ਅਮਰੀਕੀ ਰਾਜਨਾਇਕ ਨੇ ਛਡਿਆ ਪਾਕਿਸਤਾਨ, ਮਿਲਿਆ ਮੁਕੱਦਮਾ ਚਲਾਉਣ ਦਾ ਭਰੋਸਾ
Published : May 15, 2018, 4:14 pm IST
Updated : May 15, 2018, 4:14 pm IST
SHARE ARTICLE
col.joseph Emanuel Hall
col.joseph Emanuel Hall

ਪਾਕਿਸਤਾਨ 'ਚ ਪਿਛਲੇ ਮਹੀਨੇ ਅਪਣੀ ਕਾਰ ਨਾਲ ਇਕ ਮੋਟਰਸਾਈਕਲ ਸਵਾਰ ਨੂੰ ਟੱਕਰ ਮਾਰ ਕੇ ਉਸ ਦੀ ਜਾਨ ਲੈਣ ਵਾਲੇ ਆਰੋਪੀ ਅਮਰੀਕੀ ਰਾਜਨਾਇਕ...

ਇਸਲਾਮਾਬਾਦ : ਪਾਕਿਸਤਾਨ 'ਚ ਪਿਛਲੇ ਮਹੀਨੇ ਅਪਣੀ ਕਾਰ ਨਾਲ ਇਕ ਮੋਟਰਸਾਈਕਲ ਸਵਾਰ ਨੂੰ ਟੱਕਰ ਮਾਰ ਕੇ ਉਸ ਦੀ ਜਾਨ ਲੈਣ ਵਾਲੇ ਆਰੋਪੀ ਅਮਰੀਕੀ ਰਾਜਨਾਇਕ ਨੇ ਦੇਸ਼ ਛੱਡ ਦਿਤਾ ਹੈ। ਉਸ ਨੂੰ ਮੁਕਦਮੇ ਤੋਂ ਮਿਲੀ ਛੁੱਟ ਉਤੇ ਵਿਵਾਦ ਹੋ ਰਿਹਾ ਹੈ। ਹਾਲਾਂਕਿ, ਉਨ੍ਹਾਂ ਅਮਰੀਕਾ ਵਿਚ ਮੁਕੱਦਮਾ ਚਲਾਉਣ ਦਾ ਭਰੋਸਾ ਦਿਤਾ ਹੈ। ਦਸ ਦਈਏ ਕਿ ਅਮਰੀਕਾ ਦੇ ਦੂਤਾਵਾਸ ਵਿਚ ਰੱਖਿਆ ਮਾਮਲੇ ਦੇਖਣ ਵਾਲੀਆਂ ਕਰਨਲ ਜੋਸੇਫ ਇਮੈਨੁਐਲ ਹਾਲ ਨੇ ਸੱਤ ਅਪ੍ਰੈਲ ਨੂੰ ਇਸਲਾਮਾਬਾਦ ਵਿਚ ਟਰੈਫਿਕ ਸਿਗਨਲ ਨੂੰ ਤੋੜ ਕੇ ਇਕ ਬਾਇਕ ਨੂੰ ਟੱਕਰ ਮਾਰ ਦਿਤੀ ਸੀ। ਬਾਇਕ ਉਤੇ ਦੋ ਲੋਕ ਸਵਾਰ ਸਨ ਜਿਸ ਵਿਚੋਂ ਇਕ ਦੀ ਮੌਤ ਹੋ ਗਈ ਸੀ। ਉਨ੍ਹਾਂ ਵਿਰੁਧ ਮਾਮਲਾ ਦਰਜ ਕੀਤਾ ਗਿਆ ਸੀ, ਪਰ ਉਨ੍ਹਾਂ ਨੂੰ ਰਾਜਨਾਇਕ ਛੁੱਟ ਦੀ ਵਜ੍ਹਾ ਤੋਂ ਕਦੇ ਵੀ ਗ੍ਰਿਫ਼ਤਾਰ ਨਹੀਂ ਕੀਤਾ ਗਿਆ।  

col.joseph Emanuel Hallcol.joseph Emanuel Hall

‘ਡਾਨ ਨਿਊਜ’ ਨੇ ਰਾਜਨਾਇਕ ਸੂਤਰਾਂ ਦੇ ਹਵਾਲੇ ਤੋਂ ਕਿਹਾ ਕਿ ਅਮਰੀਕੀ ਸਰਕਾਰ ਨੇ ਪਾਕਿਸਤਾਨ ਨੂੰ ਵਿਸ਼ਵਾਸ਼ ਦਿਵਾਇਆ ਹੈ ਕਿ ਕਰਨਲ ਹਾਲ ਵਿਰੁਧ ਅਮਰੀਕੀ ਕਨੂੰਨ ਤਹਿਤ ਮੁਕੱਦਮਾ ਚਲਾਇਆ ਜਾਵੇਗਾ ਜਿਸ ਤੋਂ ਬਾਅਦ ਉਨ੍ਹਾਂ ਨੂੰ ਦੇਸ਼ ਤੋਂ ਜਾਣ ਦੇਣ ਦਾ ਫ਼ੈਸਲਾ ਕੀਤਾ ਗਿਆ। ਇਸ ਤੋਂ ਬਾਅਦ ਸਫ਼ਾਰਤੀ ਇਕ ਵਿਸ਼ੇਸ਼ ਉਡਾਨ ਨਾਲ ਅਫ਼ਗਾਨਿਸਤਾਨ ਰਵਾਨਾ ਹੋ ਗਏ। ਰਿਪੋਰਟ ਵਿਚ ਕਿਹਾ ਗਿਆ ਹੈ ਕਿ ਇਸਲਾਮਾਬਾਦ ਵਿਚ ਸਥਿਤ ਅਮਰੀਕੀ ਦੂਤਾਵਾਸ ਨੇ ਵੀ ਪੁਸ਼ਟੀ ਕੀਤੀ ਹੈ ਕਿ ਹਾਲ ਪਾਕਿਸਤਾਨ ਤੋਂ ਜਾ ਚੁਕੇ ਹਨ। ਰਾਜਨਾਇਕ ਸੂਤਰਾਂ ਨੇ ਪੁਸ਼ਟੀ ਕੀਤੀ ਕਿ ਕਰਨਲ ਹਾਲ ਅਮਰੀਕੀ ਰਾਜਨਾਇਕ ਸਨ ਅਤੇ 1972 ਦੇ ਵਿਏਨਾ ਕਵੇਂਸ਼ਨ ਅਤੇ ਪਾਕਿਸਤਾਨ ਰਾਜਨਾਇਕਾਂ ਨੂੰ ਜੋ ਵਿਸ਼ੇਸ਼ਾਅਧਿਕਾਰ ਦਿੰਦਾ ਹੈ ਉਸ ਦੇ ਮੁਤਾਬਕ ਉਨ੍ਹਾਂ ਨੂੰ ਪੂਰੀ ਤਰ੍ਹਾਂ ਨਾਲ ਛੁੱਟ ਪ੍ਰਾਪਤ ਹੈ। ਦੁਰਘਟਨਾ ਵਿਚ ਮਾਰੇ ਗਏ ਵਿਅਕਤੀਆਂ ਦੇ ਰਿਸ਼ਤੇਦਾਰਾਂ ਨੇ ਸਰਕਾਰ ਤੋਂ ਕਰਨਲ ਹਾਲ ਵਿਰੁਧ ਕਤਲ ਦਾ ਮੁਕੱਦਮਾ ਚਲਾਉਣ ਦੀ ਮੰਗ ਕੀਤੀ ਸੀ।  

col.joseph Emanuel Hallcol.joseph Emanuel Hall

ਇਸਲਾਮਾਬਾਦ ਹਾਈਕੋਰਟ ਨੇ ਸ਼ੁੱਕਰਵਾਰ ਨੂੰ ਕਿਹਾ ਸੀ ਕਿ ਅਮਰੀਕੀ ਰਾਜਨਾਇਕ ਨੂੰ ਪੂਰੀ ਤਰ੍ਹਾਂ ਨਾਲ ਛੁੱਟ ਹਾਸਲ ਨਹੀਂ ਹੈ।  ਇਹ ਵੀ ਆਦੇਸ਼ ਦਿਤਾ ਸੀ ਕਿ ਸਰਕਾਰ ਉਨ੍ਹਾਂ ਦਾ ਨਾਮ ਉਸ ਸੂਚੀ ਵਿਚ ਸ਼ਾਮਲ ਕਰੇ ਜੋ ਪਾਕਿਸਤਾਨ ਛੱਡਣ ਉਤੇ ਰੋਕ ਲਗਾਉਂਦੀ ਹੈ। ਵਾਸ਼ਿੰਗਟਨ ਨੇ ਰਾਜਨਾਇਕ ਦੀ ਛੁੱਟ ਵਾਪਸ ਲੈਣ ਤੋਂ ਇਨਕਾਰ ਕੀਤਾ, ਪਰ ਵਾਅਦਾ ਕੀਤਾ ਕਿ ਰਾਜਨਾਇਕ ਕਾਨੂੰਨਾਂ ਦੇ ਤਹਿਤ ਉਸ ਨੂੰ ਜਵਾਬਦੇਹ ਠਹਿਰਾਇਆ ਜਾਵੇਗਾ। ਸੂਤਰਾਂ ਮੁਤਾਬਕ, ਭਰੋਸੇ ਤੋਂ ਬਾਅਦ ਹਾਲ ਨੂੰ ਸੋਮਵਾਰ ਨੂੰ ਪਾਕਿਸਤਾਨ ਤੋਂ ਜਾਣ ਦੀ ਇਜਾਜ਼ਤ ਦੇ ਦਿਤੀ ਗਈ ਅਤੇ ਉਹ ਅਫ਼ਗਾਨਿਸਤਾਨ ਗਏ ਅਤੇ ਉਥੇ ਤੋਂ ਅਮਰੀਕਾ ਜਾਣਗੇ।

SHARE ARTICLE

ਸਪੋਕਸਮੈਨ ਸਮਾਚਾਰ ਸੇਵਾ

Advertisement

ਕਿਉਂ ਪੰਜਾਬੀਆਂ 'ਚ ਸਭ ਤੋਂ ਵੱਧ ਵਿਦੇਸ਼ ਜਾਣ ਦਾ ਜਨੂੰਨ, ਕਿਵੇਂ ਘਟੇਗੀ ਵੱਧਦੀ ਪਰਵਾਸ ਦੀ ਪਰਵਾਜ਼ ?

06 Aug 2025 9:27 PM

Donald Trump ਨੇ India 'ਤੇ ਲੱਗਾ ਦਿੱਤਾ 50% Tariff, 24 ਘੰਟਿਆਂ 'ਚ ਲਗਾਉਣ ਦੀ ਦਿੱਤੀ ਸੀ ਧਮਕੀ

06 Aug 2025 9:20 PM

Punjab Latest Top News Today | ਦੇਖੋ ਕੀ ਕੁੱਝ ਹੈ ਖ਼ਾਸ | Spokesman TV | LIVE | Date 03/08/2025

03 Aug 2025 1:23 PM

ਸ: ਜੋਗਿੰਦਰ ਸਿੰਘ ਦੇ ਸ਼ਰਧਾਂਜਲੀ ਸਮਾਗਮ ਮੌਕੇ ਕੀਰਤਨ ਸਰਵਣ ਕਰ ਰਹੀਆਂ ਸੰਗਤਾਂ

03 Aug 2025 1:18 PM

Ranjit Singh Gill Home Live Raid :ਰਣਜੀਤ ਗਿੱਲ ਦੇ ਘਰ ਬਾਹਰ ਦੇਖੋ ਕਿੱਦਾਂ ਦਾ ਮਾਹੌਲ.. Vigilance raid Gillco

02 Aug 2025 3:20 PM
Advertisement