America News: ਡੋਨਾਲਡ ਟਰੰਪ ਨੇ ਵੀ ਅਮਰੀਕਾ ’ਚ ਗਰਭਪਾਤ ਕਾਨੂੰਨ ਨੂੰ ਸਖ਼ਤ ਕਰਨ ਦੇ ਹੁਕਮ ਜਾਰੀ ਕੀਤੇ ਸੀ।
Brain dead woman gives birth to baby America News: ਅਮਰੀਕਾ ਦੇ ਜੌਰਜੀਆ ’ਚ ਦਿਮਾਗ਼ੀ ਤੌਰ ’ਤੇ ਮ੍ਰਿਤਕ ਐਲਾਨੀ ਗਈ ਗਰਭਵਤੀ ਮਹਿਲਾ ਨੂੰ ਉਦੋਂ ਤੱਕ ਸਰੀਰ ਜ਼ਿੰਦਾ ਰੱਖਣ ਵਾਲੇ ਸਿਸਟਮ ’ਤੇ ਰੱਖਣ ਦਾ ਫ਼ੈਸਲਾ ਕੀਤਾ ਗਿਆ ਹੈ, ਜਦੋਂ ਤੱਕ ਕਿ ਉਸ ਦਾ ਬੱਚਾ ਪੈਦਾ ਨਹੀਂ ਹੋ ਜਾਂਦਾ। ਹਸਪਤਾਲ ਪ੍ਰਸ਼ਾਸਨ ਦਾ ਕਹਿਣਾ ਹੈ ਕਿ ਉਹ ਗਰਭ ’ਚ ਪਲ ਰਹੇ ਜ਼ਿੰਦਾ ਬੱਚੇ ਨੂੰ ਮਾਂ ਦੇ ਨਾਲ ਮਰਨ ਨਹੀਂ ਦੇ ਸਕਦੇ।
ਇਸੇੇ ਦੇ ਚਲਦੇ ਦਿਮਾਗ਼ੀ ਤੌਰ ’ਤੇ ਮ੍ਰਿਤਕ ਐਲਾਨੀ ਗਈ ਮਹਿਲਾ ਨੂੰ ਤਕਰੀਬਨ 3 ਮਹੀਨੇ ਤੱਕ ਸਰੀਰ ਜ਼ਿੰਦਾ ਰੱਖਣ ਵਾਲੇ ਸਿਸਟਮ ’ਤੇ ਹੀ ਰੱਖਿਆ ਜਾਵੇਗਾ। ਇਸ ਦੀ ਵਜ੍ਹਾ ਹੈ ਜੌਰਜੀਆ ਦਾ ਗਰਭਪਾਤ ਵਿਰੋਧੀ ਕਾਨੂੰਨ, ਜਿਸ ਦੇ ਮੁਤਾਬਕ ਜ਼ਿੰਦਾ ਭਰੂਣ ਨੂੰ ਮਾਰਿਆ ਨਹੀਂ ਜਾ ਸਕਦਾ। ਦਸ ਦਈਏ ਕਿ ਉਕਤ ਮਹਿਲਾ ਦੇ ਜਣੇਪੇ ਨੂੰ ਹਾਲੇ 3 ਮਹੀਨੇ ਦੇ ਕਰੀਬ ਸਮਾਂ ਬਾਕੀ ਹੈ। ਇਸ ਦੇ ਨਾਲ ਹੀ ਇਹ ਸਭ ਲੰਬਾ ਅਜਿਹਾ ਕੇਸ ਬਣ ਗਿਆ ਹੈ ਜਿਸ ਵਿੱਚ ਕਿਸੇ ਬ੍ਰੇਨ ਡੈੱਡ ਯਾਨਿ ਦਿਮਾਗ਼ੀ ਤੌਰ ’ਤੇ ਮ੍ਰਿਤ ਮਹਿਲਾ ਨੂੰ 3 ਮਹੀਨੇ ਤੱਕ ਮਸ਼ੀਨ ਦੇ ਸਹਾਰੇ ਜ਼ਿੰਦਾ ਰੱਖਿਆ ਜਾਵੇਗਾ। ਦੂਜੇ ਪਾਸੇ, ਇਸ ਮਹਿਲਾ ਦੇ ਪਰਿਵਾਰ ਨੇ ਗਰਭਪਾਤ ਵਿਰੋਧੀ ਕਾਨੂੰਨ ’ਤੇ ਨਾਰਾਜ਼ਗੀ ਦਾ ਪ੍ਰਗਟਾਵਾ ਕੀਤਾ ਹੈ।
ਦਸਣਯੋਗ ਹੈ ਕਿ ਜੌਰਜੀਆ ਦਾ ਇਹ ਕਾਨੂੰਨ 2022 ’ਚ ਲਾਗੂ ਹੋਇਆ ਸੀ, ਜਿਸ ਦੇ ਮੁਤਾਬਕ ਜੇ ਮਾਂ ਦੇ ਗਰਭ ’ਚ ਬੱਚੇ ਦੀ ਧੜਕਣ ਚੱਲ ਰਹੀ ਹੈ ਤਾਂ ਉਹ ਗਰਭਪਾਤ ਨਹੀਂ ਕਰਵਾ ਸਕਦੀ, ਇਸ ਨੂੰ ਕਾਨੂੰਨੀ ਅਪਰਾਧ ਮੰਨਿਆ ਜਾਵੇਗਾ। ਅਮਰੀਕਾ ’ਚ ਇਸ ਮੁੱਦੇ ’ਤੇ ਕਾਫੀ ਲੰਬੀ ਲੜਾਈ ਚਲਦੀ ਆ ਰਹੀ ਹੈ, ਜਿਸ ਵਿੱਚ ਉਥੇ ਦੀ ਆਬਾਦੀ ਦੋ ਧੜਿਆਂ ਵੰਡੀ ਹੋਈ ਹੈ। ਡੌਨਾਲਡ ਟਰੰਪ ਨੇ ਵੀ ਅਮਰੀਕਾ ’ਚ ਗਰਭਪਾਤ ਕਾਨੂੰਨ ਨੂੰ ਸਖ਼ਤ ਕਰਨ ਦੇ ਹੁਕਮ ਜਾਰੀ ਕੀਤੇ ਸੀ।
(For more news apart from Brain dead woman gives birth to baby America News in Punjabi, stay tuned to Rozana Spokesman)
