ਜੰਗਲੀ ਅੱਗ ਦਾ ਕਹਿਰ : ਨੁਕਸਾਨ 'ਚੋਂ ਉਭਰਨ ਲਈ ਲੱਗ ਸਕਦੇ ਨੇ 100 ਸਾਲ!
Published : Jan 20, 2020, 5:58 pm IST
Updated : Jan 20, 2020, 5:58 pm IST
SHARE ARTICLE
file photo
file photo

ਅੱਗ ਨਾਲ 3 ਪ੍ਰਜਾਤੀਆਂ ਹੋਈਆਂ ਗਾਇਬ ਤੇ ਕਈ ਖ਼ਤਰੇ 'ਚ

ਸਿਡਨੀ : ਆਸਟ੍ਰੇਲੀਆ 'ਚ ਲੱਗੀ ਅੱਗ ਨੇ ਇਕ ਅਜਿਹਾ ਨੁਕਸਾਨ ਕਰ ਦਿਤਾ ਹੈ, ਜਿਸ ਦੀ ਭਰਪਾਈ ਨੇੜ ਭਵਿੱਖ 'ਚ ਹੋਣੀ ਮੁਸ਼ਕਲ ਜਾਪ ਰਹੀ ਹੈ। ਮਾਹਿਰਾਂ ਮੁਤਾਬਕ ਇਸ ਦੀ ਭਰਪਾਈ ਲਈ 100 ਸਾਲ ਤਕ ਦਾ ਸਮਾਂ ਲੱਗ ਸਕਦਾ ਹੈ। ਪਿਛਲੇ ਸਾਲ ਸਤੰਬਰ ਮਹੀਨੇ ਤੋਂ ਲੱਗੀ ਇਸ ਅੱਗ 'ਤੇ ਭਾਵੇਂ ਹੁਣ ਕਾਬੂ ਪਾਇਆ ਜਾ ਚੁੱਕਾ ਹੈ ਪਰ ਇਸ ਦੀ ਭਿਆਨਕਤਾ ਦੇ ਨਿਸ਼ਾਨ ਅਜੇ ਵੀ ਡਰਾਉਣੇ ਦ੍ਰਿਸ਼ ਪੇਸ਼ ਕਰ ਰਹੇ ਹਨ।

PhotoPhoto

ਇਸ ਅੱਗ ਨੂੰ ਬੁਝਾਉਣ 'ਚ ਬਾਰਿਸ਼ ਦੀ ਵੀ ਯੋਗਦਾਨ ਰਿਹਾ ਪਰ ਫਾਇਰ ਫਾਈਟਰਜ਼ ਨੇ ਜਿਸ ਮਿਹਨਤ ਤੇ ਔਖਿਆਈ ਨਾਲ ਹਾਲਾਤ 'ਤੇ ਕਾਬੂ ਪਾਇਆ, ਉਸ ਨੂੰ ਵੀ ਨਕਾਰਿਆ ਨਹੀਂ ਜਾ ਸਕਦਾ। ਅੱਗ ਨਾਲ ਲਗਭਗ ਇਕ ਅਰਬ ਜਾਨਵਰਾਂ ਨੂੰ ਜਾਨ ਤੋਂ ਹੱਥ ਧੋਣੇ ਪਏ ਹਨ।

PhotoPhoto

ਮਾਹਿਰਾਂ ਮੁਤਾਬਕ ਜੰਗਲਾਂ ਵਿਚੋਂ 3 ਪ੍ਰਜਾਤੀਆਂ ਦਾ ਨਾਮੋ ਨਿਸ਼ਾਨ ਮਿਟ ਗਿਆ ਹੈ। ਇਨ੍ਹਾਂ ਵਿਚ ਦੱਖਣੀ ਡੱਡੂ, ਰੀਜੇਂਟ ਹਨੀਟਰ ਪੰਛੀ ਅਤੇ ਪੱਛਮੀ ਜ਼ਮੀਨ ਤੋਤਾ ਸ਼ਾਮਲ ਹਨ। ਅਨੇਕਾਂ ਜਾਨਵਰ ਜਿਵੇਂ ਕੋਆਲਾ ਤੋਂ ਇਲਾਵਾ ਵੱਖਰੀ ਕਿਸਮ ਦੇ ਕੰਗਾਰੂਆਂ ਦੀ ਗਿਣਤੀ ਵੀ ਕਾਫ਼ੀ ਘੱਟ ਗਈ ਹੈ।

PhotoPhoto

ਇਸ ਅੱਗ ਨੇ ਕਰੋੜਾਂ ਦੀ ਜਾਇਦਾਦ ਨੂੰ ਸਾੜ ਕੇ ਸਵਾਹ ਕਰ ਦਿਤਾ ਹੈ। ਅੱਗ ਕਾਰਨ 28 ਵਿਅਕਤੀਆਂ ਦੀ ਮੌਤ ਤੋਂ ਇਲਾਵਾ ਕਾਫ਼ੀ ਸਾਰੇ ਆਲੀਸ਼ਾਨ ਘਰ ਵੀ ਅੱਗ ਦੀ ਭੇਂਟ ਚੜ੍ਹ ਚੁਕੇ ਹਨ। ਅੱਗ ਅਤੇ ਇਸ ਦੇ ਧੂੰਏ ਦੀਆਂ ਤਸਵੀਰਾਂ ਨਾਸਾ ਨੇ ਵੀ ਲਈਆਂ ਹਨ। ਅੱਗ ਦਾ ਧੂੰਆਂ ਹਜ਼ਾਰਾਂ ਕਿਲੋਮੀਟਰ ਦਾ ਸਫ਼ਰ ਤੈਅ ਕਰ ਕੇ ਨਿਊਜ਼ੀਲੈਂਡ ਸਮੇਤ ਕਈ ਦੇਸ਼ਾਂ ਤਕ ਜਾ ਪਹੁੰਚਿਆ ਸੀ।

PhotoPhoto

ਮਾਹਿਰਾਂ ਮੁਤਾਬਕ ਇਸ ਅੱਗ ਨਾਲ ਹੋਏ ਨੁਕਸਾਨ 'ਚੋਂ ਉਭਰਨ 'ਚ ਆਸਟ੍ਰੇਲੀਆ ਨੂੰ ਇਕ ਸਦੀ ਤਕ ਦਾ ਸਮਾਂ ਲੱਗ ਸਕਦਾ ਹੈ। ਆਸਟ੍ਰੇਲੀਆ ਦੇ ਫਾਇਰ ਮੁਖੀ ਮਿਕ ਕਲਾਰਕ ਦਾ ਕਹਿਣਾ ਹੈ ਕਿ ਇਸ ਅੱਗ ਕਾਰਨ ਕਈ ਖੇਤਰਾਂ ਵਿਚੋਂ ਹਰਿਆਲੀ ਬਿਲਕੁਲ ਖ਼ਤਮ ਹੋ ਚੁਕੀ ਹੈ। ਹਰ ਪਾਸੇ ਸਵਾਹ ਹੀ ਸਵਾਹ ਨਜ਼ਰ ਆਉਂਦੀ ਹੈ। ਬਾਰਿਸ਼ ਤੋਂ ਬਾਅਦ ਨਦੀਆਂ ਤੇ ਡੈਮਾਂ ਅੰਦਰ ਵੀ ਸਵਾਹ ਭਰ ਗਈ ਹੈ।

SHARE ARTICLE

ਏਜੰਸੀ

ਸਬੰਧਤ ਖ਼ਬਰਾਂ

Advertisement

'ਸਾਈਕਲ ਦਾ ਵੀ ਸਟੈਂਡ ਹੁੰਦਾ, ਆਹ ਰਿੰਕੂ ਦਾ ਕੋਈ ਸਟੈਂਡ ਹੀ ਨਹੀਂ, ਮੈਂ ਤਾਂ ਹੈਰਾਨ ਹਾਂ'

28 Mar 2024 3:17 PM

Debate: BJP ਨੇ ਪੰਜਾਬ 'ਚ ਮਚਾਈ ਤਰਥੱਲੀ, ਪੱਟ ਲਏ ਵੱਡੇ ਲੀਡਰ! ਚੱਲਦੀ ਡਿਬੇਟ 'ਚ ਭਿੜ ਗਏ AAP ਤੇ BJP ਆਗੂ, ਰੱਜ ਕੇ

28 Mar 2024 3:09 PM

ਬੱਸ ਤੇ ਕਾਰ ਦੀ ਸਿੱਧੀ ਟੱਕਰ ਮਚ ਗਿਆ ਚੀਕ-ਚਿਹਾੜਾ ਫਿਰੋਜ਼ਪੁਰ ਦੇ ਜੀਰਾ ’ਚ ਵਾਪਰਿਆ ਦਰਦਨਾਕ ਹਾਦਸਾ

28 Mar 2024 1:08 PM

Punjab 'ਚ ਵਿਕ ਰਿਹਾ ਨਕਲੀ ਸੀਮਿੰਟ! Ambuja ਤੇ ACC ਸੀਮਿੰਟ ਦੇ ਗੱਟਿਆਂ ਨਾਲ ਭਰਿਆ ਟਰੱਕ Police ਨੇ ਫੜਿਆ

28 Mar 2024 12:50 PM

Punjabi Family ਨਾਲ Rajasthan ’ਚ ਹਾਦਸਾ, 2 ਮਹੀਨੇ ਪਹਿਲਾਂ ਵਿਆਹੇ ਪੁੱਤ-ਨੂੰਹ ਸਮੇਤ 4 ਜੀਆਂ ਦੀ ਮੌ*ਤ...

28 Mar 2024 10:22 AM
Advertisement