਾਲ ਕਾਇਮ ਕੀਤੀ ਹੈ
ਸਰਹੱਦ 'ਤੇ ਮੌਜੂਦ ਵਲੰਟੀਅਰਾਂ ਨੇ ਉਸ ਦੀ ਦੇਖਭਾਲ ਕੀਤੀ, ਉਸ ਨੂੰ ਇਕ ਗਰਮ ਸਥਾਨ ’ਤੇ ਲੈ ਗਏ ਅਤੇ ਉਸ ਨੂੰ ਖਾਣ-ਪੀਣ ਦੀਆਂ ਚੀਜ਼ਾਂ ਦਿੱਤੀਆਂ। ਲੜਕੇ ਨੇ ਆਪਣੀ ਮੁਸਕਰਾਹਟ, ਬਹਾਦਰੀ ਅਤੇ ਜ਼ਿੰਦਾਦਿਲੀ ਨਾਲ ਸਾਰਿਆਂ ਦਾ ਦਿਲ ਜਿੱਤ ਲਿਆ।
