ਇਸ ਤੋਂ ਪਹਿਲਾਂ ਵੀ ਅਮਰੀਕਾ ਵਿਚ ਬਹੁਤ ਸਾਰੇ ਭਾਰਤੀ ਉੱਚ ਅਹੁਦਿਆਂ 'ਤੇ ਕੰਮ ਕਰ ਰਹੇ ਹਨ।
ਵਸ਼ਿੰਗਟਨ - ਪੰਜਾਬੀ ਜਿੱਥੇ ਵੀ ਜਾਂਦੇ ਹਨ ਪੰਜਾਬ ਦਾ ਨਾਮ ਰੌਸ਼ਨ ਕਰ ਦਿੰਦੇ ਹਨ ਤੇ ਹੁਣ ਜਲੰਧਰ ਦੀ 41 ਸਾਲਾ ਮੈਡੀਕੋ ਡਾਕਟਰ ਗਗਨ ਪਵਾਰ ਅਮਰੀਕਾ ਦੀ ਇੱਕ ਸਿਹਤ ਸੰਭਾਲ ਏਜੰਸੀ ਦੀ ਮੁੱਖ ਕਾਰਜਕਾਰੀ ਅਧਿਕਾਰੀ ਬਣ ਗਈ ਹੈ, ਜੋ ਜਲੰਧਰ ਸ਼ਹਿਰ ਲਈ ਮਾਣ ਵਾਲੀ ਗੱਲ ਹੈ। ਇਸ ਤੋਂ ਪਹਿਲਾਂ ਵੀ ਅਮਰੀਕਾ ਵਿਚ ਬਹੁਤ ਸਾਰੇ ਭਾਰਤੀ ਉੱਚ ਅਹੁਦਿਆਂ 'ਤੇ ਕੰਮ ਕਰ ਰਹੇ ਹਨ। ਇਸ ਦੌਰਾਨ ਗਗਨ ਦੇ ਪਿਤਾ ਮੇਜਰ-ਜਨਰਲ ਸਰਬਜੀਤ ਸਿੰਘ ਪਵਾਰ ਨੇ ਕਿਹਾ ਕਿ ਪਰਿਵਾਰ ਵਿਚ ਇਹ ਖੁਸ਼ੀ ਦਾ ਸਮਾਂ ਹੈ ਕਿਉਂਕਿ ਉਹਨਾਂ ਦੀ ਧੀ ਹੁਣ ਕਲੀਨਿਕਸ ਡੇਲ ਕੈਮਿਨੋ ਰੀਅਲ ਅੰਕ 900 ਕਰਮਚਾਰੀਆਂ ਦੀ ਇਕ ਕੰਪਨੀ ਦੀ ਅਗਵਾਈ ਕਰੇਗੀ
ਜਿਸ ਵਿਚ ਸਾਰੀਆਂ ਵਿਸ਼ੇਸ਼ਤਾਵਾਂ ਦੇ 70 ਡਾਕਟਰ ਸ਼ਾਮਲ ਹਨ ਅਤੇ ਜੋ ਦੱਖਣੀ ਕੈਲੀਫੋਰਨੀਆ ਵਿਚ 16 ਕਲੀਨਿਕ ਚਲਾ ਰਹੇ ਹਨ। ਡਾਕਟਰ ਗਗਨ ਪਵਾਰ ਨੇ ਅੰਮ੍ਰਿਤਸਰ ਦੇ ਸਰਕਾਰੀ ਮੈਡੀਕਲ ਕਾਲਜ ਤੋਂ ਐਮ.ਬੀ.ਬੀ.ਐਸ. ਕੀਤੀ ਸੀ, ਜਿਸ ਤੋਂ ਬਾਅਦ ਉਸ ਨੇ ਪੈਨਸਿਲਵੇਨੀਆ ਯੂਨੀਵਰਸਿਟੀ ਤੋਂ ਐਮ.ਡੀ. ਕੀਤੀ। ਉਹ 2011 ਵਿਚ ਇੱਕ ਡਾਕਟਰ ਵਜੋਂ ਕੰਪਨੀ ਵਿਚ ਸ਼ਾਮਲ ਹੋਈ, 2014 ਵਿਚ ਮੁੱਖ ਮੈਡੀਕਲ ਅਫਸਰ ਬਣੀ ਅਤੇ ਹੁਣ ਉਸੇ ਕੰਪਨੀ ਵਿਚ ਸੀ.ਈ.ਓ. ਨੌਕਰੀ ਦੌਰਾਨ ਉਸ ਨੇ ਐਮ.ਬੀ.ਏ.-ਫਿਜ਼ੀਸ਼ੀਅਨ ਵੀ ਕੀਤਾ।
