ਸੰਯੁਕਤ ਰਾਸ਼ਟਰ ਨੇ ਅਪਣੀ ਇਕ ਨਵੀਂ ਰਿਪੋਰਟ ਵਿਚ ਬਲਾਤਕਾਰ ਅਤੇ ਯੌਨ ਹਿੰਸਾ ਸਬੰਧੀ ਹੋਰ ਘਿਨਾਉਣੇ ਕੰਮਾਂ ਨੂੰ ਅੰਜ਼ਾਮ ਦੇਣ ਦੇ 'ਸ਼ੱਕ ...
ਸੰਯੁਕਤ ਰਾਸ਼ਟਰ : ਸੰਯੁਕਤ ਰਾਸ਼ਟਰ ਨੇ ਅਪਣੀ ਇਕ ਨਵੀਂ ਰਿਪੋਰਟ ਵਿਚ ਬਲਾਤਕਾਰ ਅਤੇ ਯੌਨ ਹਿੰਸਾ ਸਬੰਧੀ ਹੋਰ ਘਿਨਾਉਣੇ ਕੰਮਾਂ ਨੂੰ ਅੰਜ਼ਾਮ ਦੇਣ ਦੇ 'ਸ਼ੱਕ ਦੇ ਪੁਖ਼ਤਾ ਸੁਰਾਗ਼' ਹੋਣ ਤੋਂ ਬਾਅਦ ਮਿਆਮਾਂ ਦੀ ਫ਼ੌਜ ਨੂੰ ਸੰਯੁਕਤ ਰਾਸ਼ਟਰ ਦੀ ਸਰਕਾਰ ਅਤੇ ਵਿਦਰੋਹੀ ਸਮੂਹਾਂ ਦੀ ਕਾਲੀ ਸੂਚੀ ਵਿਚ ਪਾ ਦਿਤਾ ਹੈ।
United Nations blacklist military forces in sexual violence case
ਜਨਰਲ ਸਕੱਤਰ ਏਂਤੋਨੀਆ ਗੁਤਾਰੇਸ ਦੀ ਸੁਰੱਖਿਆ ਪ੍ਰੀਸ਼ਦ ਨੂੰ ਦਿਤੀ ਗਈ ਰਿਪੋਰਟ ਦੀ ਇਕ ਕਾਪੀ ਵਿਚ ਕਿਹਾ ਗਿਆ ਕਿ ਕੌਮਾਂਤਰੀ ਮੈਡੀਕਲ ਕਰਮੀਆਂ ਅਤੇ ਬੰਗਲਾਦੇਸ਼ ਵਿਚ ਮੌਜੂਦ ਹੋਰ ਲੋਕਾਂ ਦਾ ਕਹਿਣਾ ਹੈ ਕਿ ਮਿਆਮਾਂ ਤੋਂ ਉਥੇ ਪਹੁੰਚੇ ਕਰੀਬ 7 ਲੱਖ ਰੋਹਿੰਗਿਆ ਮੁਸਲਮਾਨਾਂ ਨੇ ਕਰੂਰ ਯੌਨ ਸੋਸ਼ਣ ਦੇ ਕਾਰਨ ਸਰੀਰਕ ਅਤੇ ਮਨੋਵਿਗਿਆਨ ਦਰਦ ਝੱਲਿਆ।
United Nations blacklist military forces in sexual violence case
ਸੰਯੁਕਤ ਰਾਸ਼ਟਰ ਜਨਰਲ ਸਕੱਤਰ ਕਿਹਾ ਕਿ ਇਨ੍ਹਾਂ ਹਮਲਿਆਂ ਨੂੰ ਕਥਿਤ ਤੌਰ 'ਤੇ ਮਿਆਮਾਂ ਫ਼ੌਜੀ ਬਲਾਂ ਨੇ ਅਕਤੂਬਰ 2016 ਤੋਂ ਅਗਸਤ 2017 ਦੇ ਵਿਚਕਾਰ ਚਲਾਈ ਫ਼ੌਜੀ 'ਸਫ਼ਾਈ' ਮੁਹਿੰਮ ਦੌਰਾਨ ਅੰਜ਼ਾਮ ਦਿਤਾ।
United Nations blacklist military forces in sexual violence case
ਗੁਤਾਰੇਸ ਨੇ ਕਿਹਾ ਕਿ ਇਸ ਦੌਰਾਨ ਵੱਡੇ ਪੱਧਰ 'ਤੇ ਡਰ ਫ਼ੈਲਾਇਆ ਗਿਆ ਅਤੇ ਯੌਨ ਹਿੰਸਾ ਕੀਤੀ ਗਈ, ਜਿਸ ਦਾ ਮਕਸਦ ਰੋਹਿੰਗਿਆ ਸਮਾਜ ਨੂੰ ਅਪਮਾਨਿਤ ਕਰਨਾ, ਡਰਾਉਣਾ ਅਤੇ ਸਮੂਹਕ ਰੂਪ ਨਾਲ ਸਜ਼ਾ ਦੇਣਾ ਸੀ, ਜੋ ਕਿ ਉਨ੍ਹਾਂ (ਰੋਹਿੰਗਿਆ ਮੁਸਲਮਾਨਾਂ ਨੂੰ) ਅਪਣੇ ਘਰ ਛੱਡਣ ਲਈ ਮਜ਼ਬੂਰ ਕਰਨ ਅਤੇ ਉਨ੍ਹਾਂ ਦੀ ਵਾਪਸੀ ਰੋਕਣ ਲਈ ਉਠਾਇਆ ਗਿਆ ਇਕ ਸੋਚਿਆ ਸਮਝਿਆ ਕਦਮ ਸੀ।
