Supreme Court ਨੇ ਕੇਂਦਰ ਨੂੰ ਲੁੱਕਆਊਟ ਨੋਟਿਸ ਜਾਰੀ ਕਰਨ ਦਾ ਹੁਕਮ ਦਿਤਾ
Russian Woman Missing with Child in India, Husband Suspected of Spying on the Country News in Punjabi ਸੁਪਰੀਮ ਕੋਰਟ ਨੇ ਵੀਰਵਾਰ ਨੂੰ ਬੱਚੇ ਦੀ ਹਿਰਾਸਤ ਨਾਲ ਸਬੰਧਤ ਇਕ ਵਿਲੱਖਣ ਮਾਮਲੇ ਵਿਚ ਇਕ ਰੂਸੀ ਔਰਤ ਲਈ ਲੁੱਕਆਊਟ ਨੋਟਿਸ ਜਾਰੀ ਕਰਨ ਦੇ ਨਿਰਦੇਸ਼ ਦਿਤੇ। ਔਰਤ 7 ਮਈ ਤੋਂ ਬੱਚੇ ਸਮੇਤ ਲਾਪਤਾ ਹੈ। ਸੁਪਰੀਮ ਕੋਰਟ ਨੇ ਕੇਂਦਰ ਅਤੇ ਦਿੱਲੀ ਸਰਕਾਰ ਨੂੰ ਦੋਵਾਂ ਨੂੰ ਲੱਭਣ ਦਾ ਹੁਕਮ ਦਿਤਾ ਹੈ।
ਜਸਟਿਸ ਸੂਰਿਆਕਾਂਤ ਅਤੇ ਜਸਟਿਸ ਜੋਇਮਲਿਆ ਬਾਗਚੀ ਦੀ ਬੈਂਚ ਨੇ ਕਿਹਾ ਕਿ ਰੂਸੀ ਔਰਤ ਵਿਕਟੋਰੀਆ ਨੂੰ ਦੇਸ਼ ਨਾ ਛੱਡਣਾ ਚਾਹੀਦਾ। ਅਦਾਲਤ ਨੇ ਮਾਂ ਅਤੇ ਬੱਚੇ ਨੂੰ ਲੱਭਣ ਅਤੇ ਬੱਚੇ ਨੂੰ ਉਸ ਦੇ ਭਾਰਤੀ ਪਿਤਾ ਸੈਕਤ ਬਾਸੂ ਨੂੰ ਸੌਂਪਣ ਦਾ ਹੁਕਮ ਦਿਤਾ। ਅਦਾਲਤ ਨੂੰ ਦਸਿਆ ਗਿਆ ਕਿ ਰੂਸੀ ਔਰਤ ਅਤੇ ਬੱਚਾ ਜੰਗਲ ਵਿਚ ਗਾਇਬ ਹੋ ਗਏ ਹਨ।
ਦੂਜੇ ਪਾਸੇ, ਪਰਵਾਰ ਨੂੰ ਸ਼ੱਕ ਹੈ ਕਿ ਵਿਕਟੋਰੀਆ ਭਾਰਤ ਦੀ ਜਾਸੂਸੀ ਕਰ ਕੇ ਰੂਸ ਵਾਪਸ ਜਾਣ ਦੀ ਕੋਸ਼ਿਸ਼ ਕਰ ਰਹੀ ਸੀ। ਔਰਤ 2019 ਤੋਂ ਭਾਰਤ ਵਿਚ ਰਹਿ ਰਹੀ ਹੈ। ਉਹ X-1 ਵੀਜ਼ਾ 'ਤੇ ਭਾਰਤ ਆਈ ਸੀ।
ਪਰਵਾਰ ਨੂੰ ਸ਼ੱਕ ਹੈ ਕਿ ਵਿਕਟੋਰੀਆ ਭਾਰਤ ਦੀ ਜਾਸੂਸੀ ਕਰਨ ਤੋਂ ਬਾਅਦ ਰੂਸ ਵਾਪਸ ਜਾਣਾ ਚਾਹੁੰਦੀ ਸੀ। ਪਰਵਾਰ ਨੇ ਸੁਪਰੀਮ ਕੋਰਟ ਨੂੰ ਅਪੀਲ ਕੀਤੀ ਹੈ ਕਿ ਕੇਂਦਰ ਸਰਕਾਰ ਵਿਕਟੋਰੀਆ ਦਾ ਪਾਸਪੋਰਟ ਜ਼ਬਤ ਕਰੇ।
ਸੈਕਤ ਦਾ ਦੋਸ਼ ਹੈ ਕਿ 4 ਜੁਲਾਈ ਨੂੰ, ਰੂਸੀ ਔਰਤ ਨੂੰ ਇਕ ਰੂਸੀ ਡਿਪਲੋਮੈਟ ਨਾਲ ਪਿਛਲੇ ਦਰਵਾਜ਼ੇ ਰਾਹੀਂ ਰੂਸੀ ਦੂਤਾਵਾਸ ਵਿਚ ਦਾਖ਼ਲ ਹੁੰਦੇ ਦੇਖਿਆ ਗਿਆ ਸੀ। ਪਤੀ ਦਾ ਦਾਅਵਾ ਹੈ ਕਿ ਔਰਤ ਦਾ ਰੂਸੀ ਡਿਪਲੋਮੈਟ ਨਾਲ ਅਫੇਅਰ ਹੈ।
ਸੁਪਰੀਮ ਕੋਰਟ ਨੇ ਰੂਸੀ ਔਰਤ ਦੇ ਵਕੀਲਾਂ ਤੋਂ ਉਸ ਦੇ ਪਤੇ ਬਾਰੇ ਪੁੱਛਿਆ, ਪਰ ਉਨ੍ਹਾਂ ਨੇ ਦਾਅਵਾ ਕੀਤਾ ਕਿ ਉਨ੍ਹਾਂ ਨੂੰ ਇਹ ਨਹੀਂ ਪਤਾ ਸੀ। ਅਦਾਲਤ ਨੇ ਉਨ੍ਹਾਂ ਦੇ ਬਿਆਨਾਂ 'ਤੇ ਵੀ ਸ਼ੱਕ ਕੀਤਾ। ਜਸਟਿਸ ਸੂਰਿਆਕਾਂਤ ਨੇ ਵਕੀਲਾਂ ਨੂੰ ਕਿਹਾ, 'ਤੁਸੀਂ ਲੋਕ ਸਭ ਕੁਝ ਜਾਣਦੇ ਹੋ। ਕੀ ਤੁਹਾਨੂੰ ਲੱਗਦਾ ਹੈ ਕਿ ਤੁਸੀਂ ਸਾਡੇ ਨਾਲ ਖੇਡ ਸਕਦੇ ਹੋ? ਅਸੀਂ ਵਕੀਲਾਂ ਤੋਂ ਵੀ ਜਵਾਬ ਮੰਗਾਂਗੇ। ਤੁਸੀਂ ਉਡੀਕ ਕਰੋ।'
ਅਦਾਲਤ ਨੇ ਇਹ ਵੀ ਚੇਤਾਵਨੀ ਦਿਤੀ ਕਿ ਜੇ ਰੂਸੀ ਦੂਤਾਵਾਸ ਦੇ ਅਧਿਕਾਰੀ ਔਰਤ ਨੂੰ ਦੇਸ਼ ਤੋਂ ਭੱਜਣ ਵਿਚ ਮਦਦ ਕਰਨ ਜਾਂ ਉਸ ਨੂੰ ਲੁਕਾਉਣ ਵਿਚ ਸ਼ਾਮਲ ਪਾਏ ਜਾਂਦੇ ਹਨ, ਤਾਂ ਉਨ੍ਹਾਂ ਵਿਰੁਧ ਵੀ ਕਾਨੂੰਨੀ ਕਾਰਵਾਈ ਕੀਤੀ ਜਾਵੇਗੀ। ਅਦਾਲਤ ਨੇ ਰੂਸੀ ਔਰਤ ਦਾ ਪਾਸਪੋਰਟ ਤੁਰਤ ਜ਼ਬਤ ਕਰਨ ਅਤੇ ਰੂਸੀ ਡਿਪਲੋਮੈਟ ਦੇ ਘਰ ਦੀ ਤਲਾਸ਼ੀ ਲੈਣ ਦੇ ਹੁਕਮ ਦਿਤੇ, ਜਿਸ ਨੂੰ ਆਖ਼ਰੀ ਵਾਰ ਰੂਸੀ ਔਰਤ ਨਾਲ ਦੇਖਿਆ ਗਿਆ ਸੀ।
(For more news apart from Russian Woman Missing with Child in India, Husband Suspected of Spying on the Country News in Punjabi stay tuned to Rozana Spokesman.)
