ਇਸਤਾਂਬੁਲ ਸਥਿਤ ਸਊਦੀ ਅਰਬ ਦੇ ਦੂਤਾਵਾਸ 'ਚ ਮਾਰ ਦਿਤੇ ਗਏ ਪੱਤਰਕਾਰ ਜਮਾਲ ਖਸ਼ੋਗੀ ਦੀ ਲਾਸ਼ ਬਾਰੇ ਰਿਆਦ ਨੂੰ ਕੋਈ ਜਾਣਕਾਰੀ ਨਹੀਂ ਹੈ। ਸਊਦੀ ਅਰਬ...
ਇਸਲਾਮਾਬਾਦ: ਇਸਤਾਂਬੁਲ ਸਥਿਤ ਸਊਦੀ ਅਰਬ ਦੇ ਦੂਤਾਵਾਸ 'ਚ ਮਾਰ ਦਿਤੇ ਗਏ ਪੱਤਰਕਾਰ ਜਮਾਲ ਖਸ਼ੋਗੀ ਦੀ ਲਾਸ਼ ਬਾਰੇ ਰਿਆਦ ਨੂੰ ਕੋਈ ਜਾਣਕਾਰੀ ਨਹੀਂ ਹੈ। ਸਊਦੀ ਅਰਬ ਦੇ ਅਧਿਕਾਰੀਆਂ ਨੇ ਇਕ ਦਲ ਦੁਆਰਾ ਖਸ਼ੋਗੀ ਦੀ ਹੱਤਿਆ ਦੀ ਪੁਸ਼ਟੀ ਹੋਣ ਤੋਂ ਬਾਅਦ ਵੀ ਦੇਸ਼ ਦੇ ਵਿਦੇਸ਼ ਮੰਤਰਾਲਾ ਨਾਲ ਜੁਡ਼ੇ ਇਕ ਅਧਿਕਾਰੀ ਦਾ ਇਹ ਬਿਆਨ ਬੇਹੱਦ ਚੌਂਕਾਉਣ ਵਾਲਾ ਹੈ।
Jamal Khashoggi
ਜ਼ਿਕਰਯੋਗ ਹੈ ਕਿ ‘ਵਾਸ਼ਿੰਗਟਨ ਪੋਸਟ’ ਦੇ ਪੱਤਰਕਾਰ ਜਮਾਲ ਖਸ਼ੋਗੀ ਦੀ ਦੋ ਅਕਤੂਬਰ, 2018 ਨੂੰ ਇਸਤਾਂਬੁਲ ਸਥਿਤ ਸਊਦੀ ਅਰਬ 'ਚ ਦਾਖਲ ਹੋਣ ਤੋਂ ਬਾਅਦ ਹੱਤਿਆ ਕਰ ਦਿਤੀ ਗਈ ਸੀ। ਉਨ੍ਹਾਂ ਦੀ ਲਾਸ਼ ਹੁਣ ਤੱਕ ਬਰਾਮਦ ਨਹੀਂ ਹੋਈ ਹੈ। ਇਕ ਸਮੇਂ 'ਤੇ ਸਊਦੀ ਅਰਬ ਦੇ ਵਲੀ ਅਹਦ ਮੋਹੰਮਦ ਬਿਨਾਂ ਸਲਮਾਨ ਦੇ ਬੇਹੱਦ ਕਰੀਬੀ ਰਹੇ ਖਸ਼ੋਗੀ ਹਾਲ ਦੇ ਦਿਨਾਂ 'ਚ ਉਨ੍ਹਾਂ ਦੇ ਵੋਕਲ ਆਲੋਚਕ ਬੰਣ ਗਏ ਸਨ।
Jamal Khashoggi
ਸਊਦੀ ਅਰਬ ਦੇ ਵਿਦੇਸ਼ੀ ਮਾਮਲਿਆਂ ਦੇ ਮੰਤਰੀ ਅਦੇਲ ਅਲ-ਜੁਬੇਰ ਨੇ ਕਿਹਾ ਕਿ ਸਊਦੀ ਅਰਬ ਦੇ ਅਧਿਕਾਰੀਆਂ ਨੇ ਬਿਨਾਂ ਕਿਸੇ ਆਗਿਆ ਦੇ ਖਸ਼ੋਗੀ ਦੀ ਹੱਤਿਆ ਕੀਤੀ ਅਤੇ ਇਸ ਸਿਲਸਿਲੇ 'ਚ 11 ਲੋਕਾਂ ਦੇ ਖਿਲਾਫ ਮਾਮਲਾ ਦਰਜ ਕੀਤਾ ਗਿਆ। ਖਸ਼ੋਗੀ ਦੇ ਲਾਸ਼ ਬਾਰੇ ਪੁੱਛੇ ਜਾਣ 'ਤੇ ਉਨ੍ਹਾਂ ਨੇ ਸਮਾਚਾਰ ਚੈਨਲ ‘ਸੀਬੀਐਸ’ ਨੂੰ ਕਿਹਾ ਕਿ ਸਾਨੂੰ ਨਹੀਂ ਪਤਾ।
ਜੁਬੇਰ ਨੇ ਕਿਹਾ ਕਿ ਇਸ ਮਾਮਲੇ ਦੇ ਸਰਕਾਰੀ ਵਕੀਲ ਨੇ ਤੁਰਕੀ ਤੋਂ ਸਬੂਤ ਮੰਗੇ ਸਨ ਪਰ ਉਸ ਨੂੰ ਕੋਈ ਜਵਾਬ ਨਹੀਂ ਮਿਲਿਆ।ਇਹ ਪੂੱਛੇ ਜਾਣ 'ਤੇ ਕਿ ਹਿਰਾਸਤ 'ਚ ਲੇ ਲੋਕ ਉਸ ਦੀ ਅਰਥੀ ਦੇ ਬਾਰੇ ਕਿਉਂ ਨਹੀਂ ਦੱਸ ਰਹੇ ਤਾਂ ਜੁਬੇਰ ਨੇ ਕਿਹਾ ਕਿ ‘ਅਸੀ ਜਾਂਚ ਕਰ ਰਹੇ ਹਾਂ। ’
