Afghan leader news: ਕਿਹਾ, ਸਿਰਫ਼ ਬੋਲਚ ਹੀ ਨਹੀਂ ਪਸ਼ਤੂਨ, ਸਿੰਧੀ ਤੇ ਪੰਜਾਬੀ ਹਰ ਕੋਈ ਪਾਕਿ ਫ਼ੌਜ ਦੀ ਤਾਨਾਸ਼ਾਹੀ ਤੋਂ ਪ੍ਰੇਸ਼ਾਨ ਹੈ
ਅਫ਼ਗ਼ਾਨਿਸਤਾਨ ’ਚ ਮਨੁੱਖੀ ਮਦਦ ਦੇਣ ਲਈ ਭਾਰਤ ਦੀ ਕੀਤੀ ਸ਼ਲਾਘਾ
Afghan leader Solei Mankhil: ਅਫ਼ਗ਼ਾਨਿਸਤਾਨ ਦੀ ਜਲਾਵਤਨ ਸੰਸਦ ਮੈਂਬਰ ਮਰੀਅਮ ਸੋਲੇਮਾਨਖਿਲ ਨੇ ਜ਼ਬਰਦਸਤੀ ਗ਼ਾਇਬ ਕੀਤੇ ਜਾਣ, ਕੁਦਰਤੀ ਸਰੋਤਾਂ ਦਾ ਸ਼ੋਸ਼ਣ ਅਤੇ ਸ਼ਾਂਤੀਪੂਰਨ ਕਾਰਕੁਨਾਂ ਦੇ ਦਮਨ ਸਮੇਤ ਦੁਰਵਿਵਹਾਰਾਂ ਲਈ ਪਾਕਿਸਤਾਨ ਦੀ ਤਿੱਖੀ ਆਲੋਚਨਾ ਕੀਤੀ ਹੈ। ਉਸਨੇ ਸਥਿਤੀ ਨੂੰ ਅੱਤਵਾਦ ਵਿਰੋਧੀ ਨਹੀਂ ਦੱਸਿਆ, ਜਿਵੇਂ ਕਿ ਪਾਕਿਸਤਾਨ ਦਾਅਵਾ ਕਰਦਾ ਹੈ, ਸਗੋਂ ਇਸ ਨੂੰ ‘‘ਜ਼ਬਰਦਸਤੀ ਬਸਤੀਵਾਦ, ਜ਼ਬਰਦਸਤੀ ਕਬਜ਼ਾ’’ ਦਸਿਆ। ਏਐਨਆਈ ਨਾਲ ਗੱਲ ਕਰਦੇ ਹੋਏ, ਸੋਲੇਮਾਨਖਿਲ ਨੇ ਕਿਹਾ, ‘‘ਸਿਰਫ਼ ਬਲੋਚ ਹੀ ਨਹੀਂ, ਪਸ਼ਤੂਨ, ਸਿੰਧੀ ਅਤੇ ਇਥੇ ਤਕ ਕਿ ਪੰਜਾਬੀ ਵੀ, ਹਰ ਕੋਈ ਉਸ ਫ਼ੌਜੀ ਤਾਨਾਸ਼ਾਹੀ ਤੋਂ ਤੰਗ ਆ ਚੁੱਕਾ ਹੈ ਜਿਸ ਦੇ ਅਧੀਨ ਉਹ ਰਹਿ ਰਹੇ ਹਨ। ਬਲੋਚਿਸਤਾਨ ਵਿੱਚ ਸਾਡੇ ਕੋਲ ਡਾ. ਮਹੰਗ ਬਲੋਚ ਵਰਗੇ ਸ਼ਾਂਤੀਪੂਰਨ ਅਹਿੰਸਕ ਕਾਰਕੁਨ ਹਨ ਜੋ ਜੇਲ੍ਹ ਵਿੱਚ ਹਨ, ਪਰ ਓਸਾਮਾ ਬਿਨ ਲਾਦੇਨ ਅਤੇ ਲਸ਼ਕਰ-ਏ-ਤੋਇਬਾ ਦੇ ਨੇਤਾਵਾਂ ਨੂੰ ਦੇਸ਼ ਵਿੱਚ ਖੁਲ੍ਹ ਕੇ ਘੁੰਮਣ ਦੀ ਇਜਾਜ਼ਤ ਹੈ।’’
ਉਸ ਨੇ ਕਿਹਾ, ‘‘ਬਲੌਚਿਸਤਾਨ ਵਿੱਚ ਜ਼ਬਰਦਸਤੀ ਲਾਪਤਾ, ਕਤਲ, ਅੰਗਾਂ ਦੇ ਕੱਢੇ ਜਾਣ, ਉਨ੍ਹਾਂ ਦੇ ਕੁਦਰਤੀ ਸਰੋਤਾਂ ਦੀ ਲੁੱਟ ਹੋ ਰਹੀ ਹੈ, ਪਰ ਲੋਕ ਅਜੇ ਵੀ ਭੁੱਖੇ ਨਾਲ ਮਰ ਰਹੇ ਹਨ ਅਤੇ ਉਹ ਅਜੇ ਵੀ ਗ਼ਰੀਬ ਹਨ, ਜਦੋਂ ਕਿ ਖਾਸ ਤੌਰ ’ਤੇ ਆਈਐਸਆਈ ਜਨਰਲ ਇਨ੍ਹਾਂ ਲੋਕਾਂ ਦੇ ਖ਼ੂਨ ’ਤੇ ਇਕ ਆਲੀਸ਼ਾਨ ਜੀਵਨ ਸ਼ੈਲੀ ਜੀ ਰਹੇ ਹਨ। ਫਿਰ ਉਹ ਆਉਂਦੇ ਹਨ ਅਤੇ ਕਹਿੰਦੇ ਹਨ, ‘ਅਸੀਂ ਬਲੋਚਿਸਤਾਨ ਜਾਂ ਖੈਬਰ ਪਖਤੂਨਖਵਾ ਵਿੱਚ ਅੱਤਵਾਦ ਵਿਰੋਧੀ ਪ੍ਰਾਜੈਕਟ ਚਲਾ ਰਹੇ ਹਨ। ਇਹ ਅਤਿਵਾਦ ਵਿਰੋਧੀ ਨਹੀਂ ਹੈ। ਤੁਸੀਂ ਜੋ ਕਰ ਰਹੇ ਹੋ ਉਹ ਜ਼ਬਰਦਸਤੀ ਬਸਤੀਵਾਦ ਹੈ; ਜ਼ਬਰਦਸਤੀ ਕਬਜ਼ਾ’’ ਹੈ।
ਇਸ ਦੌਰਾਨ, ਸੋਲੇਮਾਨਖਿਲ ਨੇ ਅਫ਼ਗ਼ਾਨ ਲੋਕਾਂ ਨੂੰ ਮਨੁੱਖੀ ਸਹਾਇਤਾ ਲਈ ਭਾਰਤ ਦੀ ਪ੍ਰਸ਼ੰਸਾ ਵੀ ਕੀਤੀ। ਦੋਵਾਂ ਦੇਸ਼ਾਂ ਦੇ ਸਬੰਧਾਂ ’ਤੇ ਚਾਨਣਾ ਪਾਉਂਦਿਆਂ, ਉਸ ਨੇ ਕਿਹਾ ਕਿ ਅਫ਼ਗ਼ਾਨ ਲੋਕ ਟਕਰਾਅ ਦੇ ਸਮੇਂ ਭਾਰਤ ਦੇ ਨਾਲ ਖੜ੍ਹੇ ਰਹੇ ਹਨ। ਉਸ ਨੇ ਏਐਨਆਈ ਨੂੰ ਕਿਹਾ, ‘‘ਮੈਨੂੰ ਲੱਗਦਾ ਹੈ ਕਿ ਭਾਰਤ ਹਮੇਸ਼ਾ ਤੋਂ ਅਫ਼ਗ਼ਾਨਿਸਤਾਨ ਦਾ ਸੱਚਾ ਦੋਸਤ ਰਿਹਾ ਹੈ। ਉਨ੍ਹਾਂ ਨੇ ਕਿਸੇ ਵੀ ਤਾਨਾਸ਼ਾਹ ਦਾ ਸਮਰਥਨ ਨਹੀਂ ਕੀਤਾ। ਉਨ੍ਹਾਂ ਨੇ ਕਿਸੇ ਵੀ ਪ੍ਰੌਕਸੀ ਸ਼ਾਸਨ ਦਾ ਸਮਰਥਨ ਨਹੀਂ ਕੀਤਾ। ਉਨ੍ਹਾਂ ਨੇ ਅਫ਼ਗ਼ਾਨ ਲੋਕਾਂ, ਅਫ਼ਗ਼ਾਨ ਰਾਸ਼ਟਰ ਦਾ ਸਮਰਥਨ ਕੀਤਾ ਹੈ - ਸਕੂਲਾਂ ਤੋਂ ਲੈ ਕੇ ਭੋਜਨ ਤੱਕ, ਡੈਮਾਂ ਤੋਂ ਲੈ ਕੇ ਸਿਹਤ ਤੱਕ। ਇਹ ਬਹੁਤ ਸੁੰਦਰ ਹੈ, ਅਤੇ ਮੈਨੂੰ ਲੱਗਦਾ ਹੈ ਕਿ ਜਦੋਂ ਵੀ ਪਾਕਿਸਤਾਨ ਅਤੇ ਭਾਰਤ ਵਿਚਕਾਰ ਜੰਗ ਹੋਈ, ਅਸੀਂ ਅਫ਼ਗ਼ਾਨਾਂ ਦੀ ਏਕਤਾ ਦੇਖੀ। ਪੂਰੇ ਦਿਲ ਨਾਲ, ਅਫ਼ਗ਼ਾਨ ਲੋਕ ਖੜ੍ਹੇ ਹੋਏ ਅਤੇ ਕਿਹਾ ਕਿ ਅਸੀਂ ਭਾਰਤ ਦੇ ਨਾਲ ਖੜ੍ਹੇ ਹਾਂ, ਅਸੀਂ ਝੂਠ ਨੂੰ ਸਮਝਦੇ ਹਾਂ, ਅਸੀਂ ਪਾਕਿਸਤਾਨ ਦੇ ਨਾਲ ਨਹੀਂ ਖੜ੍ਹੇ ਹੋਵਾਂਗੇ... ਅਫ਼ਗ਼ਾਨ ਲੋਕ ਭਾਰਤ ਦੇ ਸੱਚੇ ਭਰਾ ਅਤੇ ਭੈਣ ਹਨ।’’
(For more news apart from Balochistan Latest News, stay tuned to Rozana Spokesman)
