ਗੈਰ-ਪ੍ਰਵਾਸੀਆਂ ਨੂੰ ਵੀਜ਼ੇ ਲਈ ਸੋਸ਼ਲ ਮੀਡੀਆ ਦੀਆਂ ਗੁਪਤ ਸੈਟਿੰਗਾਂ ਨੂੰ 'ਜਨਤਕ' ਕਰਨ ਦਾ ਦਿੱਤਾ ਹੁਕਮ
ਵਾਸ਼ਿੰਗਟਨ : ਵ੍ਹਾਈਟ ਹਾਊਸ ਨੇ ਸ਼ਨੀਵਾਰ ਨੂੰ ਆਪਣੇ ਇਮੀਗ੍ਰੇਸ਼ਨ ਏਜੰਡੇ ਦੇ ਪਿੱਛੇ ਨਵੀਂ ਗਤੀ ਨੂੰ ਸਾਹਮਣੇ ਰੱਖਿਆ ਅਤੇ ਰੁਜ਼ਗਾਰ ਸਬੰਧੀ ਪ੍ਰਤੀਬੰਧਾਂ ਨੂੰ ਆਪਣੇ ਵਿਆਪਕ ‘ਅਮਰੀਕਾ ਫਸਟ’ ਨੀਤੀ ਢਾਂਚੇ ਨਾਲ ਜੋੜਿਆ। ਸ਼ੋਸ਼ਲ ਮੀਡੀਆ ਅਕਾਊਂਟ ਐਕਸ ’ਤੇ ਇਕ ਪੋਸਟ ’ਚ ਵ੍ਹਾਈਟ ਹਾਊਸ ਨੇ ਲਿਖਿਆ ‘ਅਮਰੀਕਾ ਫਸਟ’। ਇਸ ’ਚ ਅੱਗੇ ਕਿਹਾ ਗਿਆ ਕਿ ਰਾਸ਼ਟਰਪਤੀ ਟਰੰਪ ਵਰਕ ਪਰਮਿਟ ’ਤੇ ਸਖਤੀ ਕਰ ਰਹੇ ਹਨ ਅਤੇ ਜਾਂਚ ਨੂੰ ਪ੍ਰਕਿਰਿਆ ਨੂੰ ਵੀ ਸਖਤ ਕਰ ਰਹੇ ਹਨ। ਇਸ ਨਜ਼ਰੀਏ ਤੋਂ ਅਮਰੀਕੀ ਸਰਕਾਰ ਨੇ ਐਚ-1 ਬੀ ਵੀਜ਼ਾ ਬਿਨੈਕਾਰਾਂ ਅਤੇ ਉਨ੍ਹਾਂ ਦੇ ਐਚ-4 ਨਿਰਭਰਾਂ ਲਈ ਵਧੀਆਂ ਜਾਂਚ ਜ਼ਰੂਰਤਾਂ ਨੂੰ ਲਾਗੂ ਕੀਤਾ ਹੈ, ਜਿਸ ਵਿੱਚ 15 ਦਸੰਬਰ ਤੋਂ ਸੋਸ਼ਲ ਮੀਡੀਆ ਜਾਂਚ ਜ਼ਰੂਰੀ ਕਰ ਦਿੱਤੀ ਗਈ ਹੈ।
ਨਵੇਂ ਦਿਸ਼ਾ-ਨਿਰਦੇਸ਼ਾਂ ਦੇ ਤਹਿਤ ਬਿਨੈਕਾਰਾਂ ਨੂੰ ਆਪਣੇ ਸੋਸ਼ਲ ਮੀਡੀਆ ਖਾਤਿਆਂ ਨੂੰ ਜਨਤਕ ਸੈਟਿੰਗਾਂ ਵਿੱਚ ਬਦਲਣਾ ਹੋਵੇਗਾ ਤਾਂ ਜੋ ਅਧਿਕਾਰੀ ਵੀਜ਼ਾ ਮੁਲਾਂਕਣ ਪ੍ਰਕਿਰਿਆ ਦੇ ਹਿੱਸੇ ਵਜੋਂ ਔਨਲਾਈਨ ਗਤੀਵਿਧੀ ਦੀ ਸਮੀਖਿਆ ਕਰ ਸਕਣ। ਬੁੱਧਵਾਰ ਨੂੰ ਜਾਰੀ ਕੀਤੇ ਗਏ ਇੱਕ ਹੁਕਮ ਵਿੱਚ ਅਮਰੀਕੀ ਵਿਦੇਸ਼ ਵਿਭਾਗ ਨੇ ਕਿਹਾ ਕਿ ਇਸ ਜਾਂਚ ਨੂੰ ਸੁਵਿਧਾਜਨਕ ਬਣਾਉਣ ਲਈ, H-1B ਅਤੇ ਉਨ੍ਹਾਂ ਦੇ ਨਿਰਭਰਾਂ (H-4), F, M, ਅਤੇ J ਗੈਰ-ਪ੍ਰਵਾਸੀ ਵੀਜ਼ਾ ਲਈ ਸਾਰੇ ਬਿਨੈਕਾਰਾਂ ਨੂੰ ਆਪਣੇ ਸਾਰੇ ਸੋਸ਼ਲ ਮੀਡੀਆ ਪ੍ਰੋਫਾਈਲਾਂ ਦੀਆਂ ਗੁਪਤ ਸੈਟਿੰਗਾਂ ਨੂੰ 'ਜਨਤਕ' ਕਰਨ ਦਾ ਹੁਕਮ ਦਿੱਤਾ ਗਿਆ ਹੈ।
