ਪਟਰੌਲ-ਡੀਜ਼ਲ ਦੀਆਂ ਕੀਮਤਾਂ 'ਚ ਹੋ ਸਕਦੈ ਵਾਧਾ
ਪਟਰੌਲ ਅਤੇ ਡੀਜ਼ਲ ਦੀਆਂ ਕੀਮਤਾਂ ਰੀਡਾਰਡ ਉਚਾਈ 'ਤੇ ਪਹੁੰਚਣ ਦਰਮਿਆਨ ਖਾੜੀ ਦੇਸ਼ਾਂ ਦੇ ਤੇਲ ਨਿਰਯਾਤਕ ਸੰਗਠਨ ਓਪੇਕ ਅਤੇ ਰੂਸ ਨੇ ਉਤਪਾਦਨ 'ਚ ਹੋਰ ਕਟੌਤੀ ਕਰਨ ਦਾ ਫ਼ੈਸਲਾ ਕੀਤਾ ਹੈ। ਇਸ ਨਾਲ ਅਗਲੇ ਕੁਝ ਮਹੀਨਿਆਂ 'ਚ ਤੇਲ ਦੀਆਂ ਕੀਮਤਾਂ 'ਚ ਹੋਰ ਵਾਧਾ ਹੋਣ ਦੀ ਸੰਭਾਵਨਾ ਹੈ।ਜ਼ਿਕਰਯੋਗ ਹੈ ਕਿ ਸਾਲ 2017 'ਚ ਕੱਚੇ ਤੇਲ ਦੀ ਔਸਤ ਕੀਮਤ 47.56 ਡਾਲਰ ਪ੍ਰਤੀ ਬੈਰਲ ਸੀ, ਜੋ ਅਪ੍ਰੈਲ 2018 'ਚ ਵਧ ਕੇ 76.60 ਡਾਲਰ ਪ੍ਰਤੀ ਬੈਰਲ ਹੋ ਗਈ ਹੈ। ਤੇਲ ਮੰਤਰਾਲੇ ਦੀ ਪਟਰੌਲੀਅਮ ਯੋਜਨਾ ਅਤੇ ਵਿਸ਼ਲੇਸ਼ਣ ਸਾਖ਼ਾ ਮੁਤਾਬਕ ਕੱਚੇ ਤੇਲ ਦੀ ਔਸਤ ਕੀਮਤ ਇਕ ਮਹੀਨੇ 'ਚ 63.80 ਡਾਲਰ ਤੋਂ 76.84 ਡਾਲਰ ਪ੍ਰਤੀ ਬੈਰਲ ਨਾਲ 13 ਡਾਲਰ ਵਧ ਚੁਕੀ ਹੈ। ਸੱਭ ਤੋਂ ਵੱਡੇ ਤੇਲ ਉਤਾਪਦਕ ਰੂਸ ਅਤੇ ਓਪੇਕ ਨੇ ਕੱਚੇ ਤੇਲ ਦੇ ਰੋਜ਼ਾਨਾ ਉਤਪਾਦਨ 'ਚ ਕਰੀਬ ਦੋ ਫ਼ੀ ਸਦੀ ਦੀ ਕਟੌਤੀ ਦਾ ਫ਼ੈਸਲਾ ਕੀਤਾ ਹੈ।
ਮਾਹਰਾਂ ਦਾ ਮੰਨਣਾ ਹੈ ਕਿ ਵਪਾਰ ਯੁੱਧ ਅਤੇ ਕੋਰੀਆਈ ਦੇਸ਼ਾਂ 'ਚ ਤਣਾਅ ਘੱਟ ਹੋਣ ਨਾਲ ਵੀ ਕੱਚੇ ਤੇਲ ਦੀਆਂ ਕੀਮਤਾਂ 'ਚ ਇਜ਼ਾਫ਼ਾ ਹੋ ਸਕਦਾ ਹੈ।ਤੇਲ ਖੇਤਰ ਦੇ ਮਾਹਰਾਂ ਦਾ ਮੰਨਣਾ ਹੈ ਕਿ ਅਮਰੀਕੀ ਸ਼ੇਲ ਖੇਤਰ 'ਚ ਉਤਪਾਦਨ ਵਧਣ ਨਾਲ ਥੋੜ੍ਹੀ ਰਾਹਤ ਹੈ, ਨਹੀਂ ਤਾਂ ਕੀਮਤ 90 ਡਾਲਰ ਤਕ ਪਹੁੰਚ ਸਕਦੀ ਹੈ। ਜੁਲਾਈ 2009 'ਚ ਕੱਚੇ ਤੇਲ ਦੀ ਕੌਮਾਂਤਰੀ ਕੀਮਤ 147 ਡਾਲਰ ਪ੍ਰਤੀ ਬੈਰਲ ਸੀ। ਇਸ ਨਾ ਕੇਂਦਰ ਅਤੇ ਸੂਬਾ ਸਰਕਾਰਾਂ 'ਤੇ ਪਟਰੌਲ-ਡੀਜ਼ਲ 'ਤੇ ਟੈਕਸ 'ਚ ਕਟੌਤੀ ਦਾ ਦਬਾਅ ਵਧ ਗਿਆ ਹੈ। ਪਟਰੌਲੀਅਮ ਮੰਤਰਾਲਾ ਤੇਲ ਰੀਫ਼ਾਈਨਰੀ 'ਚ ਵਧੀਆਂ ਕੀਮਤਾਂ ਦਾ ਕੁਝ ਹਿਸਾ ਅਪਣੇ ਸਿਰ ਲੈਣ ਦੀ ਗੱਲ ਕਰ ਸਕਦਾ ਹੈ ਤਾਂ ਉਪਭੋਗਤਾਵਾਂ ਦਾ ਬੋਝ ਘਟ ਹੋ ਸਕੇ। (ਏਜੰਸੀ)