ਬਿਨਾਂ ਬਿਜਲੀ ਤੋਂ 2.2 ਮਿਲੀਅਨ ਘਰ
ਕੈਲੀਫੋਰਨੀਆ - ਅਮਰੀਕਾ ਦੇ ਕੈਲੀਫੋਰਨੀਆ 'ਚ ਪਿਛਲੇ ਦੋ ਹਫਤਿਆਂ ਤੋਂ ਖਤਰਨਾਕ ਤੂਫਾਨ ਨੇ ਤਬਾਹੀ ਮਚਾਈ ਹੋਈ ਹੈ। 26 ਦਸੰਬਰ ਤੋਂ ਲੈ ਕੇ ਹੁਣ ਤੱਕ 6 ਤੂਫਾਨ ਆ ਚੁੱਕੇ ਹਨ, ਜਿਨ੍ਹਾਂ 'ਚ 17 ਲੋਕਾਂ ਦੀ ਜਾਨ ਜਾ ਚੁੱਕੀ ਹੈ। ਰਾਜ ਦੀ 90% ਆਬਾਦੀ ਯਾਨੀ 3 ਕਰੋੜ 40 ਲੱਖ ਲੋਕ ਹੜ੍ਹ ਦੇ ਖ਼ਤਰੇ ਵਿੱਚ ਹਨ।
ਲਗਾਤਾਰ ਤੂਫਾਨ ਕਾਰਨ 2 ਲੱਖ 20 ਹਜ਼ਾਰ ਤੋਂ ਵੱਧ ਘਰਾਂ ਅਤੇ ਦੁਕਾਨਾਂ 'ਚ ਬਿਜਲੀ ਗੁੱਲ ਹੈ। 35 ਹਜ਼ਾਰ ਲੋਕਾਂ ਨੂੰ ਆਪਣੇ ਘਰ ਖਾਲੀ ਕਰਨ ਦੇ ਹੁਕਮ ਦਿੱਤੇ ਗਏ ਹਨ। ਮੌਸਮ ਵਿਭਾਗ ਮੁਤਾਬਕ ਬੁੱਧਵਾਰ ਨੂੰ ਭਾਰੀ ਮੀਂਹ, ਜ਼ਮੀਨ ਖਿਸਕਣ ਅਤੇ ਹੜ੍ਹ ਆਉਣ ਦੀ ਸੰਭਾਵਨਾ ਹੈ। ਇਸ ਨਾਲ ਸਥਿਤੀ ਹੋਰ ਵਿਗੜ ਸਕਦੀ ਹੈ।
ਸੈਨ ਫਰਾਂਸਿਸਕੋ ਵਿੱਚ ਕ੍ਰਿਸਮਸ 26 ਦਸੰਬਰ ਤੋਂ ਲੈ ਕੇ ਹੁਣ ਤੱਕ 25 ਸੈਂਟੀਮੀਟਰ ਤੋਂ ਵੱਧ ਮੀਂਹ ਪਿਆ ਸੀ, ਜਦੋਂ ਕਿ ਪੂਰਬੀ ਸੀਏਰਾ ਵਿੱਚ ਇੱਕ ਮਸ਼ਹੂਰ ਸਕੀ ਰਿਜੋਰਟ ਮੈਮਥ ਮਾਉਂਟੇਨ ਵਿੱਚ ਲਗਭਗ 10 ਫੁੱਟ ਬਰਫਬਾਰੀ ਹੋਈ। ਬਰਫੀਲੇ ਤੂਫਾਨ ਨੇ ਲੋਕਾਂ ਨੂੰ ਘਰਾਂ 'ਚ ਰਹਿਣ ਲਈ ਮਜ਼ਬੂਰ ਕਰ ਦਿੱਤਾ। ਖਰਾਬ ਮੌਸਮ ਕਾਰਨ ਉੱਤਰੀ ਕੈਲੀਫੋਰਨੀਆ ਦੀ ਮੇਂਡੋਸੀਨੋ ਕਾਉਂਟੀ ਵਿੱਚ 34,000 ਤੋਂ ਵੱਧ ਲੋਕ ਬਿਜਲੀ ਤੋਂ ਵਾਂਝੇ ਹਨ। ਸੜਕ ’ਤੇ ਆਵਾਜਾਈ ਵੀ ਮੁਸ਼ਕਲ ਹੋ ਗਈ ਸੀ।
