Afghanistan News: ਤਾਲਿਬਾਨ ਅਧਿਕਾਰੀਆਂ ਨੇ ਕਿਹਾ ਕਿ ਜਦੋਂ ਲੜਕੀ 9 ਸਾਲ ਦੀ ਗਈ ਤਾਂ ਲੜਕੇ ਦੇ ਘਰ ਜਾਵੇਗਾ ਭੇਜਿਆ
6-year-old girl married to 45-year-old man in Afghanistan: ਅਫ਼ਗਾਨਿਸਤਾਨ ਦੇ ਹੇਲਮੰਡ ਸੂਬੇ ਵਿੱਚ ਇੱਕ 6 ਸਾਲ ਦੀ ਕੁੜੀ ਦਾ ਵਿਆਹ 45 ਸਾਲ ਦੇ ਆਦਮੀ ਨਾਲ ਕਰ ਦਿੱਤਾ ਗਿਆ। ਇੱਕ ਰਿਪੋਰਟ ਦੇ ਅਨੁਸਾਰ, ਵਿਆਹ ਦੀਆਂ ਫ਼ੋਟੋਆਂ ਸਾਹਮਣੇ ਆਉਣ ਤੋਂ ਬਾਅਦ, ਤਾਲਿਬਾਨ ਅਧਿਕਾਰੀ ਖ਼ੁਦ ਹੈਰਾਨ ਰਹਿ ਗਏ ਅਤੇ ਉਨ੍ਹਾਂ ਨੇ ਲੜਕੀ ਨੂੰ ਉਸ ਦੇ ਸਹੁਰੇ ਘਰ ਲਿਜਾਣ ਤੋਂ ਰੋਕ ਦਿੱਤਾ।
ਹਾਲਾਂਕਿ, ਤਾਲਿਬਾਨ ਅਧਿਕਾਰੀਆਂ ਨੇ ਇਹ ਵੀ ਕਿਹਾ ਕਿ ਜਦੋਂ ਉਹ 9 ਸਾਲ ਦੀ ਹੋ ਜਾਵੇਗੀ, ਤਾਂ ਉਸ ਨੂੰ ਉਸ ਦੇ ਪਤੀ ਦੇ ਘਰ ਭੇਜਿਆ ਜਾ ਸਕਦਾ ਹੈ। ਲਾੜੇ ਨੇ ਕੁੜੀ ਦੇ ਪਰਿਵਾਰ ਨੂੰ ਪੈਸੇ ਦੇ ਕੇ ਇਹ ਰਿਸ਼ਤਾ ਤੈਅ ਕੀਤਾ। ਇਹ ਵਿਆਹ ਹੇਲਮੰਡ ਦੇ ਮਾਰਜਾ ਜ਼ਿਲ੍ਹੇ ਵਿੱਚ ਹੋਇਆ।
2021 ਵਿੱਚ ਤਾਲਿਬਾਨ ਦੇ ਦੁਬਾਰਾ ਸੱਤਾ ਵਿੱਚ ਆਉਣ ਤੋਂ ਬਾਅਦ, ਦੇਸ਼ ਵਿੱਚ ਨਾ ਸਿਰਫ਼ ਬਾਲ ਵਿਆਹ ਦੀਆਂ ਘਟਨਾਵਾਂ ਵਿੱਚ ਵਾਧਾ ਹੋਇਆ ਹੈ, ਸਗੋਂ ਇਨ੍ਹਾਂ ਬਾਰੇ ਸਮਾਜਿਕ ਸਹਿਮਤੀ ਵੀ ਬਣ ਰਹੀ ਹੈ। ਕੁੜੀਆਂ ਦੀ ਸਿੱਖਿਆ ਅਤੇ ਕੰਮ 'ਤੇ ਪਾਬੰਦੀਆਂ ਕਾਰਨ, ਬਹੁਤ ਸਾਰੇ ਪਰਿਵਾਰ ਆਪਣੀਆਂ ਧੀਆਂ ਨੂੰ ਬੋਝ ਸਮਝ ਰਹੇ ਹਨ ਅਤੇ ਉਨ੍ਹਾਂ ਦਾ ਵਿਆਹ ਜਲਦੀ ਕਰਵਾ ਰਹੇ ਹਨ।
ਯੂਐਨ ਵੂਮੈਨ ਰਿਪੋਰਟ ਦੇ ਅਨੁਸਾਰ, ਤਾਲਿਬਾਨ ਦੇ ਔਰਤ ਵਿਰੋਧੀ ਕਾਨੂੰਨਾਂ ਕਾਰਨ ਦੇਸ਼ ਵਿੱਚ ਬਾਲ ਵਿਆਹਾਂ ਵਿੱਚ 25% ਵਾਧਾ ਹੋਇਆ ਹੈ ਅਤੇ ਕਿਸ਼ੋਰ ਗਰਭ ਅਵਸਥਾਵਾਂ ਵਿੱਚ 45% ਵਾਧਾ ਹੋਇਆ ਹੈ।
(For more news apart from “6-year-old girl married to 45-year-old man in Afghanistan, ” stay tuned to Rozana Spokesman.)
