ਵਿਸ਼ਵ ਮੁੱਕੇਬਾਜ਼ੀ ਸੰਗਠਨ ਨੇ ਮੁੱਕੇਬਾਜ਼ਾਂ ਦੀ ਮੌਤ ’ਤੇ ਪ੍ਰਗਟਾਇਆ ਦੁੱਖ
two Japanese boxers news : ਟੋਕੀਓ ਦੇ ਕੋਰਾਕੁਏਨ ਹਾਲ ਵਿਚ ਵੱਖ-ਵੱਖ ਮੁਕਾਬਲਿਆਂ ਦੌਰਾਨ ਦੋ ਜਾਪਾਨੀ ਮੁੱਕੇਬਾਜ਼ਾਂ ਦੀ ਦਿਮਾਗੀ ਸੱਟ ਕਾਰਨ ਮੌਤ ਹੋ ਗਈ। ਪਹਿਲੀ ਘਟਨਾ ਬੀਤੀ 2 ਅਗਸਤ ਦੀ ਹੈ ਜਦੋਂ 28 ਸਾਲਾ ਸ਼ਿਗੇਤੋਸ਼ੀ ਕੋਟਾਰੀ ਓਰੀਐਂਟਲ ਅਤੇ ਪੈਸੀਫਿਕ ਬਾਕਸਿੰਗ ਫੈਡਰੇਸ਼ਨ ਦੇ ਜੂਨੀਅਰ ਲਾਈਟਵੇਟ ਚੈਂਪੀਅਨ ਯਾਮਾਟੋ ਹਾਟਾ ਦੇ ਖਿਲਾਫ਼ ਰਾਊਂਡ ਡਰਾਅ ਪੂਰਾ ਕਰਨ ਤੋਂ ਥੋੜ੍ਹੀ ਦੇਰ ਬਾਅਦ ਡਿੱਗ ਗਿਆ। ਉਸ ਦੀ ਸਬਡਿਊਰਲ ਹੇਮੇਟੋਮਾ (ਇਕ ਅਜਿਹੀ ਸਥਿਤ ਜਿਸ ’ਚ ਦਿਮਾਗ ਅਤੇ ਖੋਪੜੀ ਦੇ ਵਿਚਕਾਰ ਖੂਨ ਇਕੱਠਾ ਹੁੰਦਾ ਹੈ) ਲਈ ਐਮਰਜੈਂਸੀ ਸਰਜਰੀ ਕਰਵਾਈ ਗਈ ਪਰ ਉਸ ਦੀ ਮੌਤ ਹੋ ਗਈ।
ਮੁੱਕੇਬਾਜ਼ੀ ਦੀ ਸਿਖਰਲੀ ਸੰਸਥਾ ਵਿਸ਼ਵ ਮੁੱਕੇਬਾਜ਼ੀ ਸੰਗਠਨ ਨੇ ਸ਼ੋਸ਼ਲ ਮੀਡੀਆ ’ਤੇ ਲਿਖਿਆ ਕਿ ਮੁੱਕੇਬਾਜ਼ੀ ਦੀ ਦੁਨੀਆ ਜਾਪਾਨੀ ਮੁੱਕੇਬਾਜ਼ੀ ਸ਼ਿਗੇਤੋਸ਼ੀ ਕੋਟਾਰੀ ਦੀ ਦੁਖਦਾਈ ਮੌਤ ’ਤੇ ਸੋਗ ਪ੍ਰਗਟਾਉਂਦੀ ਹੈ।
ਇਸੇ ਤਰ੍ਹਾਂ ਇਕ ਹੋਰ ਜਾਪਾਨੀ ਮੁੱਕੇਬਾਜ਼ 28 ਸਾਲਾ ਹਿਰੋਮਾਸਾ ਉਰਾਕਾਵਾ ਦੀ ਯੋਜੀ ਸੈਤੋ ਤੋਂ ਨਾਕਆਊਟ ਹਾਰ ਦੌਰਾਨ ਸਿਰ ਵਿਚ ਸੱਟ ਲੱਗਣ ਕਾਰਨ ਮੌਤ ਹੋ ਗਈ। ਉਸ ਦੀ ਜਾਨ ਬਚਾਉਣ ਲਈ ਇਕ ਕ੍ਰੈਨੀਓਟੋਮੀ ਕੀਤੀ ਗਈ। ਜਿਸ ਤੋਂ ਬਾਅਦ ਵਿਸ਼ਵ ਮੁੱਕੇਬਾਜ਼ੀ ਸੰਗਠਨ ਨੇ ਸੋਸ਼ਲ ਮੀਡੀਆ ’ਤੇ ਲਿਖਿਆ ਕਿ ‘ਇਹ ਦਿਲ ਦਹਿਲਾ ਦੇਣ ਵਾਲੀ ਖਬਰ ਸ਼ਿਗੇਤੋਸ਼ੀ ਕੋਟਾਰੀ ਦੀ ਮੌਤ ਤੋਂ ਇਕ ਦਿਨ ਬਾਅਦ ਆਈ ਹੈ। ਉਰਾਕਾਵਾ ਦੀ ਮੌਤ ਉਸੇ ਮੁਕਾਬਲੇ ਦੌਰਾਨ ਲੱਗੀਆਂ ਸੱਟਾਂ ਕਾਰਨ ਹੋਈ। ਅਸੀਂ ਇਸ ਮੁਸ਼ਕਲ ਸਮੇਂ ਉਨ੍ਹਾਂ ਦੇ ਪਰਿਵਾਰਾਂ ਅਤੇ ਦੋਸਤਾਂ ਅਤੇ ਜਪਾਨੀ ਮੁੱਕੇਬਾਜ਼ੀ ਭਾਈਚਾਰੇ ਨਾਲ ਆਪਣੀ ਡੂੰਘੀ ਸੰਵੇਦਨ ਪ੍ਰਗਟ ਕਰਦੇ ਹਾਂ।
