Trump claims: ਅੰਤਮ ਫ਼ੈਸਲਾ ਹਾਲੇ ਬਹੁਤ ਦੂਰ ਹੈ : ਐਸ.ਜੈਸ਼ੰਕਰ
Trump claims; India has offered to remove 100 percent tariffs: ਭਾਰਤ-ਪਾਕਿਸਤਾਨ ਤਣਾਅ ਵਿਚਕਾਰ ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਦਾਅਵਾ ਕੀਤਾ ਕਿ ਭਾਰਤ ਨੇ ਅਮਰੀਕੀ ਸਾਮਾਨਾਂ ’ਤੇ ਸਾਰੇ ਟੈਰਿਫ਼ ਹਟਾਉਣ ਦੀ ਪੇਸ਼ਕਸ਼ ਕੀਤੀ ਹੈ। ਉਨ੍ਹਾਂ ਦਾ ਇਹ ਬਿਆਨ ਅਜਿਹੇ ਸਮੇਂ ਆਇਆ ਹੈ ਜਦੋਂ ਦੱਖਣੀ ਏਸ਼ੀਆ ਫ਼ੌਜੀ ਅਤੇ ਕੂਟਨੀਤਕ ਤਣਾਅ ਦਾ ਸਾਹਮਣਾ ਕਰ ਰਿਹਾ ਹੈ। ਟਰੰਪ ਨੇ ਕਿਹਾ ਕਿ ਭਾਰਤ ਨੇ ਲਗਭਗ ਜ਼ੀਰੋ ਟੈਰਿਫ਼ ਦੇ ਨਾਲ ਇੱਕ ਵਪਾਰਕ ਸਮਝੌਤੇ ਦੀ ਪੇਸ਼ਕਸ਼ ਕੀਤੀ ਹੈ। ਇਹ ਇੱਕ ਵੱਡੀ ਜਿੱਤ ਹੋ ਸਕਦੀ ਹੈ, ਪਰ ਮੈਨੂੰ ਕੋਈ ਜਲਦੀ ਨਹੀਂ ਹੈ। ਜੇਕਰ ਇਹ ਦਾਅਵਾ ਸੱਚ ਸਾਬਤ ਹੁੰਦਾ ਹੈ, ਤਾਂ ਇਹ ਭਾਰਤ ਵਰਗੇ ਵਿਕਾਸਸ਼ੀਲ ਦੇਸ਼ ਵੱਲੋਂ ਇੱਕ ਅਸਾਧਾਰਨ ਰਿਆਇਤ ਹੋਵੇਗੀ - ਖ਼ਾਸ ਕਰ ਕੇ ਜਦੋਂ ਇਹ ਦੁਨੀਆਂ ਦੀ ਚੌਥੀ ਸਭ ਤੋਂ ਵੱਡੀ ਅਰਥਵਿਵਸਥਾ ਬਣ ਗਿਆ ਹੈ।
ਟਰੰਪ ਨੇ ਫੌਕਸ ਨਿਊਜ਼ ਨਾਲ ਗੱਲਬਾਤ ਕਰਦੇ ਹੋਏ ਕਿਹਾ ਕਿ ਭਾਰਤ ਵਪਾਰ ਦੇ ਰਾਹ ਵਿੱਚ ਬਹੁਤ ਸਾਰੀਆਂ ਰੁਕਾਵਟਾਂ ਪਾਉਂਦਾ ਹੈ, ਪਰ ਹੁਣ ਉਹ ‘100% ਟੈਰਿਫ਼’ ਹਟਾਉਣ ਲਈ ਤਿਆਰ ਹੈ। ਹਾਲਾਂਕਿ, ਉਸਨੇ ਇਹ ਵੀ ਕਿਹਾ ਕਿ ਉਸਨੂੰ ਕੋਈ ਜਲਦੀ ਨਹੀਂ ਹੈ ਅਤੇ ਉਹ ਸਿਰਫ਼ ਤਾਂ ਹੀ ਸਮਝੌਤੇ ਲਈ ਸਹਿਮਤ ਹੋਣਗੇ ਜੇਕਰ ਉਸਨੂੰ ਲੱਗਦਾ ਹੈ ਕਿ ਇਸ ਨਾਲ ਅਮਰੀਕਾ ਨੂੰ ਫਾਇਦਾ ਹੋਵੇਗਾ।
ਅੰਤਿਮ ਫ਼ੈਸਲਾ ਅਜੇ ਬਹੁਤ ਦੂਰ ਹੈ : ਐਸ. ਜੈਸ਼ੰਕਰ
ਟਰੰਪ ਦੇ ਬਿਆਨ ਬਾਰੇ, ਭਾਰਤੀ ਵਿਦੇਸ਼ ਮੰਤਰੀ ਡਾ. ਐਸ ਜੈਸ਼ੰਕਰ ਨੇ 15 ਮਈ ਨੂੰ ਕਿਹਾ ਸੀ ਕਿ ਅਮਰੀਕਾ ਅਤੇ ਭਾਰਤ ਵਿਚਕਾਰ ਵਪਾਰ ਗੱਲਬਾਤ ਅਜੇ ਚੱਲ ਰਹੀ ਹੈ, ਪਰ ਇਹ ਗੁੰਝਲਦਾਰ ਮੁੱਦੇ ਹਨ ਅਤੇ ਕੋਈ ਵੀ ਅੰਤਿਮ ਫ਼ੈਸਲਾ ਅਜੇ ਬਹੁਤ ਦੂਰ ਹੈ। ਇਹ ਬਿਆਨ ਟਰੰਪ ਦੇ ਉਤਸ਼ਾਹੀ ਦਾਅਵੇ ਨੂੰ ਸਿੱਧਾ ਠੰਢਾ ਕਰਨ ਵਾਲਾ ਜਾਪਦਾ ਸੀ। ਜੈਸ਼ੰਕਰ ਨੇ ਇਹ ਵੀ ਕਿਹਾ ਕਿ ਕੋਈ ਵੀ ਵਪਾਰ ਸਮਝੌਤਾ ਦੋਵਾਂ ਧਿਰਾਂ ਲਈ ਲਾਭਦਾਇਕ ਹੋਣਾ ਚਾਹੀਦਾ ਹੈ, ਸਿਰਫ਼ ਇੱਕ ਧਿਰ ਲਈ ਨਹੀਂ।
(For more news apart from Trump Latest News, stay tuned to Rozana Spokesman)
