ਅਮਰੀਕਾ ਦੀ ਇਕ ਅਧਿਕਾਰਤ ਰੀਪੋਰਟ ਮੁਤਾਬਕ ਅਮਰੀਕੀ ਪ੍ਰਵਾਰਾਂ ਨੇ 2019 ਵਿਚ 241 ਭਾਰਤੀ ਬੱਚਿਆਂ ਨੂੰ ਗੋਦ ਲਿਆ। ਅਮਰੀਕੀ ਵਿਦੇਸ਼ ਮੰਤਰਾਲੇ ਨੇ ਬੁਧਵਾਰ
ਵਾਸ਼ਿੰਗਟਨ, 7 ਮਈ : ਅਮਰੀਕਾ ਦੀ ਇਕ ਅਧਿਕਾਰਤ ਰੀਪੋਰਟ ਮੁਤਾਬਕ ਅਮਰੀਕੀ ਪ੍ਰਵਾਰਾਂ ਨੇ 2019 ਵਿਚ 241 ਭਾਰਤੀ ਬੱਚਿਆਂ ਨੂੰ ਗੋਦ ਲਿਆ। ਅਮਰੀਕੀ ਵਿਦੇਸ਼ ਮੰਤਰਾਲੇ ਨੇ ਬੁਧਵਾਰ ਨੂੰ ਇਸ ਸੰਬੰਧ ਵਿਚ ਅਪਣੀ 12ਵੀਂ ਸਾਲਾਨਾ ਰੀਪੋਰਟ ਵਿਚ ਕਿਹਾ ਕਿ ਵਿੱਤੀ ਸਾਲ 2019 ਵਿਚ ਦੂਤਾਵਾਸ ਅਧਿਕਾਰੀਆਂ ਨੇ ਅਮਰੀਕੀ ਨਾਗਰਿਕਾਂ ਵਲੋਂ ਵਿਦੇਸ਼ਾਂ ਵਿਚ ਗੋਦ ਲਏ 2,677 ਬੱਚਿਆਂ ਅਤੇ ਅਮਰੀਕਾ ਵਿਚ ਗੋਦ ਲਏ 294 ਬੱਚਿਆਂ ਨੂੰ 2,971 ਪ੍ਰਵਾਸੀ ਵੀਜ਼ਾ ਜਾਰੀ ਕੀਤੇ।
ਰੀਪੋਰਟ ਮੁਤਾਬਕ 2019 ਵਿਚ ਚੀਨ ਤੋਂ 819, ਯੂਕਰੇਨ ਤੋਂ 298, ਕੋਲੰਬੀਆ ਤੋਂ 244, ਭਾਰਤ ਤੋਂ 241 ਅਤੇ ਦਖਣੀ ਕੋਰੀਆ ਤੋਂ 166 ਬੱਚੇ ਗੋਦ ਲਏ। ਬੱਚਿਆਂ ਸੰਬੰਧੀ ਮਾਮਲਿਆਂ 'ਤੇ ਵਿਸ਼ੇਸ਼ ਸਲਾਹਕਾਰ ਮਿਸ਼ੇਲ ਬਰਨੀ ਟੋਥ ਨੇ ਪੱਤਰਕਾਰ ਸੰਮੇਲਨ ਦੇ ਦੌਰਾਨ ਕਿਹਾ ਕਿ ਇਸ ਰੀਪੋਰਟ ਵਿਚ ਅਮਰੀਕੀ ਪ੍ਰਵਾਰਾਂ ਵਲੋਂ ਹੋਰ ਦੇਸ਼ਾਂ ਤੋਂ ਗੋਦ ਲਏ ਬੱਚਿਆਂ ਦੀ ਕੁੱਲ ਗਿਣਤੀ ਵਿਚ ਗਿਰਾਵਟ ਦੇਖੀ ਗਈ। ਇਸ ਦਾ ਮੁੱਖ ਕਾਰਨ ਦੋ ਦੇਸ਼ਾਂ, ਚੀਨ ਅਤੇ ਇਥੋਪੀਆ ਤੋਂ ਗੋਦ ਲਏ ਬੱਚਿਆਂ ਦੀ ਗਿਣਤੀ ਵਿਚ ਆਈ ਗਿਰਾਵਟ ਹੈ। ਗੋਦ ਲਏ ਗਏ ਚੀਨੀ ਬੱਚਿਆਂ ਦੀ ਗਿਣਤੀ ਵਿਚ 656 ਅਤੇ ਇਥੋਪੀਆ ਦੇ ਬੱਚਿਆਂ ਦੀ ਗਿਣਤੀ ਵਿਚ 166 ਦੀ ਗਿਰਾਵਟ ਦੇਖੀ ਗਈ।
File photo
ਉਹਨਾਂ ਨੇ ਕਿਹਾ ਕਿ ਇਸ ਗਿਰਾਵਟ ਦਾ ਕਾਰਨ ਇਹਨਾਂ ਦੇਸ਼ਾਂ ਵਿਚ ਲਗਾਤਾਰ ਆ ਰਹੀਆਂ ਸਮਾਜਿਕ, ਆਰਥਿਕ ਜਾਂ ਕਾਨੂੰਨੀ ਤਬਦੀਲੀਆਂ ਹਨ।
ਟੋਥ ਨੇ ਕਿਹਾ ਕਿ ਵਿਸ਼ਵ ਪੱਧਰ 'ਤੇ ਡਿੱਗ ਰਹੀ ਇਸ ਗਿਣਤੀ ਦਾ ਕਾਰਨ ਇਹ ਵੀ ਹੋ ਸਕਦਾ ਹੈ ਕਿ ਦੇਸ਼ ਤੋਂ ਵਾਂਝੇ ਬੱਚਿਆਂ ਨੂੰ ਹੋਰ ਦੇਸ਼ ਵਿਚ ਗੋਦ ਦੇਣ ਦੀ ਬਜਾਏ ਘਰੇਲੂ ਪੱਧਰ 'ਤੇ ਗੋਦ ਦੇਣ ਨੂੰ ਤਰਜੀਹ ਦਿੰਦੇ ਹਨ। ਉਹਨਾਂ ਨੇ ਇਕ ਸਵਾਲ ਦੇ ਜਵਾਬ ਵਿਚ ਕਿਹਾ ਕਿ ਕੋਵਿਡ-19 ਮਹਾਮਾਰੀ ਕਾਰਨ ਬੱਚਿਆਂ ਨੂੰ ਗੋਦ ਲਿਆ ਜਾਣਾ ਕਾਫੀ ਪ੍ਰਭਾਵਤ ਹੋਇਆ ਹੈ ਪਰ ਅਜਿਹਾ ਨਹੀਂ ਕਿਹਾ ਜਾ ਸਕਦਾ ਕਿ ਇਹ ਰੁੱਕ ਗਿਆ ਹੈ। (ਪੀਟੀਆਈ)
