ਪੀਐਮ ਮੋਦੀ ਦਾ ਨਾਂਅ ਲੈ ਕੇ ਉਹਨਾਂ ਨੂੰ ਸੱਪ ਅਤੇ ਮਗਰਮੱਛ ਦਿਖਾਉਣ ਵਾਲੀ ਪਾਕਿਸਤਾਨੀ ਸਿੰਗਰ ਰਾਬੀ ਪੀਰਜ਼ਾਦਾ ਇਕ ਅਲੱਗ ਹੀ ਮੁਸ਼ਕਲ ਵਿਚ ਪੈ ਗਈ ਹੈ।
ਕਰਾਚੀ: ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦਾ ਨਾਂਅ ਲੈ ਕੇ ਉਹਨਾਂ ਨੂੰ ਸੱਪ ਅਤੇ ਮਗਰਮੱਛ ਦਿਖਾਉਣ ਵਾਲੀ ਪਾਕਿਸਤਾਨੀ ਸਿੰਗਰ ਰਾਬੀ ਪੀਰਜ਼ਾਦਾ ਇਕ ਅਲੱਗ ਹੀ ਮੁਸ਼ਕਲ ਵਿਚ ਪੈ ਗਈ ਹੈ। ਉਹਨਾਂ ਨੂੰ ਪਾਕਿਸਤਾਨ ਦੇ ਜੰਗਲੀ ਜੀਵ ਵਿਭਾਗ ਨੇ ਗੈਰ ਕਾਨੂੰਨੀ ਤਰੀਕੇ ਨਾਲ ਸੱਪ ਅਤੇ ਮਗਰਮੱਛ ਰੱਖਣ ਦੇ ਮਾਮਲੇ ਵਿਚ ਚਲਾਨ ਭਰਨ ਨੂੰ ਕਿਹਾ ਹੈ। ਪੀਰਜ਼ਾਦਾ ਨੇ ਕਦੀ ਨਹੀਂ ਸੋਚਿਆ ਸੀ ਕਿ ਅਜਿਹਾ ਹੋਵੇਗਾ।ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੂੰ ਧਮਕਾਉਣ ਵਾਲੀ ਪਾਕਿਸਤਾਨੀ ਪੌਪ ਸਿੰਗਰ ਰੱਬੀ ਪੀਰਜ਼ਾਦਾ ’ਤੇ ਪਾਕਿਸਤਾਨ ਸਰਕਾਰ ਵੱਲੋਂ ਸਖ਼ਤ ਕਾਰਵਾਈ ਕਰਦਿਆਂ ਉਸ ਨੂੰ ਦੋ ਸਾਲ ਲਈ ਜੇਲ੍ਹ ਭੇਜ ਦਿੱਤਾ ਗਿਆ ਹੈ।
Pm Modi
ਉਹਨਾਂ ਨੂੰ ਲੱਗਿਆ ਸੀ ਕਿ ਉਹ ਇਕ ‘ਵੱਡਾ ਦੇਸ਼ ਭਗਤੀ ਦਾ ਕੰਮ’ ਕਰ ਰਹੀ ਹੈ ਪਰ ਇਹ ਕੰਮ ਗੈਰ ਕਾਨੂੰਨੀ ਨਿਕਲਿਆ। ਕੁੱਝ ਦਿਨ ਪਹਿਲਾਂ ਪੀਰਜ਼ਾਦਾ ਨੇ ਇਕ ਵੀਡੀਓ ਜਾਰੀ ਕੀਤਾ ਸੀ, ਜਿਸ ਵਿਚ ਉਹਨਾਂ ਨੇ ‘ਜ਼ੁਰਮ ਦੇ ਸ਼ਿਕਾਰ ਕਸ਼ਮੀਰੀਆ’ ਦੇ ਸਮਰਥਨ ਵਿਚ ਅਵਾਜ਼ ਉਠਾਉਂਦੇ ਹੋਏ ਮੋਦੀ ਨੂੰ ਸੱਪ ਅਤੇ ਮਗਰਮੱਛ ਦਿਖਾ ਕੇ ‘ਡਰਾਇਆ’ ਸੀ। ਪਾਕਿਸਤਾਨ ਦੀ ਇਸ ਪੌਪ ਸਿੰਗਰ ਨੇ ਅਜਗਰ ਅਤੇ ਸੱਪਾਂ ਦੇ ਨਾਲ ਇਕ ਵੀਡੀਓ ਪੋਸਟ ਕੀਤਾ ਸੀ, ਜਿਸ ਵਿਚ ਉਸ ਨੇ ਭਾਰਤ ਦੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੂੰ ਧਮਕੀ ਦਿੰਦੇ ਹੋਏ ਕਿਹਾ ਸੀ ਇਹ ਗਿਫ਼ਟ ਖ਼ਾਸ ਤੌਰ ’ਤੇ ਮੋਦੀ ਲਈ ਹੈ। ਤੁਸੀਂ ਕਸ਼ਮੀਰੀਆਂ ਨੂੰ ਤੰਗ ਕਰ ਰਹੇ ਹੋ, ਹੁਣ ਨਰਕ ਵਿਚ ਜਾਣ ਲਈ ਤਿਆਰ ਹੋ ਜਾਓ।
Rabi Pirzada
ਇਸੇ ਵੀਡੀਓ ‘ਤੇ ਵਣ ਜੀਵ ਵਿਭਾਗ ਨੇ ਕਿਹਾ ਕਿ ਇਹਨਾਂ ਜਾਨਵਰਾਂ ਨੂੰ ਘਰ ਵਿਚ ਰੱਖਣ ਦੀ ਇਜਾਜ਼ਤ ਨਹੀਂ ਹੈ ਅਤੇ ਉਹਨਾਂ ਨੇ ਪੀਰਜ਼ਾਦਾ ਦਾ ਚਲਾਨ ਕੱਟ ਦਿੱਤਾ। ਹੁਣ ਪੀਰਜ਼ਾਦਾ ਨੇ ਇਕ ਵੀਡੀਓ ਜਾਰੀ ਕੀਤਾ ਹੈ ਇਸ ਵਿਚ ਉਹਨਾਂ ਨੇ ਕਿਹਾ ਕਿ ਸੱਪ ਅਤੇ ਮਗਰਮੱਛ ਉਹਨਾਂ ਦੇ ਨਹੀਂ ਹਨ। ਵੀਡੀਓ ਵਿਚ ਉਹਨਾਂ ਨੇ ਕਿਹਾ ਕਿ, ‘ਪੰਜ ਸਾਲਾਂ ਤੋਂ ਇਹਨਾਂ ਸੱਪਾਂ ਦੇ ਨਾਲ ਕਈ ਨਿਊਜ਼ ਚੈਨਲਾਂ ਵਿਚ ਜਾ ਰਹੀ ਹਾਂ’।
Here u go https://t.co/WBwjCJXwFp
— Rabi Pirzada (@Rabipirzada) September 5, 2019
ਉਹਨਾਂ ਕਿਹਾ ਕਿ ‘ਉਸ ਸਮੇਂ ਤਾਂ ਕਿਸੇ ਨੇ ਕੁਝ ਨਹੀਂ ਬੋਲਿਆ ਅਤੇ ਕੋਈ ਐਕਸ਼ਨ ਨਹੀਂ ਲਿਆ ਗਿਆ ਪਰ ਜਿਵੇਂ ਹੀ ਮੈਂ ਭਾਰਤ ਦੇ ਪੀਐਮ ਬਾਰੇ ਬੋਲੀ ਤਾਂ ਬਹੁਤ ਹੀ ਅਫਸੋਸ ਦੀ ਗੱਲ ਹੈ ਕਿ ਮੇਰੇ ਵਿਰੁੱਧ ਤੁਰੰਤ ਕਾਰਵਾਈ ਕੀਤੀ ਗਈ’। ਪੀਰਜ਼ਾਦਾ ਨੇ ਕਿਸੇ ਦਾ ਨਾਂਅ ਲਏ ਬਗੈਰ ਕਿਹਾ, ‘ਜੇਕਰ ਤੁਸੀਂ ਪਾਕਿਸਤਾਨ ਨਾਲ ਪਿਆਰ ਨਹੀਂ ਕਰ ਸਕਦੇ ਤਾਂ ਘੱਟੋ ਘਟ ਗੱਦਾਰੀ ਨਾ ਕਰੋ’। ਇਸ ਦੌਰਾਨ ਉਹਨਾਂ ਨੇ ਟੀਵੀ ਚੈਨਲਾਂ ਨੂੰ ਵੀ ਨਿਸ਼ਾਨੇ ‘ਤੇ ਲਿਆ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
