ਫ਼ੇਸਬੁਕ ਦੇ ਸਹਿ ਸੰਸਥਾਪਕ ਤੇ ਸੀ. ਈ. ਓ. ਮਾਰਕ ਜ਼ੁਕਰਬਰਗ ਅਮਰੀਕੀ ਸੈਨੇਟ ਦੇ ਸਾਹਮਣੇ ਪੇਸ਼ ਹੋਏ।

ਵਾਸ਼ਿੰਗਟਨ : ਫ਼ੇਸਬੁਕ ਦੇ ਸਹਿ ਸੰਸਥਾਪਕ ਤੇ ਸੀ. ਈ. ਓ. ਮਾਰਕ ਜ਼ੁਕਰਬਰਗ ਅਮਰੀਕੀ ਸੈਨੇਟ ਦੇ ਸਾਹਮਣੇ ਪੇਸ਼ ਹੋਏ। ਜਿਥੇ ਉਨ੍ਹਾਂ ਨੇ ਫ਼ੇਸਬੁਕ ਡਾਟਾ ਲੀਕ ਮਾਮਲੇ 'ਤੇ ਅਮਰੀਕੀ ਸੰਸਦ ਦੀ ਇਕ ਕਮੇਟੀ ਅੱਗੇ ਅਪਣਾ ਪੱਖ ਰੱਖ, ਕਮੇਟੀ ਦੇ ਸਵਾਲਾਂ ਦੇ ਜਵਾਬ ਦਿਤੇ। ਕਮੇਟੀ ਦੇ ਸਵਾਲਾਂ ਦੇ ਜਾਵਾਬ ਦਿੰਦਿਆਂ ਜ਼ੁਕਰਬਰਗ ਨੇ ਕਿਹਾ ਕਿ ਅਮਰੀਕੀ ਚੋਣਾਂ ਦੌਰਾਨ ਜੋ ਡਾਟਾ ਚੋਰੀ ਹੋਣ ਦੀ ਗ਼ਲਤੀ ਫ਼ੇਸਬੁਕ ਤੋਂ ਹੋਈ ਹੈ ਮੈਂ ਉਸ ਲਈ ਮੁਆਫ਼ੀ ਮੰਗਦਾ ਹਾਂ। ਮੈਂ ਫ਼ੇਸਬੁਕ ਦਾ ਸੰਸਥਾਪਕ ਹਾਂ, ਇਸ ਨੂੰ ਚਲਾਉਂਦਾ ਹਾਂ ਤੇ ਇਸ ਦੇ ਚੰਗ-ਮਾੜੇ ਲਈ ਮੈਂ ਖ਼ੁਦ ਜ਼ਿੰਮੇਦਾਰ ਹਾਂ।Mark Zuckerbergਇਸ ਦੌਰਾਨ ਉਨ੍ਹਾਂ ਕਿਹਾ ਕਿ ਅਮਰੀਕੀ ਚੋਣਾਂ ਦੌਰਾਨ ਜੋ ਗ਼ਲਤੀ ਹੋਈ ਹੈ ਫ਼ੇਸਬੁਕ ਉਸ ਨੂੰ ਸੁਧਾਰਣ ਲਈ ਕੰਮ ਕਰ ਰਿਹਾ ਹੈ। ਅਸੀਂ ਆਸਵੰਦ ਹਾਂ ਕਿ 2018 ਦੀਆਂ ਸਿਰਫ਼ ਮਿਡ-ਟਰਮ ਅਮਰੀਕੀ ਚੋਣਾਂ ਹੀ ਨਹੀਂ ਸਗੋਂ ਬਾਕੀ ਦੇਸ਼ਾਂ ਜਿਵੇਂ ਭਾਰਤ ਤੇ ਬ੍ਰਾਜ਼ੀਲ ਦੀਆਂ ਚੋਣਾਂ ਦੌਰਾਨ ਵੀ ਡਾਟਾ ਲੀਕ ਜਿਹੇ ਮਾਮਲਾ ਨਾਲ ਨਜਿੱਠਣ ਲਈ ਹੁਣ ਫ਼ੇਸਬੁਕ ਤਿਆਰ ਹੈ। ਉਨ੍ਹਾਂ ਕਿਹਾ ਕਿ ਫ਼ੇਸਬੁਕ ਅਪਣੇ ਖ਼ਪਤਕਾਰਾਂ ਤੋਂ ਕੋਈ ਵਸੂਲੀ ਨਹੀਂ ਕਰਦਾ। ਇਹ ਇਸ਼ਤਿਹਾਰਾਂ ਦੇ ਸਿਰ 'ਤੇ ਚਲਦੀ ਹੈ। ਇਸ ਲਈ ਇਸ਼ਤਿਹਾਰਦਾਤਾ ਕੰਪਨੀਆਂ ਲਈ ਨਿਯਮ ਬਦਲੇ ਜਾ ਰਹੇ ਹਨ। ਖ਼ਾਸ ਕਰ ਕੇ ਚੋਣਾਂ ਦੇ ਇਸ਼ਤਿਹਾਰਾਂ ਲਈ ਨਿਯਮ ਹੋਰ ਸਖ਼ਤ ਕਰ ਉਨ੍ਹਾਂ 'ਤੇ ਵਿਸ਼ੇਸ਼ ਨਜ਼ਰ ਰੱਖੀ ਜਾ ਰਹੀ ਹੈ ਤਾਂ ਜੋ ਅੱਗੇ ਤੋਂ ਅਜਿਹੀ ਗ਼ਲਤੀ ਕਿਸੇ ਵੀ ਹਾਲਾਤ 'ਚ ਦੁਹਰਾਈ ਨਾ ਜਾ ਸਕੇ।Mark Zuckerbergਇਸ ਤੋਂ ਪਹਿਲਾਂ ਫ਼ੇਸਬੁਕ ਸੰਸਥਾਪਕ ਜ਼ੁਕਰਬਰਗ ਨੇ ਅਮਰੀਕੀ 'ਕਾਂਗਰਸ' ਅੱਗੇ ਪੇਸ਼ ਹੋ ਕੇ ਸਾਰੇ ਮਾਮਲੇ ਦੀ ਨਿਜੀ ਜ਼ਿੰਮੇਵਾਰੀ ਲੈਂਦੇ ਹੋਏ ਲਿਖਤੀ ਰੂਪ 'ਚ ਮੁਆਫ਼ੀ ਮੰਗੀ। ਜ਼ੁਕਰਬਰਗ ਨੇ ਅਪਣੇ ਮੁਆਫ਼ੀਨਾਮੇ 'ਚ ਕਿਹਾ ਹੈ ਕਿ ਅਸੀਂ ਅਪਣੀ ਜ਼ਿੰਮੇਵਾਰੀ ਨੂੰ ਸਮਝਣ 'ਚ ਭੁੱਲ ਕੀਤੀ। ਇਹ ਬਹੁਤ ਵੱਡੀ ਗ਼ਲਤੀ ਹੈ। ਇਸ ਲਈ ਮੈਂ ਮੁਆਫ਼ੀ ਮੰਗਦਾ ਹਾਂ।Mark Zuckerbergਅਮਰੀਕੀ 'ਕਾਂਗਰਸ' ਦੀ ਇਕ ਕਮੇਟੀ ਫ਼ੇਸਬੁਕ ਵਲੋਂ ਖ਼ਪਤਕਾਰਾਂ ਦੇ ਨਿਜੀ ਡਾਟੇ ਦੇ ਪ੍ਰਬੰਧਾਂ ਅਤੇ ਉਨ੍ਹਾਂ ਦੀ ਸੁਰੱਖਿਆ ਸਬੰਧੀ ਮਾਮਲੇ ਦੀ ਜਾਂਚ ਕਰ ਰਹੀ ਹੈ। ਜ਼ੁਕਰਬਰਗ ਇਸ ਤੋਂ ਪਹਿਲਾਂ ਕਈ ਵਾਰ ਡਾਟਾ ਚੋਰੀ ਘਟਨਾਕ੍ਰਮ ਲਈ ਮੁਆਫ਼ੀ ਮੰਗ ਚੁਕੇ ਹਨ ਪਰ ਇਹ ਪਹਿਲੀ ਵਾਰ ਹੈ ਜਦੋਂ ਉਨ੍ਹਾਂ ਨੇ ਕਾਂਗਰਸ ਦੀ ਇਕ ਕਮੇਟੀ ਸਾਹਮਣੇ ਪੇਸ਼ ਹੋ ਕੇ ਮੁਆਫ਼ੀ ਮੰਗੀ ਹੈ। ਇਸ ਤੋਂ ਬਾਅਦ ਉਹ ਬੁਧਵਾਰ ਨੂੰ ਹਾਊਸ ਊਰਜਾ ਤੇ ਕਾਮਰਸ ਕਮੇਟੀ ਦੇ ਸਾਹਮਣੇ ਪੇਸ਼ ਹੋਣਗੇ।