ਚੀਨ ਦੀ ਕਮਿਊਨਿਸਟ ਸਰਕਾਰ ਨੇ ਪਿਛਲੇ ਸਾਲ ਮਾਰਚ ਵਿਚ ਕੋਰੋਨਾ ’ਤੇ ਜਿੱਤ ਹਾਸਲ ਕਰਨ ਦਾ ਕੀਤਾ ਸੀ ਐਲਾਨ
ਬੀਜਿੰਗ : ਚੀਨ ਦੀ ਆਰਥਕਤਾ ਨੇ 2021 ਦੀ ਪਹਿਲੀ ਤਿਮਾਹੀ ਵਿਚ ਰਿਕਾਰਡ ਵਾਧਾ ਦਰਜ ਕੀਤਾ ਹੈ। ਸ਼ੁਕਰਵਾਰ ਨੂੰ ਜਾਰੀ ਕੀਤੇ ਗਏ ਨੈਸ਼ਨਲ ਬਿਊਰੋ ਆਫ਼ ਸਟੈਟਿਸਟਿਕਸ (ਐਨਬੀਸੀ) ਦੇ ਅੰਕੜਿਆਂ ਅਨੁਸਾਰ ਪਹਿਲੀ ਤਿਮਾਹੀ ’ਚ ਚੀਨ ਦੀ ਜੀ.ਡੀ.ਪੀ. ਵਾਧਾ ਦਰ ਸਾਲ ਦਰ ਸਾਲ ਆਧਾਰ ’ਤੇ 18.3 ਫ਼ੀ ਸਦੀ ਦਰਜ ਕੀਤੀ ਗਈ।
Xi Jinping
ਸਾਊਥ ਚਾਈਨਾ ਮਾਰਨਿੰਗ ਪੋਸਟ ਅਨੁਸਾਰ, 1993 ਵਿਚ ਅੰਕੜੇ ਪਹਿਲੀ ਵਾਰ ਪ੍ਰਕਾਸ਼ਤ ਕੀਤੇ ਜਾਣ ਤੋਂ ਬਾਅਦ ਇਹ ਕਿਸੇ ਵੀ ਤਿਮਾਹੀ ਵਿਚ ਸੱਭ ਤੋਂ ਵੱਧ ਵਿਕਾਸ ਦਰ ਹੈ। ਸਰਕਾਰੀ ਸਮਾਚਾਰ ਏਜੰਸੀ ਸ਼ਿਨਹੁਆ ਅਨੁਸਾਰ ਦੋ ਅੰਕੀ ਵਾਧੇ ਨਾਲ 2020 ਅਤੇ 2021 ਦੀ ਪਹਿਲੀ ਤਿਮਾਹੀ ਦਾ ਔਸਤ ਵਾਧਾ 2019 ਦੀ ਤੁਲਨਾ ਵਿਚ ਪੰਜ ਫ਼ੀਸਦੀ ਬੈਠਦਾ ਹੈ।
China
ਚੀਨ ਦੀ ਕਮਿਊਨਿਸਟ ਸਰਕਾਰ ਨੇ ਪਿਛਲੇ ਸਾਲ ਮਾਰਚ ਵਿਚ ਕੋਰੋਨਾ ’ਤੇ ਜਿੱਤ ਹਾਸਲ ਕਰਨ ਦਾ ਐਲਾਨ ਕੀਤਾ ਸੀ। ਉਸ ਤੋਂ ਬਾਅਦ ਹੁਣ ਨਿਰਮਾਨ ਗਤੀਵਿਧੀਆਂ, ਵਾਹਨ ਵਿਕਰੀ ਅਤੇ ਗਾਹਕ ਗਤੀਵਿਧੀਆਂ ਕਾਫੀ ਹੱਦ ਤਕ ਮਹਾਂਮਾਰੀ ਦੇ ਪਹਿਲਾਂ ਵਾਲੇ ਪੱਧਰ ’ਤੇ ਪਹੁੰਚ ਗਈ ਹੈ। ਸਾਲ 2020 ਵਿਚ ਦੁਨੀਆਂ ਦੀ ਦੂਜੀ ਸੱਭ ਤੋਂ ਵੱਡੀ ਅਰਥਵਿਵਸਥਾ 2.3 ਫ਼ੀਸਦੀ ਵੱਧ ਕੇ 15.420 ਅਰਬ ਡਾਲਰ ’ਤੇ ਪਹੁੰਚ ਗਈ।
Corona Virus
