Toronto
ਕੁਲ ਮਿਲਾ ਕੇ 6 ਐਸਕੈਲੈਟਰਾਂ ਨੂੰ ਬਦਲਿਆ ਜਾਵੇਗਾ
ਵੈਨਕੂਵਰ: ਗ੍ਰੇਨਵਿੱਲੇ ਮੈਟਰੋ ਸਟੇਸ਼ਨ ਦੇ ਐਸਕੈਲੈਟਰ (ਮਸ਼ੀਨੀ ਪੌੜੀਆਂ) ਮੁਰੰਮਤ ਦੇ ਚਲਦੇ ਅਗਲੇ 24 ਮਹੀਨਿਆਂ ਲਈ ਬੰਦ ਰਹਿਣਗੇ। ਜ਼ਿਕਰਯੋਗ ਹੈ ਕਿ ਇਹ ਵੈਨਕੂਵਰ ਦੇ ਸਭ ਤੋਂ ਲੰਬੇ ਅਤੇ ਮਸ਼ਹੂਰ ਐਸਕੈਲੈਟਰ ਹਨ। ਟ੍ਰਾਂਸਲਿੰਕ ਨੇ ਐਲਾਨ ਕਰਕੇ ਦੱਸਿਆ ਕਿ ਇਹ ਐਸਕੈਲੈਟਰ ਪੂਰੇ ਤਰੀਕੇ ਨਾਲ ਹਟਾ ਕੇ ਨਵੇਂ ਸਿਰੇ ਤੋਂ ਬਣਾਏ ਜਾਣਗੇ ਅਤੇ ਜਿਸ ਵਿਚ ਲਗਭਗ 24 ਮਹੀਨਿਆਂ ਦਾ ਸਮਾਂ ਲਗ ਸਕਦਾ ਹੈ। ਮੌਜ਼ੂਦਾ ਐਸਕੈਲੈਟਰ 32 ਸਾਲ ਪੁਰਾਣੇ ਹਨ ਅਤੇ ਹਰ ਹਫਤੇ ਇਨ੍ਹਾਂ ਤੋਂ ਲਗਭਗ 30,000 ਲੋਕ ਲੰਗਦੇ ਹਨ। ਹਰੇਕ ਐਸਕੈਲੈਟਰ ਦੀਆਂ 167 ਪੌੜੀਆਂ ਹਨ ਅਤੇ ਇਹਨਾਂ ਤਿੰਨਾਂ ਐਸਕੈਲੈਟਰਾਂ ਨੇ 385,000 ਕਿਲੋਮੀਟਰ ਜਿਨਾ ਸਫਰ ਤੈਅ ਕਰ ਲਿਆ ਹੈ ਜੋ ਕਿ ਧਰਤੀ ਦੁਆਲੇ 10 ਚੱਕਰ ਲਾਉਣ ਦੇ ਬਰਾਬਰ ਹੈ। ਕੁਲ ਮਿਲਾ ਕੇ 6 ਐਸਕੈਲੈਟਰਾਂ ਨੂੰ ਬਦਲਿਆ ਜਾਵੇਗਾ।
