Crane
ਅੱਗ-ਬੁਝਾਊ ਮਹਿਕਮੇ ਦੇ ਕਾਮਿਆਂ ਨੇ ਕਰੇਨ 'ਤੇ ਚੜ੍ਹੀ ਮਹਿਲਾ ਨੂੰ ਸੁਰੱਖਿਅਤ ਬਚਾ ਲਿਆ...........
ਟੋਰਾਂਟੋ : ਅੱਗ-ਬੁਝਾਊ ਮਹਿਕਮੇ ਦੇ ਕਾਮਿਆਂ ਨੇ ਕਰੇਨ 'ਤੇ ਚੜ੍ਹੀ ਮਹਿਲਾ ਨੂੰ ਸੁਰੱਖਿਅਤ ਬਚਾ ਲਿਆ। ਇਹ ਮਹਿਲਾ 14 ਮੰਜ਼ਲੀ ਕਰੇਨ 'ਤੇ ਚੜ੍ਹ ਗਈ ਸੀ। ਫਿਰ ਇਹ ਮਹਿਲਾ ਕਰੇਨ ਆਪਰੇਟਰ ਦੇ ਕੈਬਿਨ ਵਿਚ ਦਾਖ਼ਲ ਹੋ ਗਈ। ਘਟਨਾ ਟੋਰੌਂਟੋ ਡਾਊਨਟਾਊਨ ਵਿਚ ਵਾਪਰੀ। ਐਮਰਜੈਂਸੀ ਦਸਤਿਆਂ ਨੂੰ ਡੈਨ ਲੈਕੀ ਵੇਅ 'ਤੇ ਲੇਕ ਸ਼ੋਰ ਬੁਲੇਵਾਰਡ ਵੈਸਟ ਕੋਲ ਸ਼ਾਮ ਕਰੀਬ 6.30 ਵਜੇ, ਉਸਾਰੀ ਅਧੀਨ ਇਲਾਕੇ ਵਿਚ ਸੱਦਿਆ ਗਿਆ। ਮਹਿਲਾ ਨੂੰ ਮੁੜ ਜ਼ਮੀਨ 'ਤੇ ਲਿਆਉਣ ਲਈ ਐਮਰਜੈਂਸੀ ਦਸਤਿਆਂ ਨੂੰ ਕਰੀਬ ਦੋ ਘੰਟੇ ਦਾ ਸਮਾਂ ਲੱਗਿਆ।
ਅਧਿਕਾਰੀਆਂ ਦਾ ਕਹਿਣਾ ਸੀ ਕਿ ਮਹਿਲਾ ਨੇ ਕਰੇਨ ਦੇ ਕੈਬਿਨ ਵਾਲੇ ਹਿੱਸੇ ਨੂੰ ਕੁਝ ਨੁਕਸਾਨ ਵੀ ਪਹੁੰਚਾਇਆ। ਮਹਿਲਾ ਨੂੰ ਪੁਲਿਸ ਦੇ ਹਵਾਲੇ ਕਰ ਦਿਤਾ ਗਿਆ ਜੋ ਉਸ ਨੂੰ ਹਸਪਤਾਲ ਲੈ ਕੇ ਗਏ। ਮਹਿਲਾ ਦੀ ਪਛਾਣ ਸਾਂਝੀ ਨਹੀਂ ਕੀਤੀ ਗਈ ਹੈ ਤੇ ਉਸ ਵਿਰੁਧ ਪਰਚਾ ਦਰਜ ਹੋਵੇਗਾ ਜਾਂ ਨਹੀਂ, ਇਸ ਬਾਰੇ ਸਪੱਸ਼ਟ ਨਹੀਂ। ਮਹਿਲਾ ਨੇ ਉਪਰ ਚੜ੍ਹਦਿਆਂ ਕਿਸੇ ਕਿਸਮ ਦੀ ਸੁਰੱਖਿਆ ਨਹੀਂ ਵਰਤੀ ਸੀ। ਇਸੇ ਕਾਰਨ ਉਸ ਦੀ ਜਾਨ ਨੂੰ ਖ਼ਤਰਾ ਬਣਿਆ ਹੋਇਆ ਸੀ।
